مدارس منـــــــــــــول

[البحر الهادئ]

الله يصبحكم بالخير كل ابوكم حسب توقيت غرفتي ...
اليوم جالي طاري شي ماكنت ابي اتذكره بس تذكرته (( بالله ؟؟ ))
الشي هذا هو الدراسه وسنين الثانوي بالذات واللي صار فيها فرق غير طبيعي اول عن الحين
أجل الحين مافيه الا دلع لهالطلاب غير طبيعي وحاطين لهم أخصائي اجتماعي وحركات مو طبيعيه ،، مو على ايامنا يا حسره نداوم بالعصا ونطلع بالعصا
قصصنا ومغامراتنا على ايام الثانوي ما تخلص ابد خصوصاً ان فيه ناس على كيفك وكل ما قلت لهم شي قالو تم حتى لو ينفصلون ما تفرق المستقبل منتهي

=====================

أذكر من ضمن الأشياء اللي كانت تصير ان فرّاش المدرسه بذاك الوقت كان يجلس عند الباب (( اجل في غرفة المدير ؟ )) وكانوا الشباب يوقتون له كل يوم بحكم انه بالساعه الفلانيه بالضبط كان يدخل دورة المياه (( تكرمون )) ويطلع برضه بساعه معينه ،،، وكان هالوقت قبل الفسحه بعشر دقايق تقريباً وكانوا الشباب مقسمين الدوام ورديات كل يوم يستأذن واحد من فصله قبل الفسحه بعشر دقايق وفي فترة غياب الفراش عن الباب ويطلع يجيب فطور ويرجع
ومن جد ما قد غير وقته هالفراش ولا مره من عرفت هذيك الثانويه
والنتيجه اننا ما افطرنا ولا يوم من المقصف

=====================

المدرسه اللي كنا ندرس فيها كانت فصولها زحمه وكانت بعض الفصول في الدور التحتي جنب الاداره والمختبر ،، وكان المشرف على المختبر مدرس مصري ويقدر الشاهي بشكل خيالي

====================

كان عندنا طالب منسم اسمه صالح وكل يوم جايب معه شي غريب للمدرسه ،، وفي يوم جاب معه كاميرة تصوير ،، ويوم انه شاف مدرس الدين يشرح لقط له صوره والمدرس لمح الفلاش ،،، التفت المدرس وقال : من هاللي جايب كاميرا معه ؟؟

====================

كان عندنا مدرس فلسطيني يدرس لغه عربيه وكان ما يتكلم الا فصحى حتى لو في اشد الحالات وكان ما يدخل الفصل الا بشنطه كنه من مجلس الأمن
المهم انه بيوم تضارب ويا واحد من الطلاب وطال النقاش وحمي الوطيس ،، وقام خالد ولقط شنطة المدرس وصمخه بها في وجهه
نزل المدرس للمدير ورجع هو وياه وكان المدرس يصيح والله
المهم ان المدير يسمع السالفه من المدرس وكان يقول : لقد اعتدا علي امام الطلاب وضربني بحقيبتي
هههههههههههههههههههههه من جد حركه حتى وهو يصيح يتكلم فصحى
بس فصلو خالد مسيكين مع انه ما سوى شي

========================
هذي القصه على ايام الابتدائي مو الثانوي وهي ان عندنا رحله لمصنع الواحه او الربيع نسيت والله المهم المدرس اللي راكبين معه كان مشغل شريط بشير شنان (( ياليت سوق الذهب يفرش حرير ))
ويبي يقنعني انه مربي اجيال بعد ههههههههههههههههههههه

========================
اسم واجبات ما فيه .......كنت اذكر اني حليت واجب بثاني متوسط والى الان متحسف اني حليته....

واذكر كان معنا واحد من الشباب بثالث متوسط يوم دخل مدرس الجغرافيا كان هو جايب كرسي وحاطه فوق الماصه وجالس فوق الكرسي الي فوق الماصه
وصاير كانه على منبر في اخر الفصل ...وكانت الدنيا برد وشتاء وكان الطالب لابس بشت ونظارات ...وهو ملتحي...يعني كانه خطيب جمعه
قال المدرس انزل قال الطالب لا...ورفع صوته ...يعني الاخلاق خربانه وعادي لو يفصولنه مو من المدرسه لو يفصلونه من بيت اهله
المهم ويحاول فيه المدرس انه ينزل وما رضي الطالب...تدرون وش يقول ...يقول مالك شغل بي اشرح وش يابوي..قسم بالله تنسيم

==========================

القصه الثانيه كنا بثالث متوسط وكان عندنا مدرس يطبق...بمادة التوحيد...المدرس هذا غثيث مع مرتبة الشرف....وكنا باخر الدراسه والدرجات مرفوعه
وما للمدرس شي يقدر يعدل فيه....المهم ويتسلطون الطلاب على هالضعيف...تصدقون جاي طالب لمه عند ماصة المدرس يقول ان ما اسكت ترا ابدخل لك جبهتك<< بايعها

========================

مره بالفسحه لقوا العيال قطو بالحمامات ...المهم ويلحقونه ويدخل بالفصل وحنا بالدور الثالث ...ويحجرونه بالدريشه ...قالوا خلوه الى اخر درس عشان نطلعه عند
المدرس المصري....ويجون يطلعونه عند المدرس المصري وانواع الصراخ<<<<< والله تنسيم تحس انك بسينما

==========================
مره عندنا مدرس عصبي الى ابعد حد ......المهم ويجون العيال ويصلحون الكرسي ويبعدون القطعه الي تمسكه
لانه من النوع الي يصفط .ماتعرفون هذاك النوع من الكراسي الي فيه قطعه تمسك عصيان الكرسي عشان ماينسدح الكرسي؟ ..المهم...ويوم جلس عليه المدرس ويزحلق فيه الى الارض وينسدح المدرس بالفصل ....عاد انا من النوع الي مااعرف امسك ضحكتي ..والله وجاء لمي وانا غافل وعطان
مخمس الى الحين ما انساه :(

======================

مره واحد من العيال جاء عند مدرس الخط يبي يعبي حبر للقلم ...المهم ويسحب بالابره حبر...... والطالب يستغبي يقاله يبي يشوف وشلون تطلع الحبر..
ويضغط الابره على ثوب المدرس ....يوم صار الثوب لوحة رسم من الحبر

=====================

مره بالاختبارات جاء طالب الساعه 6 الصبح والمدرسه مفتوحه ومافيها احد ويشتري بكت دخان كامل ويمشي على الفصول ويحط بكل فصل زقارتين
ويولعهن .....ويوم ادخلوا الطلاب والمدرسين ...والا يالله من فضلك الفصول مبخره

======================
مره واحد من الشباب دايم يجيب اشياء غريبه ...المهم مره جاب بردقانه وحاطه بالدرج ...ويوم جاء الدرس الثالث بعد الفطور...قعد يقشر البردقانه
وفاحت ريحته ...عاد الطلاب كلهم التفتوا عليه ....ويسوي نفسه بريء

======================
القصص كثيره بس كثير من الطلاب اللي تسببوا فيها فصلوهم للأسف
اما الحين لو تسوي شي جابوك للموجه او الاخصائي وجلس يدرس حالتك ومدري ايش
يا ناس من جد كل ما شفت دراسة الحين اقول ليتني طالب الحين حتى لو مااتوظف بعد التخرج

\\\\\\\\\\\\ الي عنده مشاركه يعطينا والي عنده ضحكات يدري وين يحط رده \\\\\\\\\\\\\\\\\

تقبلووووووووووووووووووو

البحر الهادئ

[الغلا]

هههههههههههههههههه

تسلم والله اخوي البحر الهادئ بدايه قويه بمشاركه رائعه

أذكر من ضمن الأشياء اللي كانت تصير ان فرّاش المدرسه بذاك الوقت كان يجلس عند الباب (( اجل في غرفة المدير ؟ )) وكانوا الشباب يوقتون له كل يوم بحكم انه بالساعه الفلانيه بالضبط كان يدخل دورة المياه (( تكرمون )) ويطلع برضه بساعه معينه ،،، وكان هالوقت قبل الفسحه بعشر دقايق تقريباً وكانوا الشباب مقسمين الدوام ورديات كل يوم يستأذن واحد من فصله قبل الفسحه بعشر دقايق وفي فترة غياب الفراش عن الباب ويطلع يجيب فطور ويرجع
ومن جد ما قد غير وقته هالفراش ولا مره من عرفت هذيك الثانويه
والنتيجه اننا ما افطرنا ولا يوم من المقصف

هاذي روووووووووووعه

كان عندنا مدرس فلسطيني يدرس لغه عربيه وكان ما يتكلم الا فصحى حتى لو في اشد الحالات وكان ما يدخل الفصل الا بشنطه كنه من مجلس الأمن
المهم انه بيوم تضارب ويا واحد من الطلاب وطال النقاش وحمي الوطيس ،، وقام خالد ولقط شنطة المدرس وصمخه بها في وجهه
نزل المدرس للمدير ورجع هو وياه وكان المدرس يصيح والله
المهم ان المدير يسمع السالفه من المدرس وكان يقول : لقد اعتدا علي امام الطلاب وضربني بحقيبتي
هههههههههههههههههههههه من جد حركه حتى وهو يصيح يتكلم فصحى

وهاذي بعد ولا اقول كلها رووووووووعة ننتظر منك المزيد

الغلا

[اسيرة الزمن]

منــــــــــــــــــول تحــــــــــــــــــــول

اجل تروحون بعصى وتجون بعصى ههه


مو مثلنا مانروح الا بشوكولاتات

[هادي]

وش ذااااا


والله كل دراستك منول خبصه في خبصه

اجل لو اعطيك علومي كان تمووووت من الضحك

وانا اغليك ولا ابيك تمووووووت



اذكر انه منول كان عندنا مدرس دين يجي على سيكله وكان نسوي به عزاري بقعا >>>الا وشهي عزاري بقعا

يوم نبنشر بكفره

ويوم نركب قفل على سيكله

ويوم نوزيه ورا احد العماير واذا طلع الظهر من المدرسه ما يلقاه >>> تراني اقصد السيكل لا يروح تفكيركم بعيد

الله يتسامح عنا

والادهي بعد


مدرس تاريخ عندنا واحد جاب له علك من اللي يحل >>> حق تنظيف الامعاء

ويوم عطاهياه والله لا يوريكم راح الدرس في مشاااوير للــــ.............. >>> تكرموووون


هذي غيض من فيض >>> اخس ياللغه العربيه



سلام