عصام
30 / 04 / 2004, 40 : 03 PM
اول مشاركة لي وعساها تنال رضاكم
وهي عبارة عن قصة لشخص عيارته السبعين وتناقش موضوع ستار اكاديمي
#########
كان ياماكان في حاضر العصر والاوان .
كان فيه شاب وسيم عيارته السبعين ((( اما وسيم كثر منها )))
وكان يحب وطنه كثيرا ..ويحب اي شيء يدل على انتمائه لهذا الوطن <<< هنا يظهر تأثير مادة التربية الوطنية .... بل اكثر من ذلك قد تعجبون لو قلت لكم انه ليس بحاجة لقراءة منهج مادة الوطنية كي يثبت لكم وطنيته <<< عجيب اليس كذلك
((وكأن حب الوطن لا يأتي الا بهذا المنهج ...اللهم استر من مفاجآت وزير التربية والتعليم ))
====
ماعلينا نرجع لموضوعنا
تلقاه يشجع النصر في المشاركات الخارجية لانه يظن ان هذا الفريق يمثل وطنه ...وفي نفس الوقت يشجع الهلال في بطولة خارجية ((مع انه ما يواطن الكورة بس حب الوطن يخليه يسوي كلش ))
وماتشوفه الا وهو شايل الاعلام ويطامر في المدرجات ويدعي الله ان فريق الوطن يفوز
هذا حاله مع الفرق فمابالك بالمنتخبات ..
كان شعار اخوكم السبعين هو : كن سعوديا واشتري بضاعة سعودية .
عشان كذا لا تستغربون لو قلت لكم ان معظم اغراض سعودية الصنع ((لا انسى هنا ان اشكر وزارة الصناعة على تشجيعها لنا لدرجة انه اصبح لدينا اكتفاء ذاتي من المصنوعات ..كل شي صنعناه مابقى الا مركبات فضائية ولا انحن مستعجلين عليها نتعبر بالامريكي الين الخطة الخمسية القادمة ))
<<<<ياشينك يالسبعين اذا طلعتا عن موضوعك
===
الان تبدأ القصة
الموقف كي تتخيلوه كالتالي :
السبعين يخرج من بيته لابس ثوب كبك <<ملاحظة ..الكبك مرسوم عليه سيفين ونخلة ((حب الوطن يسوي اكثر))
فهيدان يركض متجها للسبعين
الوقت هوالساعة السابعة مساء يوم الجمعة قبل اسبوعين بالضبط
فهيدان يصرخ في وجه السبعين قائلا : السبعين السبعين فزعتك لوطنك ولبلدك
السبعين يحاول تهدئة فهيدان ويقول له : وش السالفة وش صاير؟؟
فهيدان يقول وهو يلهث من التعب : الخلاوي بحاجتك
قلت منهو الخلاوي ؟؟
قال :واحد سعودي محتاج اصواتنا عشان يفوز على غريمه في ستار اكاديمي ..
ومنهو غريمه؟؟؟ سعودي والالا ؟
قال لا غريمه مهوب سعودي .
(((( هنا تظهر نخوة السبعين ـ وكما تعلمون الرجال مواقف ))))
صرخت بكل قوة قائلا :وصلتا خير يالخلاوي ابشر والله بالفزعة .
وركضت للهوندا وافتح الشنطة وآخذ العجرا . وفهيدان يناظرني مستغرب
صرخت في وجهه وقلت وش تحتري انت وخشتك مشينا نفقع وجه غريم الخلاوي
قال الدعوى مهيب مطاق... اذا تبي تفزع ماعليك الا تتصل على رقمه وتقول انا معك يالخلاوي وبس .
((بصراحة انا مافهمت قصده )) لكن عطيته جوالي (بالمناسبة ترا صناعة الجوال وطنية ) وقلت خذ جوالي واتصل وقل اللي تبي .لاني بصراحة ما اعرف طريقة الفزعة بالجوال واخاف اخربط.
هنا ابتسم فهيدان ( وظهر له ضرس لم يره من قبل من فرط فرحته باقتراحي) وقال لي خذ دق الرقم هذا :
وقعدت ادق الرقم ((رقم غريب لكن اعجبني الرقم فيه سبعات مثل اسمي ))
قال هات اكلمهم وعطيته
وكلمهم .ثم كلمهم واستمر يكلمهم
الساعة وصلت 9 وهو يكلم ويكرر وانا مبسوط لاني اخدم وطني في دعم احد ابنائه
الين قال لي خلاص بطارية جوالك قضت .قلت مايخالف نشحنها
قال لا يكفي وانا بعد مشغول ابروح . وقال قبل مايروح السلام عليكم
رديت عليه بكلمتي المعتادة : وعليك وعلى وطني السلام <<<<< من جد ذابحته الوطنية
ركبت سيارتي . ورحت لمطعم وطني وطلبت منهم وجبة دجاج الوطنية ((حبيت هالدجاج من اسمه ))
تعشيت ونمت كي اصحو مبكرا لخدمة وطني .
===========
اليوم التالي
فهيدان يجلس في ركن الحارة يبكي
سلامات وش فيك يافهيدان ((هذا كلام السبعين ))
شافني فهيدان وارتمى على واخذ يتمتم بكلمات لم افهمها بسبب شهاقه المتواصل ((ياشينها اذا الواحد يسولف وهو يشاهق من الصياح ))
صرخت عليه قلت وش السالفة علمني
تمالك نفسه وقال :الخلاوي انهزم
====السبعين تصعقه المفاجأة
ولاتكاد قدميه ان تحمله .وقال لفهيدان :
وش ذالكلام ؟؟؟ قل غيرها ياشيخ ... قل لي يلفهيدان انك تمزح.. ارجوك فهيدان .
فهيدان اكتفى بهز رأسه وهو ينظر الى الارض .
فهم السبعين ان فهيدان كان جادا في قوله .
جلس الى جانبه وقال له : طيب وش الحل الان؟ وش نسوي؟
قال فهيدان : لاشيء .. فقط نقول الحمد لله الذي لايحمد على مكروه سواه .
اظلمت الدنيا في عيني. وقلت لاحول ولا قوة الا بالله ..
جلست اياما غير متوازن الفكر . وبعد اكثر من خمسة ايام استعدت بعضا من عافيتي و.........
###########
للموضوع تكملة ولولا الاطالة لوضعتها الان .
الجزء التالي من القصة فيه :
السبعين يشاهد برنامجح استار اكاديمي
شركة الاتصالات ترسل مندوبها للسبعين
واشياء تعجبكم ان شاء الله
#####
اذا لقيت تشجيع كملت الجزء الثاني من القصة
وهي عبارة عن قصة لشخص عيارته السبعين وتناقش موضوع ستار اكاديمي
#########
كان ياماكان في حاضر العصر والاوان .
كان فيه شاب وسيم عيارته السبعين ((( اما وسيم كثر منها )))
وكان يحب وطنه كثيرا ..ويحب اي شيء يدل على انتمائه لهذا الوطن <<< هنا يظهر تأثير مادة التربية الوطنية .... بل اكثر من ذلك قد تعجبون لو قلت لكم انه ليس بحاجة لقراءة منهج مادة الوطنية كي يثبت لكم وطنيته <<< عجيب اليس كذلك
((وكأن حب الوطن لا يأتي الا بهذا المنهج ...اللهم استر من مفاجآت وزير التربية والتعليم ))
====
ماعلينا نرجع لموضوعنا
تلقاه يشجع النصر في المشاركات الخارجية لانه يظن ان هذا الفريق يمثل وطنه ...وفي نفس الوقت يشجع الهلال في بطولة خارجية ((مع انه ما يواطن الكورة بس حب الوطن يخليه يسوي كلش ))
وماتشوفه الا وهو شايل الاعلام ويطامر في المدرجات ويدعي الله ان فريق الوطن يفوز
هذا حاله مع الفرق فمابالك بالمنتخبات ..
كان شعار اخوكم السبعين هو : كن سعوديا واشتري بضاعة سعودية .
عشان كذا لا تستغربون لو قلت لكم ان معظم اغراض سعودية الصنع ((لا انسى هنا ان اشكر وزارة الصناعة على تشجيعها لنا لدرجة انه اصبح لدينا اكتفاء ذاتي من المصنوعات ..كل شي صنعناه مابقى الا مركبات فضائية ولا انحن مستعجلين عليها نتعبر بالامريكي الين الخطة الخمسية القادمة ))
<<<<ياشينك يالسبعين اذا طلعتا عن موضوعك
===
الان تبدأ القصة
الموقف كي تتخيلوه كالتالي :
السبعين يخرج من بيته لابس ثوب كبك <<ملاحظة ..الكبك مرسوم عليه سيفين ونخلة ((حب الوطن يسوي اكثر))
فهيدان يركض متجها للسبعين
الوقت هوالساعة السابعة مساء يوم الجمعة قبل اسبوعين بالضبط
فهيدان يصرخ في وجه السبعين قائلا : السبعين السبعين فزعتك لوطنك ولبلدك
السبعين يحاول تهدئة فهيدان ويقول له : وش السالفة وش صاير؟؟
فهيدان يقول وهو يلهث من التعب : الخلاوي بحاجتك
قلت منهو الخلاوي ؟؟
قال :واحد سعودي محتاج اصواتنا عشان يفوز على غريمه في ستار اكاديمي ..
ومنهو غريمه؟؟؟ سعودي والالا ؟
قال لا غريمه مهوب سعودي .
(((( هنا تظهر نخوة السبعين ـ وكما تعلمون الرجال مواقف ))))
صرخت بكل قوة قائلا :وصلتا خير يالخلاوي ابشر والله بالفزعة .
وركضت للهوندا وافتح الشنطة وآخذ العجرا . وفهيدان يناظرني مستغرب
صرخت في وجهه وقلت وش تحتري انت وخشتك مشينا نفقع وجه غريم الخلاوي
قال الدعوى مهيب مطاق... اذا تبي تفزع ماعليك الا تتصل على رقمه وتقول انا معك يالخلاوي وبس .
((بصراحة انا مافهمت قصده )) لكن عطيته جوالي (بالمناسبة ترا صناعة الجوال وطنية ) وقلت خذ جوالي واتصل وقل اللي تبي .لاني بصراحة ما اعرف طريقة الفزعة بالجوال واخاف اخربط.
هنا ابتسم فهيدان ( وظهر له ضرس لم يره من قبل من فرط فرحته باقتراحي) وقال لي خذ دق الرقم هذا :
وقعدت ادق الرقم ((رقم غريب لكن اعجبني الرقم فيه سبعات مثل اسمي ))
قال هات اكلمهم وعطيته
وكلمهم .ثم كلمهم واستمر يكلمهم
الساعة وصلت 9 وهو يكلم ويكرر وانا مبسوط لاني اخدم وطني في دعم احد ابنائه
الين قال لي خلاص بطارية جوالك قضت .قلت مايخالف نشحنها
قال لا يكفي وانا بعد مشغول ابروح . وقال قبل مايروح السلام عليكم
رديت عليه بكلمتي المعتادة : وعليك وعلى وطني السلام <<<<< من جد ذابحته الوطنية
ركبت سيارتي . ورحت لمطعم وطني وطلبت منهم وجبة دجاج الوطنية ((حبيت هالدجاج من اسمه ))
تعشيت ونمت كي اصحو مبكرا لخدمة وطني .
===========
اليوم التالي
فهيدان يجلس في ركن الحارة يبكي
سلامات وش فيك يافهيدان ((هذا كلام السبعين ))
شافني فهيدان وارتمى على واخذ يتمتم بكلمات لم افهمها بسبب شهاقه المتواصل ((ياشينها اذا الواحد يسولف وهو يشاهق من الصياح ))
صرخت عليه قلت وش السالفة علمني
تمالك نفسه وقال :الخلاوي انهزم
====السبعين تصعقه المفاجأة
ولاتكاد قدميه ان تحمله .وقال لفهيدان :
وش ذالكلام ؟؟؟ قل غيرها ياشيخ ... قل لي يلفهيدان انك تمزح.. ارجوك فهيدان .
فهيدان اكتفى بهز رأسه وهو ينظر الى الارض .
فهم السبعين ان فهيدان كان جادا في قوله .
جلس الى جانبه وقال له : طيب وش الحل الان؟ وش نسوي؟
قال فهيدان : لاشيء .. فقط نقول الحمد لله الذي لايحمد على مكروه سواه .
اظلمت الدنيا في عيني. وقلت لاحول ولا قوة الا بالله ..
جلست اياما غير متوازن الفكر . وبعد اكثر من خمسة ايام استعدت بعضا من عافيتي و.........
###########
للموضوع تكملة ولولا الاطالة لوضعتها الان .
الجزء التالي من القصة فيه :
السبعين يشاهد برنامجح استار اكاديمي
شركة الاتصالات ترسل مندوبها للسبعين
واشياء تعجبكم ان شاء الله
#####
اذا لقيت تشجيع كملت الجزء الثاني من القصة