أمير الحروف
29 / 04 / 2004, 03 : 11 AM
لكل عشاق المحاورة وشعر الرد الجميل ... هذه رديه بين الشاعرين الكبيرين أحمد الناصر الشايع وصياف عواد الحربي على شرف صاحب السمو سلطان بن محمد بن سعود الكبير في يوم الخميس 29/7/1418 هـ... أظن أنها لم تنشر من قبل أتمنى تعجبكم...
أحمد
سـلام رده نبـا نحفـر وندفن لها=والشاطر اللي عليه ان عرضت ماتفوت
اللي معه ذاكرة واحساس يفطن لهـا=يابـدو ياهل البيـوت مبرمـات البتـوت
صياف
يامرحبـا والدروب البيـض ندلهـا=وانته تعـرف العلوم الطيبـة ماتمـوت
ان وقفت هاتها وان روحـت خلهـا=الـريش لام الخـلا والبيـت للعنكبـوت
احمد
كم واحد قصتـه كـبرت ولا حلهـا=ماهـي سوالف على شاهي وطقة وبلوت
واحـد وعشرين وستمية تعين لهـا=وسط البحر مخطر يغـرق بها الجيلبـوت
صياف
شروطنـا الماضية تبقى على حلهـا=تجيب مشلـح وبر واعطيك عشرين كوت
إلـى قـدرت السفينة شيلهـا كلهـا=اما تحصـل ذهب والا من الحوت حـوت
احمد
زلـة قليـل المعـرفـة ما تنزلـها=ما خاطـب الا هل العادة جمـال التخـوت
أنا اشتري عز نفسي ما اشتري ذلها=ماني سواة الضعـوف مجمعين السحوت
صياف
ان كان جاتك من الجاهـل تحملهـا=الحضـر قالو لـي انك من كبار البخوت
الشجرة اللي تضيق الأرض من ظلها=تلقا ورقهـا ليا طـال الربيع محتـوت
احمد
قـد قلت له قل لنفسك قلهـا قلهـا=الاجنبي يحسبه شيـخ العنوز محـروت
وان كان نفسـه تمادت قلت لعلهـا=كم واحد غره المنظر وسحب البشـوت
صياف
ياكثر من ياخـذ السكـين ويسلهـا=وان قلت وش هالكلام يجاوبك بالسكوت
وش رايك نجـوز الفـدرى ونحتلهـا=وانت ارسل اهل القصيم يوزعون الكروت
أحمد
الرب يمهـل وهـو ماهوب يهملهـا=مفلت لسانـه يسمـى بالرجال الفلـوت
ناقـة عريـمان ظني بنت عـم لهـا=فيما مضى خافية واليوم صورة وصوت
صياف
خله بكثر دموع الصديد يهلها=دام الكـلام يتعفت واللسـان معفـوت
أحمد
سـلام رده نبـا نحفـر وندفن لها=والشاطر اللي عليه ان عرضت ماتفوت
اللي معه ذاكرة واحساس يفطن لهـا=يابـدو ياهل البيـوت مبرمـات البتـوت
صياف
يامرحبـا والدروب البيـض ندلهـا=وانته تعـرف العلوم الطيبـة ماتمـوت
ان وقفت هاتها وان روحـت خلهـا=الـريش لام الخـلا والبيـت للعنكبـوت
احمد
كم واحد قصتـه كـبرت ولا حلهـا=ماهـي سوالف على شاهي وطقة وبلوت
واحـد وعشرين وستمية تعين لهـا=وسط البحر مخطر يغـرق بها الجيلبـوت
صياف
شروطنـا الماضية تبقى على حلهـا=تجيب مشلـح وبر واعطيك عشرين كوت
إلـى قـدرت السفينة شيلهـا كلهـا=اما تحصـل ذهب والا من الحوت حـوت
احمد
زلـة قليـل المعـرفـة ما تنزلـها=ما خاطـب الا هل العادة جمـال التخـوت
أنا اشتري عز نفسي ما اشتري ذلها=ماني سواة الضعـوف مجمعين السحوت
صياف
ان كان جاتك من الجاهـل تحملهـا=الحضـر قالو لـي انك من كبار البخوت
الشجرة اللي تضيق الأرض من ظلها=تلقا ورقهـا ليا طـال الربيع محتـوت
احمد
قـد قلت له قل لنفسك قلهـا قلهـا=الاجنبي يحسبه شيـخ العنوز محـروت
وان كان نفسـه تمادت قلت لعلهـا=كم واحد غره المنظر وسحب البشـوت
صياف
ياكثر من ياخـذ السكـين ويسلهـا=وان قلت وش هالكلام يجاوبك بالسكوت
وش رايك نجـوز الفـدرى ونحتلهـا=وانت ارسل اهل القصيم يوزعون الكروت
أحمد
الرب يمهـل وهـو ماهوب يهملهـا=مفلت لسانـه يسمـى بالرجال الفلـوت
ناقـة عريـمان ظني بنت عـم لهـا=فيما مضى خافية واليوم صورة وصوت
صياف
خله بكثر دموع الصديد يهلها=دام الكـلام يتعفت واللسـان معفـوت