صيدليه مستشفى تميرالعام

[ابو مشعل]

السلام عليكم ورحمته الله وبركاته

لاحظت ان صيدليه مستشفى تمير العام تعاني من قله الادويه اللي فيها وكثير من المرضى يشتكون من هذا الشي ومن وقله الادويه وعدم توفر البعض منها لذلك حبيت ان استفسر من مندوب مستشفى تمير بان يوضح الاسباب في قله الادويه وعدم توفر البعض منها..!!

هل هو تقصير من المسؤول عن الصيدليه وعدم المطالبه بالادويه الازمه من المخازن؟
ام هو تقصير من ماذا نرجوا ايضاح الاسباب.!!

تقبلوا تحياتي
ابواثير

[L O R D]

مشكور اخوي

ابو مشـــعل

وان شاء الله لما

أتخرج

واجي عندكــم اجيب الأدويــة معي

بصــراحــة قلــة الإهتمام من المستشفى بعديين الأدويــة اتوقع ماتمشيء


لان أغلب المرضي يرووحون الحوطة او الرياض او المجمعه

[ZAMAN]

وعليكم السلام ورحمة الله وبركاته
كلامك صحيح أخي ابا مشعل فصيدلية تمير تعاني من نقص في الادوية نتمنى من مندوب المستشفى ايضاح ذلك

[النجدي]

يقول أحد الأخوة الذين يعملون صيدلية المستشفى أن الوزارة تصرف لاي مستشفى في المملكة حسب التقارير المرسلة لها ، يعني حسب الطلب من الصيدلية ، وأنه سبق وأن عمل في مستشفى قبل مستشفى تمير يقول كان مدير المستشفى يرفع تقارير أكبر من الواقع فكانت تأتينا أدوية فوق حاجة المستشفى وكنا ندخرها لحاجتها ، ولم نشتك في يوم من الأيام من قلة الدواء الفلاني أو نفاده من المستودع .

[ابو مشعل]

ننتظر رد مندوب مستشفى تمير لتوضيح الاسباب..!!

[قلب الاسد]

بصراحه ...
لو تجمع أنواع الادويه في هذي الصيدليه التي أشبه بمحطات الهجر الخاليه..
لما ملأت كرتون موز ...
مجرد تعبئة رفوف فقط من انواع محدوده من الادويه ..
فكل دواء قد استحوذ على رف بأكمله ..
لأعلم ماسر قلة وندرة الادويه ذات الفاعليه .. ووجود أدويه مسكنه قد تجدها في اقرب محل تموين غذائي ..
ليست في صيدلية تمير بل في أغلب صيدليات المستوصفات الحكوميه ..
لاأعلم هل هي سياسه جديده لتطفيش المرضى وإجبارهم على شراء الادويه
من الصيدليات التجاريه ..!!!

[ابواسامه السلوم]

يقوم على المستشفى مجموعه من خيرة ابناء البلد فنتمنى منهم النظر في الوضع المذكور

[بسمة]

اخوي ابو اثير

موضوعك جداا مهم خصوصا الايام القادمة وقدوم كثييير من الزوار للمدينه..

لاحظت ايضا قلة الادوية اللتي تعتبر علاجات للأمراض المزمنة !! لا ادري ما السبب!!

[السنافي]

شكرا يابو أثير على إثارة هذه النقطه

وأنا أنصحك بشراء فيفادول وبندول

وهيستوب ولا تحتاج للمستشفى ابدا ..

أو ان تتعامل مع الخضيرا والكمون والرشاد

ومستشفانا ينطبق عليه المثل الذي يقول

( بركة من حميده بنت )

[توأم الجود]

والله على قولة اخوي السنافي ( يمدحون الخضيره و الكمون ) ؛؛؛

لكن ننتظر مشاركة مندوب المستشفى ؛؛؛ المستشفى قطاع حكومي اثبت فهمه و اهتمامه بالمواطن و الرد على تساؤلاته فالرد باذن الله قادم

تحياتي

[الضامي]

ياجماعة الخير
تدرون وش جاز لي بهالمستشفى البوفيه اللي عند الباب كل شي فيها تصدق يمكن تلقى بعض الادوية اللي ماتحصلها بالصيدلية

الصيدلية فيها ذيك العجيز الفلبينيه قبل ماتجي تلقاها مولمة لك العلاج بالكيسة وخذ علاجات
انا عندي إقتراح لمندوب المستشفى
يحطون طريقة أسمها العلاج السريع يعني تدخل المستشفى وتتنحنح وعلى طول للصيدلية ويعطونك كيسه فيها فيفادول وبندول وهيستوب ويدبسونها يعني مثل هدايا الجاليات شريطبن وكتاب
الفكرة هذي أقتبستها من التسجيل السريع لبعض المنتديات

وعلى طاري مندوب المستشفى ترى الهندي حق المختبر دايم مشيك عند حق البوفيه .............أنصحوه تراه جيد بس يقصر بالمختبر لحاله


مشكور ابو مشعل لهذه اللفته

[العلاقات العامة بمستشفى تمير]

في البداية اشكر الاخ صاحب الموضوع واشكر كل من انتقد بهذا الشأن
وهذا يدل على حرصكم ومتابعتكم المستمره .
وبخصوص نقص الادوية في مستشفى تمير العام فالعاملين
والمسؤول عن الادوية يقوم بدورة على اكمل وجة وذلك بطلب الادوية من المستودع الرئيسي بشئون الصحية بالرياض بصفة مستمره وايام محدده
من قبلهم لاستلام الادوية وعادتا النقص يكون من التموين الطبي بالرياض
لفترات محدوده .
اما ان يكون الدواء تحت التحليل وهذا ياخذ وقت للفسح عنه او عدم توفر بعض الادوية لديهم او النقص في الكمية وهذا يسبب لنا بعض الحرج عند استلام الطلبيات اما بالنقص بالكمية او عدم التوفر .
وكذلك لاننسى ان مستشفى تمير سعته السريرية (30 ) سرير وهذا يسبب
عدم صرف بعض الادوية لعدم وجود تخصصات طبية معينة مثل استشاريين اوغيرهم من التخصصات النادرة وكذلك كمية الادوية تكون محدودة .

[الجنوبي 2000]

طيب يا حبيبي لم تعطينا اجابة شافية

يعني الى متى يا الغالي

1418 الى 1427 ولم نرى اي شي يا الغالي

والله صدقت يا الخال

كيسة فيفادول وهستوب ومضاد حيوي 250

يا ناس قصرنا

رحت اشتري علاج من الصيدلية حوالي 80 ريال مضاد حيوي 600 والحمد الله طيب

وشفت واحد من المركز الصحي يقول عندنا هذا العلاج كان علمتني

يعني مستشفى ما فيها شي المركز ىالصحي فيه شي ؟؟؟؟ من يصدق

المهم لا حياة لمن تنادي

ولا اقول شي حتى المعاملة من الممرضين والممرضات يسفهونك

لين يزيد الوجع

اشياء لا اقولها والله يستر عليهم

تقبل تحياتي ابو اثير

[نقا الكرم]

ياجماعة الخير نصيحة مني لكم ابعدوا عن ورشة تمير عفواً (مستشفى تمير) والمركز الصحي أحسن منها والفرق ماهوب شوي ،، مصايب كبيرة طلعت من المستشفى ناس يروحون مافيهم إلا أشياء بسيطة ويطلعون منها بأمراض خطيرة
وأقربهم أثنين من أخواني واحد دخلت شوكة في ركبته وراح لمهم وقالوا له بنسوي عملية لأننا نشوف الشوكة وبنطلعها ،، وفي الأخير يقولون مالقينا شي ،، ولا حظوا إن العملية في الركبة وعند الصابونة يعني الموقع خطر وأي خطأ يمكن يكلف والمتظرر الوحيد أخوي جلس أكثر من شهر تقريبا وهو مايقدر يثني رجله ،وأخوي الثاني دخلت إبرة في رجله عند مفصل الإبهام وراح لمهم وسوو عملية على إنهم بيطلعونها وبعد التحفير والتفتيش والتقطيع يقولون مانقدر نطلعها لأنها في المفصل وأحسن شي تروحون للحوطة يمكن يطلعونها ،، طيب من الأول قولوا مانقدر نطلعها وريحونا ،، وإلى الآن وأثر العملية والتقطيع باقي وله تقريبا أكثر من 6 سنوات ، والبلاوي كثيرة حصلت مع أقاربي ومع غير أقاربي والكثير منكم يعرف ماحصل مع كثير من المرضى بسبب هذه الورشة
بصراحة أنا لا ألوم الموظفين السعوديين لأنهم لا ناقة لهم ولاجمل في هذه الأمور لأن المسؤل عنها هو الوزارة السيئة (وزارة الكحة ) والشركات المشرفة على المستشفيات اللتي لا رقيب عليها ولا حسيب ، وجالسين يلعبون في أرواح البشر وهمهم الأول كسب المال ، لانهم لا يوفرون الاطباء الأكفاء وإنما يجيبون أي كلام بأقل سعر ممكن لضمان الكسب الكبير
وإنشاء الله إن الأمور بدأت تتحسن خاصة وأن الوزارة تقول إنها هي اللي بتشغل المستشفى ،،،
ولا يزعل علينا مندوب المستشفى

[ابو مشعل]

اخوي مندوب المستشفى شاكر لك على التوضيح بس ياحبيبي الحين تقول ان التموين الطبي يكوون عنده نقص او يكون العلاج تحت التحليل طيب ليش يتوفر في المستشفيات الثانيه او تمير بس اللي يقولون لها ان فيه نقص.

[عاشق العالمي]

وأخوي الثاني دخلت إبرة في رجله عند مفصل الإبهام
اول مره اعرف ان القدم فيها اصبع يسمى ابهام !!
الموضوع بمجمله لا يستحق كل هذا التسليط ليس لعدم الحرص على صحة المواطن لكن لمعرفة جمييع من شارك وعلق باستخفاف بالمستشفى ان ما يحدث في مستشفى تمير هو نفس الوضع والاخطاء التي تحدث في اغلب المستشفيات بما فيها الخاصه ........
ام ان الطفله رزان التي توفيت العام الماضي نتيجة خطأ طبي ماتت في مستشفى تمير؟؟
يفترض فينا عندما نناقش مسئلة التسيب او الاهمال او نقص الادويه ان نبحث
عن المصدر الاساسي في هذا الخلل اين يكمن؟
نعم الشركات المشغله لها سلبيات كثيره وكبيره ولكن لو طلبت من تلك الشركات ان تحسن خدماتها للمواطن لردت عليك بكلمة واحده حقوقي لم تصرف من الوزاره فكيف اقدم افضل الخدمات؟؟
الخلل كبير ومتشعب ولا يحق لنا ان نركز هجومنا على مستشفى قليل الامكانيات والقدره التخصصيه........

[ابو مشعل]

اول شي اخوي نحن نستفسر عن عدم توفر الادويه ولا ادري وش دخل
كلامك اللي تقول فيه ان الطفله رزان التي توفيت العام الماضي نتيجة خطأ طبي ماتت في مستشفى تمير؟؟

يعني هل نحن قلنا ان فيه احد مات في المستشفى بسبب خطا طبي نحن نسال عن توفر الادويه بس

شاكر للجميع المرور

[نقا الكرم]

اول مره اعرف ان القدم فيها اصبع يسمى ابهام !!
أخوي عاشق العالمي أنا أقصد الأصبع الكبير لأن موقعه مثل موقع الإبهام في اليد

بعدين شكلك تشتغل في المستشفى المذكور أو الشركة لأني أشوفك تحامي عنهم
وإذا كنت أنت لم تتضرر منها (وإنشاء الله أنك ماتتضرر ) فأنا وأخواني تضرروا منها

مستشفى قليل الامكانيات والقدره التخصصيه........
هنا مربط الفرس ....

[الضامي]

نقا الكرم

كان الله في عون أخوانك ومايرون بأس إن شاء الله

أنا أبن خال لي صار عليه حادث بسيط وجاه جرح عميق في اصبعة الابهام (الكبير)

المهم راح لمستشفى تمير وقالوا لازم بتر الإصبع !!!!!!!!

الولد انهبل قال والله ماتقطعون اصبعي ثم راح للحوطة وسوو له خياطة وألحين أصبعة طيب ويحركه ولا فيه إلا العافية

أخوي / عاشق العالمي

وجهة نظرك نحترمها وصدقت كل المستشفيات تشهد اخطاء فادحة

مندوب المستشفى لك الشكر لمتابعتك الموضوع ونقدر لك التجاوب

[ابو مشعل]

شكر لكم جميعا مروركم على الموضوع

ولي عوده قريبه باذن الله

[الساطع 2004]

المشكلة عامة في اكثر المستشفيات الحكومية مع الاسف وعلى العموم ماهي مشكلة انا مستعد اشتري الدواء من برا بس اهم شي اضمنوا لي سرير في المستشفيات اذا قدر الله علي او على احد من الناس الي مالهم واسطة ولا يعرفون دكتور اجنبي يسنعهم ..... يالربع المستشفيات الحكومية مع الاسف اصبح الشق فيها اكبر من الرقعة وكلنا امل في الله ثم عبد الله بن عبد العزيز ان تتعدل امور وزارة الصحة

[زمن]

يقوم على المستشفى مجموعه من خيرة ابناء البلد فنتمنى منهم النظر في الوضع المذكور