للأوفياء فقط ..! %%%%%

[وافي الخير]

للأوفياء فقط ..!

--------------------------------------------------------------------------------

السلام عليكم

1- ليت الزمن يرجع ورى واعرف الناس
................... عرف(ن) يبدّد من خفوقي ظلامه
2- واعرف من اللي خوّته ترفع الراس
.........................ومن خوّته بلشة تجر الندامه
3- واعرف من اللي صادق وكاذب احساس
................... ومنهو الوفي اللي وفى في كلامه
4- واعرف من اللي لاتضايقت ينحاس
......................واللي ليا من ضقت زاد الملامه
5- واعرف من اللي للوفا دوم نبراس
.......................ومن خان خلانه وسدّد سهامه
6- وياليت منهو عارف طيّب الساس
..................وياليت راع الطيب بوجهه علامة !
7- المشكلة لا من غشى العين عوماس
..........................ماعاد تعرف نورها من ظلامه
8- ومن عزني شلته على هامة الراس
..........................وحفظت قدره لين يوم القيامه
9- ومن باعني بعته مثل ساير الناس
.........................ونزل بوسط القلب عالي مقامه
10- ودام الوفاء لي دايم الدوم نبراس
....................... ماهمني غدر (ن) برى لي سهامه
11- وترى الوفاء ماهو كلام بقرطاس
............................اصل الوفا فعل يصدّق كلامه
12- وترى الوفا للخلق عزّ ونوماس
..........................يعطي جميع الخلق قدر وكرامه
13- مير البلا في وقتنا صار ينداس
..........................وخلوا الخيانه تعتلي فوق هامه
14- وياللي يدور ( ع ) الوفا بين ذالناس
............................يمكن تحصّل بعد يوم القيامه !


***
منقول

[غلا الكون]

يعطيك العافية اخوي على قصيدتك المميزة

دمــــــــت بــــــــووود...

[صادق المشاعر]

صح لسان الشاعر وتسلم اخوي وافي الخير على القصيده المميزة

تحيتي للجميع