(((قصائد أعجبتني)))

[أمير الحروف]

الأعزاء أعضاء هذا المنتدى الرائع...
لا أدري كيف أبدأ فموضوعي هو (قصائد أعجبتني) عبارة عن نافذة يسجل فيها كل متذوقي الشعر ما يحوز على إعجابهم من قصائد مع ذكر صاحبها ومناسبة القصيدة أن وجدت... وذلك من أجل أن تكون مرجع لكل متذوقي الشعر الذين سيجدون في نافذة واحدة كل ما يرغبون بالإطلاع عليه من قصائد تلامس أذواقهم وتعبر عن مشاعرهم ... وأيضاً من أجل عدم الإكثار من القصائد المنقولة في الصفحة الرئيسية لمنتديات الشعر .. صراحة لا أدري أن كان الموضوع جيد أم لا ولكني أضفته ليضيف المزيد من الترتيب لهذا المنتدى الغالي عندي وكلي أمل هذه المرة أن أشاهد من الأعضاء الكرام مشاركات تزيد هذا الموضوع بهاءً وعذوبة وتقبلوا مني كل التقدير والاحترام...



نعطي ولا نطلب برّد الهدايا=وإذا غزانا الليل صرنا له شموس
ما دوجت بالقلب سود النوايا=ولا شرانا مكتب الكذب بفلوس
نبقى نظاف ولا نحب الرزايا=ما نبيع من يوفي.. ولو تنقطع روس

[أمير الحروف]

( وبما أنو ) أنا طرحت الموضوع أببدأ بهذه الرائعة...

بحر شعر... بحر جزاله... بحر شفافية... كل هذه البحور تجمعها قصيدة الشاعر الرائع(( فزاع )) الشيخ حمدان بن محمد بن راشد المكتوم الذي يرسم المدى بكتابة مغايرة ويفتح للحكمة أبواب هواجسه وينثر درره في قلوبنا... شاعر أستقبلته مشاعرنا بحب .. وأدهشنا بما كتب... ليؤكد المقولة المصرية الشهيرة (( أبن الوز عوام )) فمعاً نعوم في بحور الروعة...

ملاحظة : (تقرأ القصيدة باللهجة الإماراتية ليستقيم الوزن)


دنيا وداني مواطيها ترفّعها=والقرم يرقى بعزمه عن مواطيها
القرم يفرض عليها أمر واقعها=يجرح دروبه لجل يرجع يداويها
يرقى وإذا ضاقت دروبه يوسعها=ويعب فيها مع انّه ماطمع فيها
لأن المطامع يثير الشك دافعها=مثل الفعى يوم تسمع ناي حاويها
لاهو سمعها ولا قصده يسمّعها=ولا قصده إلاّ تناظر ميل راعيها
يطلع بطلعه ولكن ما يطلّعها=بعض المظاهر تزخرف لك مراميها
وشلون ألوم المظاهر والعذر معها=والعقربي ماقدر يكشف لياليها
أهل المطامع تغطي لك مطامعها=والوقت يقدر يبيّن لك مغازيها
من حكم الظن بالدنيا يضيّعها=ومن حكم العقل يكسب في تواليها
ومن أشعل النار لا يامن مواضعها=(( والنار ماتحرق إلا رجل واطيها))
والنار أطفت وأنا ماريد أولّعها=وإذا رجعت ولّعت أرجع واطفّيها
والبسمة اللي لذيذ الزيف وزّعها=أقرا مداها واترجمها وامشّيها
وحروف مابين الأسطر سهل تجمعها=لكن من الصعب تستوعب معانيها
قليل من يدرك الفرصة ويصنعها=يجري بمبداه والدنيا يجاريها
بعض الفرص تغتنمني لجل أضيّعها=وأصنع فرص تغتنم من طيب راعيها
هذا وانا أعّز نفسي في تواضعها=وأقدّر الناس قاصيها ودانيها
والناس ماتحفل اللي مايصانعها=وتعيب في بعضها لو كان غاليها
تنسى وتذكر علوم اللي يطابعها=وإذا اختفى يختفي عن ذكر طاريها
تتبع خطا منهو يحاول يمتّعها=وتقول مالا تكنّه في خوافيها
والناس تشكي لحاميها مواجعها=وشلون لو صار حاميها حراميها

[أمير الحروف]

أجمل مافي الشعر قدرته على أستلهام عبارات لها وقعها وأيقاعها الخاص القادر على منح الروح ومضة يصعب أدراكها لولا وجود الشعر...
متعب التركي يستخدم مثل تلك العبارات فيعطي للشعر إيقاعه ولونه وعذوبته ويعطينا مساحة للنفاذ إلى مشاعرنا.... الشاعر متعب التركي... ويتوقف الكلام...


نسيتني... علّمني شلون ابنساك=في هالزمن... نسيان الأحباب عادي
وشلون لا مرت على البال ذكراك=وطيفك سرق مني لذيذ الرقادي
وشلون لا قالوا لي الناس... وش جاك=من كنت في لذة منامك... تنادي
وشلون أعيش اللي بقالي بليّاك=لا من غدينا كل واحد بوادي
لو قلت أداوي جرحي اللي تباطاك=ما كل جرح يفيد فيه الضمادي
أعلنت حبك لين كلً... تمناك=غلطه... وغيري من خطاي استفادي
لو لي مثل قلبك... تمنيت فرقاك=وأكيد قبلك بالجفا... صرت بادي
حلوه عذاريبك... وحلوه مزاياك=حتى بيوم فراقنا... كنت هادي
كنّ الليالي ودها تكسب رضاك=وأنا يطول مع الليالي جهادي
في ذمّتي... ماهي غريبة خطاياك=مبطي وقلبك لو تنبهت... غادي
سهله على من كان مثلك... وشرواك=مثل الثياب... تغيرون المبادي
علّمني أكره ذكرياتك... وطرياك=وأنسى من الليله... صدوق الودادي
ولاّ القصايد... جعلها من فداياك=لبّستها مبطي ثياب الحدادي
باكر على المخطي يدورنّ الافلاك=ونشوف... من يصعب عليه البعادي

[أمير الحروف]

للشعر النسائي رونقه الخاص وإبداعه العذب ولمسته الشفافة... والشاعرة صدى الحرمان هي في نظري ونظر الكثيرين مبدعة الشعر النسائي في الخليج ولا أبالغ إذا قلت أنها الأروع والأصدق على الإطلاق...
في هذه القصيدة تكتب صدى عندما صدمتها الحقيقة فالجميع يعلم بأنها شاعرة معاقة ماتت وهي تصارع المرض... تتأمل إحساسها لحظة الكتابة فتقف بين الممكن والمستحيل... الهدوء والصخب... الروعة والعذوبة... الحزن والفرح ... فقصيدتها مثلها تماماً تشبه شخصيتها الجميلة...الرقيقة... العذبة... والتي رغم كل شيء تقف مرفوعة الجبين لتقول لأمها.....



أبد لا تحزني يمّه إذا خانتني رجليني=وإذا كلٍ شكى همه وأنا همي بقى فيني
وإذا خنجر صداقتهن غرس حده وسط قلبي=وإذا عكازتي خافت من أنها تسند أيديني
ولا تبكبن يايمّه إذا عمري غدا دفتر=وكلٍ يمزع أوراقه... ولا اظنه يكفيني
أبد لا يجزع إحساسك لا شفتي البعض يجرحني=وإذا ضاع الوفا فيهن... وضاعت معهن سنيني
على ضيم الجفا بصبر...تنازع روحي الحسرة=وأحس الظلم يا أمي... يقطع من شراييني
بسيطة... كل ألم جسمي... تحملته وأنا اضحك لك=لكنّ الخوف يا يمّه... من إحساسٍ سكن فيني
ياحيف الطيب بالدنيا يضيع وينتهي عمره=يموت الطيب يايمّه... وأنا فقري يبكيني
شيهم إن خانت الدنيا... إذا ارجع لك مثل أول=أحط راسي على صدرك... وأعرفك ما تخونيني

[المدرس]

من يلوم العين لو هلت دموع -- ومن يلوم القلب لو صفق وصاح
اه من قلب كفخ بين الظلوع --- مثل كفخ الطير مكسور الجناح
ليتني وسط الخلا واعطش وانوح -- بس اشوفك سالي والهم زاح

[أمير الحروف]

أخوي المدرس شكراً لمشاركتك اللي مرررره صغينونة بالنسبه لمكانتك الكبيرة...
أنتظر منك ( وعلى بلاطه) منك أنت بالذات الكثير فلا تخيبني عسى مايخيب لك ظن...

[أمير الحروف]

مشاعر دائرية وتفاصيل صغيره وبريئة للغدر يعيشها الشاعر عطا الله فرحان... الذي يكتب من خلف جدران أحزانه... هذا البوح الكبير... والشعر الأكثر دفئاً... والأعمق حزناً... والأروع بهاء...


يعيش الحب شي عادي... يموت الحب وش يعني؟!=مدام قلوبنا ماتت مشاعرها وهي حيّه
أحسب الحب لاحيته على كيفي... يطاوعني=مغفل من يعيش بها لزمان أحلام ورديّه
من أول ما عرفتك تعطي إحساسك وتمنعني=وأقول تمون يا نبع الحلا... والحب حنيّه
كثر ما كنت تكذب في كلامك كنت تقنعني=دليل أني على كثر الجفا... سلمتك إيديّه
مع إني قلت إذ ماطا عك الوقت الردي... طعني=وإذا ماجيتني كلك... تعال شويّه...شويّه
لك الله يوم أجي مشتاق لك والشوق يدفعني=كأني رايحٍ للموت بيديني ورجليّه
وأعرف إن مر في بالك تولعني... تولعني=ما دامه شي في بالك... تجيبه ميّه بالميّه
وصلت لمرحله... حتى الشعور العذب يخدعني=وأحس أني على النيّه... وأنا فعلاً على النيّه
بكمل لك كلامي... بس تكفى لا تقاطعني=بقى جمر الكلام... ودمعةٍ بالعين مخفيّه
أمانه... قبل أروح وينتهي كل شي... طالعني=عشان تعرف وش معنى العطا قبل الأنانيّه
أبرحل... والطريق اللي يودي ما يرجعني=يبي يغنيني الله عن هوى حبك وطاريّه
خذ الباب بطريقك... والعذر ما عاد ينفعني=ترى ما عاد لك قيمه... ولا للحب أهميّه
ومثل ما تسمع لـ ( عبد الكريم ) أبيك تسمعني=وداعيّه... يا آخر ليله تجمعنا... وداعيّه

[أمير الحروف]

إذا كان الهوى يعلّم بهذه الطريقة فما على العاشقين سوى الدعاء لاستمطار حبيبه كالهنوف القادرة على جعل المحب تلميذاً على مقاعد العشق يلتزم كتب الهوى...
سعد الجميلي وقصيدة أكبر من المقدمات...


الهنوف اللي تكدّ المسك في شقر الذوايب=درّستني أغنيات الحب والعشق ولحنها
علّمتني كيف أكون بطرفها النعسان ذايب=واتحرّى وصلها في كل ليله واحتضنها
عيشتني بين جمر الشوق وظروفٍ صعايب=والسهر والهم والغربال صرت أدفع ثمنها
كمّلت في زينها الثامن على سبع العجايب=غادةٍ تاقف على عرش العذارى في زمنها
عينها عين أشقرٍ في هدّته سوى الغرايب=صيدته في حزّة المقناص ما للموت عنها
وأن تبسم ثغرها قلت إيه هبّي ياهبايب=البرد منثور فيه... وحولها جمرٍ سجنها
كلها كتلة حلا... ما ادري غّلا... ما ادري مصايب=الوكاد إني صويب الحب هاك اليوم منها
يوم جت تمشي وهي تختال وجروحي عطايب=سوّت اللي سوّته فيني وقمت أتبع ظعنها
يمها من دون قلب وراي شديت الركايب=جيتها في موعدٍ بالقرب من سكة وطنها
قلت يا بنت الحلال الحب... ماهو بالغصايب=قالت أنت اشلون تسرق قلب من حبك فتنها
قلت أنا مسكين... غرّتني روايات الحبايب=ما دريت إن المحبة... مهرةٍ محدٍ رسنها
لين شفتك واعترفت إنّك بعد كل العرايب=وإنك اللي قلت يا حظ الخفوق اللي ضمنها
يالهنوف اللي تكدّين الشمطري بالذوايب=علّمي كل الصبايا عن قصيدتك ولحنها

[المدرس]

لك مني أجمل هدية واقدم لك هذه المشاركة وللجميع تحية
وهي من القصائد التي أعجبتني

الـبارحه ساهر والعـين مسهرها 000 زول مـع الـسوق بالمفرق تـعـداني
من يمه النفس فيما فات قاهرها 000 والـيوم خـطـر عليّ فـرقـاه تـقـواني
ما الـوم عيني ولو هلت عبايرها 000 مـن حــر فـرقـا ولـيـف لـي تـناساني
كن الرمد - لا بلينا - في محاجرها 000 ما طبق الجفن مع هجعان الاعياني
على وليـف نظيف من جواهرها 000 يا حيف عقب الطرب والولـف ينساني
ان قـلت ينظر بحالي ما يناظرها 000 وان قـلـت يرحم يزيد الهجر هجـراني
هو مالك الحال كاسرها وجابرها 0000 وشـفـاي بـشفـاه وشـفـاه يـشـفاني
له عين سبحان خالقها وساطرها 0000 سـواه ربـي عـلى مـا راد فـرداني
وعيونها كن الاثمد في محاجرها 000 مـن غـيـر كحـل هدبهن اسـود قـاني
والراس يضرب في ملاقي خواصرها 00 تنثر عليه الرشوش ارناق والوان
والريـحه روضة ناجت زواهرها 0000 يسجع بـها الطـيـر ويـغرد بالالـحاني
يا نور بنوره ويا شمعة جزايرها 00000 يا نقوة البيض من حضر وبدواني
فيـها من الزين شـارات انـاظرها 00000 حمره وعفره وزين اشباه والواني
يا روح روحي ويا خافي سرايرها 000000 مهوب حق جزا الاحسان حقراني
يــا نور بـنوره ما نـيب قــادرها 000000 يوضي سنـها ودونـه حـال بـنـياني
شهب اللوايح عسى نجم يحدرها 000000 وامـا كفى واحـد يا الله بـالـثـانـي
سقوى الى شفت والي العرش دامرها 00000 تصير لي مطّرق درب وميداني
واقـول هذي ديـار كيف ابـنكرها 0000000 منزل حبـيـبي وحـيـانه وحـيـانـي
يا دار وين الظبا اللي فيك خابرها 000 ادمي .. وريمي .. وعفري .. وغزلاني
منهن هنوف الى من قمت اناظرها 0000 غضّت بصرها وتسحرني بالاعياني
احـير باوصافها لا جيـت اناظرها 000000 لا رنق مشخص ولا نيره وحمراني
كنه من الحور والي العرش حادرها 0000000 يا قبلة الله وياسيدي وسلطاني
انـا هلـيـك دريــك مـن سـعـايرها 0000000 يا صاحبي وراك بالنار تصلاني
عليّ حـجـة فـورّدهـا وصـدّرهـا 000000000 باي الاسباب تنكرني وتجفاني
خف سامك العرش في نفسي واجبرها 00 ثم امش لي بالعدل وارفق على شاني
ما نيب عاتي عن السنه ومنكرها 0000000 ولا نيب مستبدل لي مذهب ثاني
فان كان لا ذي ولا هاذي نقر لها 0000000 بالصبر نصبر وصيور العمر فاني
وصـلاة ربي عـد ما طار طايرها 0000000 على نبي الهدى وامر بالاحساني

[أمير الحروف]

غنائية هذه القصيدة تشدنا لأعماقها من بدايتها لنهايتها، لمسات شعرية مفعمة بالصدق... وأحاسيس رقيقة تجعلنا نسبح في فضاءات أفكارنا... هذا هو عبد الله أبو دله وآخر ما كتب...


تخيلتك ولا أدري غلا... أو كنت بك ندمان=ولكن هذا أسواتي... عليك الشوق يرميني
أنا أدرى تمنيتك... ولكن للأسف ما كان=حقيقه وما أكتمل حلمي وضعت وضاعت سنيني
وبقيت بوحدتي أسأل من غيابك ترى للآن=أنا وشلون متعلق بذكرى وأنت ناسيني
بعد ما رحت والساعة تسألني متى النسيان=تقول أنسى هوى هذا وقلبي لك يمشيني
يذكرني حنيني فيك إلا من جيتني بأحزان=وأجيك وكلي اتألم وأضيع ولا أعرف أنا ويني
أهلي وأرتوي منّك... وأبقى لجلك الظميان=وأشرب من ردى حظي ظماي وأنت مشقيني
أنا لا من خسرت الكل... أنا بمصافحك ربحان=لأن الناس والدنيا... كثير وما ملو عيني
حبيبي وش بقى عندي أعز الكون عندك هان=ترى لأجلك ومن أجلك... حملت العمر بيديني
وضعت بدربك العاثر أدور بالسما ألوان=وأسبح بالفكر واغرق... خيالي لك يعنيني
تخيلتك ولا أدري... تخيلتك تجي ولهان=ولكن ماعتقد وإنك... أكيد الحين ناسيني

[أمير الحروف]

سيناريوهات الغرام تختلف باختلاف أبطالها الذين يكتبون أروع الملاحم الشعرية بمشاعرهم... محمد عيسى العنزي... أحفظوا هذا الاسم جيداً... أول قصيدة تنشر له وأنا على ثقة بأنكم ستعيدون حساباتكم قريباً حول ترتيبكم لنجوم الشعر...



تجي... تبعد... على كيفك.. لمثلك ماحسبت حساب=تجي وتروح مايفرق..ترى عندي غدا عادي
هذاك أول أبي قربك خطاك أنساه دون عتاب=تقول أبعد وأجي يمك أحسب أنك لي تنادي
حسافه هانني قلبك وجعلتك سيد الأحباب=أحب اللي يحبونك وأعادي من لك يعادي
جذبني طبعك الهادي سحرني شكلك الكذاب=حسبتك مني وفيني لك بروحي أنا فادي
لأنك كنت لعيوني نظرها وللجفون أهداب=أشوفك بالسما نجمة جذبني نورها الهادي
وأشوفك شمس بعيوني ولكن ياحسافه خاب=أمل كنت أشعله شمعة فرح في عيد ميلادي
ولكن بانت علومك عرفتك ياشبيه الداب=تشيل السم بأنيابك وأشيلك حب بفوادي
عرفت أنك شبه إنسان... مجرد جسم وسط ثياب=يوسوس لك عدو الأنس تدس السم في زادي
معي بأسم الوفاء تمشي وتمارس لعبة الأعصاب=تظاهر لي وفّي مخلص... وأثرك أكبر معادي
أنا من كثر حبي لك نصحتك لين راسي شاب=على درب الصواب أهديك ولكن ربنا الهادي
وأنا لو كنت أعرف أنك تبدل لأتفه الأسباب=ما نزل قدري لقدرك بعيدٍ عنك يالغادي
أنا لي عزةٍ ترفض صداقة واشيٍ مغتاب=وترى فرقا الردي مثلك أعده ثالث أعيادي
وأنا ماهي من أطباعي أدراي خاطر الكذاب=أقول الهرج في وجهك ولا أنت بقد لعنادي
لاصار من الخطا كاسك طفح وامسيت له شراب=زرعت الشوك وأنت اللي في ثمر غرسك البادي
تحمل غلطتك وأرحل وأظنك فاهم الأسباب=وأنا رحال وفراقك مناي وغاية مرادي
أبدوّر وفّي مثلي صدوق للوفاء طلاب=على وضح النقا يمشي مشاحي فكره بعادي
وبفتح صفحةٍ بيضا وبنسى ماضيٍ ماطاب=وبشعل للأمل شمعة بها الآمال تنقادي
وبعتبرك مثل حلمٍ.. حضر وقت المنام وغاب=وهم زار الخيال وراح... فعل ماضي ولا عادي
وعسى دونك يحول اللي وراك وترقب المرقاب=وعساك أكبر خساراتٍ بها حظي الشقي جادي
وعساني مافقد أغلا منك.. عساك أنت آخر الغياب=عساك آخر معاناةٍ هدفها تهدم أمجادي
وعسى فيها تعرف إنه عملك مدونٍ بكتاب=حسابك تاخذه وافي لا هو ناقص ولا زادي
عسى ترجع إلى عقلك وعلى الماضي تصك الباب=وعسى تندم على طرقٍ بها تمشي بلا قادي

[أمير الحروف]

فزااااااااااااااااااااااااع... الشيخ حمدان بن محمد ال مكنوم.... وقصيدة أكبر من المقدمات...


أنساك... كلمة ما لها أيّة وجود بمرجعي=والقلب لا منّه نوى غيرك حبيبي با منعه
تنتابني ذكراك ما بين الوعي واللا وعي=ما كنّك إلا بحر حلمي والمشاعر الاشرعه
من وين تطلع كنّك إلا تقول ياشمس أطلعي=يتنفس الفجر بنفس حسنك ويشرق مطلعه
مع أن فرعك لو رميت الشمس به عيّت تعي=إن الدجى يسري لها من دون ما تتوقّه
إن الدجى يكنز عبيره للنسيم المطلعي=كلّه على شان النسيم المطلعي يلعب معه
يمتد ليلي واشعلك شمعة غلا بين اضلعي=ويمر بي طيفك ويتناثر بصدري واجمعه
تحتاج تتعبني... وأنا أحتاج لك وانته معي=بعض المشاعر تتعب المشتاق... لكن ممتعه
موقعك من قلبي تدلّه بس حقق موقعي=وبعدين خذ قلبي وفي دنيا غرامك ضيّعه
وان طاب لك شوقي وطاب لصوت همسك مسمعي=القلب لك والشوق بعروقي بكيفك وزّعه
القلب ملكك والفصول الأربعة من مطمعي=دام ألتقت في مبسمك... كل الفصول الأربعه

[المدرس]

روعة


ابداع تستحق له



الشكر

[أمير الحروف]

سليمان المانع ..... وقصيدة ما أن تقرأ بيتها الأول حتى نشعر بأحساس غريب يغمر قلوبنا... سليمان يكتب بمداد العاطفة المثيرة للبهجة... والمحفزه للقراءة ... والداعية لفتح النوافذ لتطل شمس المحبة المضيئه بالشعر... سليمان وكيف أقدم سليمان ....



وجع حب... وجع خوف... وجع شوق... وجع ضيقه=على كيفك تعال أختار هذي سلة اوجاعي
غلا واسمع نزيف الجرح... كلام الصمت ما طيقه=انا محتاج اسولف لك... عن أول وآخر أوضاعي
أبد ما يجرحك صوتي حياة الطير تحليقه=عليك الله تكون الكون والمسباق والداعي
أنا أصدق طير في الدنيا... عشق حتى مسابيقه=ولكني بقيت أذكر معك أيام مرباعي
تعال افتح كفوفك حلم... أمووووت بيوم تحقيقه=تعال أرسم بحور العشق... وأكسر لو تبي شراعي
أبي غيمٍ سرق ربعي وذللهم بتشويقه=أكون أول بشر مجنون تزوره بالعطش قاعي
وحتى لو وهم تكفى... ابتوهم بتصديقه=أبي ذاتي... أبي مولد... يوازي صرخة الناعي
أحس بداخلي عالم... حرام أقتل مخاليقه=حرام أسكت وأنا صوتي... نثرته وجه لتباعي
يا أول قلب يبكيني... وتبكيني مواثيقه=أنا طباعي ما هي زينه... ولكن هذي أطباعي
أكمل لك... وجع خوف... وجع شوق... وجع ضيقه=على كيفك ترتبني... حلالك كل أوجاعي

[أمير الحروف]

شاعر شاسع المودة... يأتي مثل ومضة شعرية ويختفي مثل ذكرى جميلة... سليمان الصقعبي... هكذا دون كلام يطل... أية محبة في صدرك أيها الجميل النقي...


يالمسافر حبيبي لا يطول الجفا=عود الحرف ذايب أشتياق وحنين
أرجع الشارع اللي... أنت نوره طفا=والقصايد ظلام وعبرةٍ بالكنين
زورني حلم ليلٍ ونجتمع بالخفا=نطفي الشوق فينا والليالي تزين
في عيونك حياة... وفي يدينك دفا=وفي شفاتك قراحٍ لذة الشاربين
حط أيدك بأيدي لين تعرق وفا=ضمني لين نسمع للمحاني ونين
ضمني مل قلبي من طعون القفا=دمعةٍ في عيوني ما أبيها تبين
أروني من حنانك يوم وقتي صفا=داو جرحٍ تربع في فؤادي سنين
ولا تلملم ظلامٍ فوق متني ضفا=ودي أغفا بظلامك لو حصل ساعتين
طالبك يالمسافر لا يطول الجفا=حرفي اللي هجرته ذاب شوق وحنين

[الغلا]

مشكور اخوي امير الحرف على هالابدعات والله يسلم يمينك


ياعمير زج الدمـع ياعميـر زجـه= وما دك في خاطرك ياعمير هاتـه

سير قدمـك بشـف بالـك وسجـه =والرجـل لذاتـه بتالـي حيـاتـه

لاصار رمـح الـود قلبـك يخجـه= مايبري المطعـون كثـر أنهتاتـه

وباب الضمير اليا تضايقـت هجـه =أظـن قلبـك يستعـيـد أفحـاتـه

وأبوك دمعـه مـن عيونـه يكجـه= ولاسرتـه بالـود كثـر أعبراتـه

أتعـب قـدم رجلـه وقلبـه يفجـه= لـذوق الغديـر وذوق لـذة نباتـه

وأن دق طيفه فـي ضميـره يلجـه= ولاهوب يسمـع عاذلـه بشهواتـه

ومن لامني غبـر الليالـي تضجـه= بقطف الثمر من فوق روس أمهاته

واللـي بنـى بيـت للأمـه تحجـه= وفرض على الخلق الصيام وصلاته

أني فلا أنسى ريحهـا اللـي تنجـه= ومشي على العشب الخضر وثمراته



الشاعر : عبدالله بن هذال القريفه

[الغلا]

انا على الله داخله ثم لمك//ارحم قليب تالي الليل يشكيك ((ام وابنها))
للشاعرمحمد الحلفي



يوم نشدوني عن دموعي واناامـك= جاوبتهم وابعدتهـم عـن طواريـك

ما ابغى اجرحك في كلمة تزيدهمك= ما ابغى اقول ان السبب من تجافيـك

يومي لمست الصدر في يوم ضمـك =نسيت انا اللي حولي وقمت انا أبكيك

يا ما سهـرت وزاد غمـي لغمـك= ما ارتاح ليمن تهتنـي فـي لياليـك

وياما الـى طولـت نومـك أشمـك=وأتأكد إنك عايش لي وانا أرجييـك

وياما زعلوا منـي خوالـك وعمـك=وياما هجرت أقرب قريب ضحك فيك

وياما ذرف دمعي الى سـال دمـك=براءة الأطفـال مـا هيـب تنهيـك

ويا ما انتظرتك عند بابي وأناأمـك=وأقول فـي يـوم تجينـي وأحييـك

أخـاف مـن يـوم يجينـي يغمـك=ويجيك علمي مـع عزيـز يعزيـك

انـا علـى الله داخلـه ثـم لـمـك=ارحم قليـب تالـي الليـل يشكيـك

فكر بمنهي صابهـا ضيـم ظلمـك=واذكر حشا ضمك وعسر المساليـك

ودي اشوفك قبـل يومـي ويومـك=لـو مـرة بالـعـام يالله يخلـيـك

ما ابيك تقطعنـي إذا أمـري يهمـك=بقعد معك واضحك واسولف وأحاكيك

يا وليدي اذكـر كلمـة قـال فمـك=ليقلـت كلمـة يـوه قلبـي يلبـيـك

واذكر زمان بـه فراشـي بجنبـك=والى شكيـت تقـول يمـه واسليـك

والى اشتد ما بك فوق كتفـي أزمـك=ما ارتاح لحظة لين ربـي يعافيـك

والختم ليجتك الرسالـة وانـا امـك = يما تجي والا اني ازحف وانااجيـك

[صادق المشاعر]

صح لسانك ياأمير الحروف وتسلم يا أخوي



......

[أمير الحروف]

المدرس ... شكراً أستاذي...
الغلا ... شكراً لأضافاتك الجميله ومرورك العاطر... يعطيك العافية
الوابل... ألف شكر وكم تمنيت أن أشاهد أضافة لك لأن ثقتي بذوقك كبيرة مشكور على مرورك
[line]

محمد الدحيمي... شاعر محملاً بلآلىء الشعر... يثبت لنا هذا الرائع دايماً أننا لن نخسر رهاننا عليه أبداً.... محمد ليس مجرد شاعر فحسب... بل أنه يجعل من يقرأ قصيدته شاعراً آخر...


أطوي جديل الليل بعيونك وخلي لي السهر=الليله أمّا أنه سهرني وإلا أنا باسهره
شاعرك نثّره الزمن... مابين مده والجزر=الليل لو لملم شتاته... جاه الصباح وبعثره
لا صار معروفٍ صنعته ذنب وشلون أعتذر=في وقت من يصنع به المعروف محدٍ يعذره
قلبت في وجه السنين ولا لقيت إلا الصور=وأبيات شعرٍ بين موزونة وبين مكسّره
وش عاد لوني شاعرٍ... كلّه هواجيس وفقر=كم شاعرٍ مثلي غدا به هاجسه لين افقره
أنظر بناتك كلهم... صاروا عوانس يالفكر=ما قلت لك من يزرع الزقوم يبلش بثمره
كم عندلٍ كانت تبي قصيدةٍ من مهر=وجات بغنج عبلة وأنا... جيت بشجاعة عنتره
لو للهوى شيمه ترده... ما لقينا بالبشر=رجّال تخشاه الرجال... وتصرعه نظرة مره
مسكت أنا غلطة على الخافق وغلطته بعشر=لكن نزف جرحه وصاح... العفو عند المقدره
أعاند أيامي وأشوف الوقت شيب بالشعر=وأضحك واقول أن الزمن... ما هز بالراس شعره
ياحلوتي... تدرين وش أقسى وأمر من الصبر=حلمٍ فطمه الياس في مهده وعاش بمقبره
يا حلوتي... لو تحرق الشمس الفيافي والشجر=تعجز لهايبها ولا تقوى على ظلّ شجره
المغفرة... والذنب... كلٍ جا يدور لك عذر=هالحين مدري من يتوب... الذنب والاّ المغفره
ماقلت لك ياحلوتي... نامي وخلي لي السهر=مادام نوب الليل سهرني... وأنا نوب أسهره

[أمير الحروف]

دائماً العذب عبد العزيز المتعب رائع في هدوئه... وحميميته... وعشقه... رائع أيضاً في ثورته... وغضبه... ورفضه...
والدليل
(( بس!! بيني وبينك كل أبوكم جروحي))


ما انت باوّل غلاي... ولا انت باغلى جروحي=واجد اللي تمادوا بالغلا... وجرحوني
مثل ما جيت خلٍ مسكنه وسط روحي=مرّوا أكثر حبايب قلبي اللي نسوني
ما انت وحدك حبيبي كان تسمع وتوحي=شف كم اللي خذوا من طيبتي ... ماعطوني
من عذاريب نفسي... طيب همّي... وبوحي=في قلوبٍ تجي يمّي وترحل بدوني
وانت واحد من اللي جيتهم في طموحي=شالوا اكثر سواليفي... وهم في عيوني
طاح منهم كثيرٍ... وجا كثير "أفـ" جنوحي=بس أنا اكبر من اللي قي غيابي رموني
وكل ما مر واحد وسط همي ونوحي=قلت يالله أغير!!! في مساء الجرح لوني
واضحك... اضحك... واضحك... لين تكثر مزوحي=وادري انّي أداري بعضهم في جنوني
مثلهم جيت جرحٍ... ما خذل بي وضوحي=ومثلهم... رحت ما حتى نسوا واذكروني
بس!! بيني وبينك... كل أبوكم جروحي=وأنت فرقك عليهم... إنك آخر طعوني

[أمير الحروف]

اعتراف يستنبت عشب الأجوبة لينسدل كستارة ضوء تنير طرقات الشعر الغارق في عذوبته المختلفة... هنا تتظاهر أصوات المشاعر للإبداع فقط ... وتتشكل على أنامل مبدعها لينزفها كشعر صارخ في تميزه نحتضنه في قلوبنا ... الشاعر حمد الحبابي ورائعة تفوق الجمال...

اشتقت لك وأنا معك... وشلون تبغى أودعك=لا والله إلا ما كتب ربي يا محبوبي وداع
أقعد معي... وأصغ أستماعك لي وأنا باسمعك=أحلى قصيدة قلتها في وصفك... أصغ الاستماع
لولاك ما قلت القصيد وكيف أنا ما دلعك=يا ملهم الشاعر وسيد الشعر يازين الطباع
طمعتني بمعانق أحلامي وجيت أطمعك=بمعانق الحلم الكبير وحب مايمه نزاع
ولعتني فيك... وتولعت... وقدرت اولعك=لين الغلا اصبح كل يومٍ ياحبيبي فرتفاع
جرعتني كاس المراره مير أنا باجرعك=كاس من إحساس ٍ يعشق المر لي حد النخاع
أبطيت يا باب الهوى مقفول قبل آشرعك=ومن يومها وأنا اعتبر... ما فات من عمري ضياع

[أمير الحروف]

علي بن اسماعيل شاعر عذب... يهمس في قلوبنا حباً... شجناً... شفافاً كالندى... وهذه القصيدة رائعة جديدة من ذلك الهمس لقلوبنا فقط...


فالمكان اللي جمعنا والزمان اللي غرام=يا كتاب العشق سجل... كل تفاصيل الحنين
سمّني عاشق لريمٍ والسكن بأرض الهيام=والعمل نقش القصايد في قلوب العاشقين
والعمر يا دوب طفلٍ... توّ ما كمّلت عام=ما نحسب فيني عمرٍ من قبل أنتي تجين
يوم ميلادك غلاتي باحملك فوق الغمام=باشعل نجوم المساري نجمتينٍ... نجمتين
بس أنا وانتي معايا يختبص فيني الكلام=يكفي إني لا ذكرتك أفقدوني الحاضرين
يا حياتي يا ترى في علم أنا ولا فمنام=آآآه منك... أسألك وأنتي بعينك تضحكين
عاد هذا وتوني... ماشفت وش تحت اللثام=أنتي نظره والقبر... مسكين منهو تناظرين
لا تسلي الرمش هونك سل رهاف الحسام=الفعل فعل الرهايف وأحسب أنه رمش عين
خلني بآقول كلمة خلها مسك الختام=كل عامٍ ياحياتي ... وأنتي قلبي تسكنين

[أمير الحروف]

حين يكتب الشعراء القصيدة تتماوج الألوان في خيالهم المتهادي بين النور والطيف ولهذا يمتلك الشاعر مالا يعد ولا يحصى من الألوان التي يمكن أن ينسج منها قصيدته...
والشيخ عبد الله بن عبد الرحمن آل ثاني يتحفنا بهذا الألق المشتعل حتى يكاد يجعلنا نحس بلحظة تساقط الدمعة من الجفن الجميل... لأنه أول الخلان وأعرفهم بمعنى الهوى...


تفوح دلال حبك ويتناثر في خفوقي هيل=وأنا خابر فناجيل الغلا تسقيك من ذاتي
تخيل... لو كتمت بداخلي سرٍ يهد الحيل=وأخاف أنّي إذا قلته يكون أكبر معاناتي
تخيل... لا اختنق صوتي تحت وقف الحكي تأجيل=أنا وشلون أفسر صرختي... لا ضاقت شفاتي
جنوني من عذابك... والمواجع... والسهر... والليل=يجردني كم اطراف المكان ولوعة آهاتي
إذا مات الطموح وما بقى في عالمي قنديل=أبتأمل... أبتأمل ولو ماتت طموحاتي
تعلّقني على جدار الزمن... والجرح سيف وخيل=غلاك السيف في صدري... وخيلك جرح زلاتي
عجزت ألقى بديلٍ لك يساعدني على التمثيل=وأصدق كذبتي إنّي كرهتك... وأنت غاياتي
تفوح دلال حبك ويتناثر في خفوقي هيل=وإذا ضاقت بك الدنيا... تعال أسقيك من ذاتي

[أمير الحروف]

عبد الله فلاح الهاجري.... بدون مقدمات


مثل ما تغفي الغيمة على صدر السما وتنام=تعالي وانثري ليلك على صدري وضمّيني
تعالي لا عدمتك يابلح صنعا وتين الشام=ولا قمت آتنثر لك غلا... تكفين لمّيني
تعالي وأسأليني... كيف حالك بعد غيبة عام=وأمانه... لا عرفتي وش جوابي لا تلوميني
وحشتيني!! وجيتك يابعد عمري وَلَه وهيام=ومن اللي قال لك يانور عيني ما تهميني
أفا والله على غيرك!! غيابك لو يطول أيام=لقيتي كل من حولي... بمجنونك يسمّيني
تبين أفلّ رزنامة ضلوعي وأكشف الأرقام=وأبين لك عدد طعنات رمشك يوم يدميني
أو أسكت وآتجمل لو غدت كل الضلوع أقسام=على شان الغلا اللي عن جميع الغيد معميني
بعيني كن ما غيرك مَرَه من صلب سام وحام=يا نورٍ لا نقص بدر الشهر... يزهمك... تمّيني
أنا لك باصمٍ بالعشر وأنتي باصمه بابهام=وأنا لي طلبةٍ وحده... ومنها لا تحرميني
مثل ما تغفي الغيمة على صدر السما وتنام=تعالي... وأنسي الدنيا على شاني وضمّيني

[أمير الحروف]

عندما نقول أحمد بن ظاهر المهيري ... تمطر سماء الشعر حنين الصدق والشوق... حنيناً يبعث للأرض اخضرارها... هنا مجالسة أخرى لشعر لا يليق به إلا الضوء... ضوء الذهن.. وذهن لم يعتد سوى الضوء... هنا قراءة للضوء...

صحيح أن الذهب صمتك... ولكن الكلام ألماس=وبين الصمت والكلمة تبعثر خافقي لمّه
دخيل عيونك اللي ظلّلت برموشها النعاس=تقول اللي تقوله بسّ أريدك تنطق الكلمه
إذا ما هو على شانك... على شاني رقيق إحساس=على شان العيون اللي تمنّت طيفك تضمّه
أخاف إن الزّمن لو طال صمتك يلفظ الأنفاس=وأخاف أن الفؤاد اللي سكنته ينحبس دمّه
حبيبي ضاقت الدنيا بعيني واعتراها الياس=لبس ثوب الحزن كل الوجود وضاق به حجمه
وأنا مثل الغريق اللي تبلّل والعروق يباس=حياتي بين صدّك والرضا ما تقبل القسمه
وش الدنيا بدونك لا عدمتك غير همّ وباس=قبل لا يعرفك خلكّ... نسى فيها حروف اسمه
ويوم الله جمعنا والتقى بقلوبنا الإحساس=توطّنت الخلايا والجسد والروح والهمّه
على صوتك... رقص طير الهوى بالصبح والاغلاس=ومن وصفك شرب وحي القصيد... وطاب لي نظمه
هنيّاً للقلم لي بك كتب والحبر والقرطاس=لقى حتى أكبر عيوبك يسمّيه الحسن عمّه
وما تبغي فؤادي ينكسر غيره عليك أخماس=ألا... إلا... وأغار من العطر لو أعجبك شمّه
تجوّل بين ريضان المشاعر مثلما النسناس=حلالك كل شيء إلا... عذاب العاشق وهمّه

[أمير الحروف]

حامد زيد بكثير من الحب استقبلنا مشاعره... وبكثير من الحب قرأنا حروفه... طيوفه...شجونه... فنونه... إقرأوه... لتجدوا الكثير الكثير... من هذا المدهش دائماً




على ذاك الطريق اللي يسمونه غرام أحباب=وطت رجلي على دروبه ولا أدري وش نوى فيني
تبعته لآخر دروبه ألين إن القمر قد غاب=تعب قلبي ولا تعبت مسافاتٍ توديني
لقيت الليله الجردا هدب ظل وسما وأعشاب=بعد ذاك الظلام اللي يتوهني عناويني
صدفتك معجبه فيني وياليت الغرام أعجاب=وتراك إنتي الهنوف اللي هقيتك تستحقيني
عطيتك عشق من قلبي وسلمت لغلاك أرقاب=وغيرك يحترق قلبه ولا يقدر يحاكيني
أنا قبلك صدفت عيون ولكن ويش جاب لجاب=ترى كل العيون اللي لقتني ما تكفيني
رماني حظي العاثر عليك وجيت لك طلاب=ولا أنتي اللي عشقتيني... ولا أنتي اللي عتقتيني
تعالي وارحمي ذاك الخفوق المولع المرتاب=مهو لجلي عشان الله يجازيكِ ويجازيني
تعلي في سما عشقي... ولو عشقي خراب اصحاب=وصوني بالهوى نفسك قبل منتي تصونيني
وشيليني على متنك خفوقٍ باريِ منصاب=ومن فوق الغرام العذب شيليني وحطيني
وإلى منك هقيتيني شجاعٍ ما يطيق يهاب=أنا لك بالهوى والله مثل منتي هقيتيني
أنا ما امشي ورا غيرك ولو انه يطق الباب=وترى عيبٍ على أطعن... ولو كثرت سكاكيني
وأن أشتد الغرام أترك خفوقي بين ناب وناب=لفرقا تكسر ضلوعي... ولا عشقٍ يوطيني
أنا رجلٍ ولي غيره وإذا شفت الهوى كذاب=تثور بقلبي الفزعة ولا تهدا شياطيني
سؤالك لو يزعزع في كياني... ماقبلت عتاب=أجي لك وأسألك نفس السؤال اللي سألتيني
عن العشق القديم أبواب تقفيها كثير أبواب=بعد ذاك الحبيب اللي خدعني وأنخدع فيني
أبي عشق تحسب له كل نظرات العيون حساب=وأبي قلبٍ على قلبي... وأبي دينٍ على ديني
وأبي نظرة عطا توفي... ولا تخلف بدون أسباب=وأبي منك قبل منتي تصديني توديني
وأبي درب على العذال صعب متعبٍ غلاب=وأبي نفس الطريق الصعب يبعدهم ويدنيني
ترى لو للقلوب عيون ولدموع العيون أهداب=حشا ما تنزل الدمعة لغيرك لو تركتيني
أنا أول من عرف قدرك وأنا توّي صغير وشاب=وأبي منك مدام أنك عرفتيني تحبيني
مادام إني لقيتك في طريق أسمه غرام أحباب=دخيل الله وبعد الله دخيلك لا تخليني
مادام إن كل من يحيى على وجه التراب تراب=عسى تنساني الذكرى مدام إنك ذكرتيني

[أمير الحروف]

أرجع بلا قلب صوبك؟ مااااايصير!
وأنت تبغى فارس وتيغى جواد
علي بن حمري... مهما قيل وسيقال... يعتبر عملة نادرة بين شعراء جيله من حيث الحضور المنبري... وقوة القصيدة... وبساطة الأسلوب... هو شاهد على نفسه... وعلى شعره وتجربته... لذلك تجده دائماً في المقدمة بشعره العذب وبأسلوبه السارق للألباب... وسيظل على بن حمري رمز من رموز شعرنا الشعبي...


قال لا تنسى وعدنا... قلت خير=كان ما نستني اهبوب البراد
خايفٍ لاجيت في سودة عسير=وظمني غيمٍ وتحفتني بلاد
وشفت زولٍ همت به وأنا صغير=جعل أبوه النار وأمّه للرماد
ولعةٍ ما هيب ولعه من سعير=غير عن كل القداما والجداد
أرجع بلا قلب صوبك مايصير=وأنت تبغي فارس وتبغي جواد
أن نويت آصلك... وأرفق وأستخير=وأحضنك واحط لدلالك قناد
لاك تسألني تقول أني غرير=ليه غبت؟ وين كنت؟ وهاك عاد
قمت أخبص كني إنسانٍ ضرير=ذاكرة عقلي وقلبي في جهاد
وأنت تدري عند تقرير المصير=ما يعرف البحر كثر السندباد
أحترم شعورك الحلو المثير=وأنت لازم تحترم فيني المراد
لا تعرضها على السلك الحرير=مسألة دنيا... وفتوى... واجتهاد
حاول أنك تفهم أن القلب غير=" فالهوى " لا ظن له ولا اعتقاد
وأنا باصارحك... حتى لو تطير!!=دامني جالس معك على انفراد
أنت في عيني بعد ربي كبير=بس مالك شبر واحد بالفؤاد

[أمير الحروف]

قادم بهمس... جابر اليامي... خطوة جديدة وجريئة للشعر... هذه الأنامل الدافقة من الموسيقى الشعرية...


خذيت في ليلة ظماي من الحسن روعة كلام=ومن الوفا... كل الوفا من حسنها سمتها
في ليلةٍ صارت شقاي... ولعت فيني هيام=بنتٍ بقت في خافقي ترعى وأنا لبيتها
من البداية قلت أنا... لبيه ونسيت السلام=ومن الوله كل الحروف الظاميه... غنيتها
يوم نطقت بعض الحروف العمر زاد ألفين عام=وضاعت علومي كلها والنفس ما حسيتها
وان صورت معنى المحبة فالوفاء طبع الغرام=تبقى على طول الزمن في خافقي حطيتها
تسكن وتشرب من عروقي والخفوق لها مقام=وإن أقبلت لبيتها... وإن روحت عزيتها
تظفي على كل الجمال ودنيتي كانت ظلام=استشرقت كل الدروب اللي لها وديتها
يوم العذارى تقتدي من طبعها كل أحترام=ومصارحة الإنسان في وجهة نظر... حبيتها
تلبس ثياب الصمت دام العشق بثياب المنام=وتدلل المشتاق دام الحب يبقى بيتها
وإن طولت في غيبة الحرمان جاوبت الحمام=والحزن بانت غيمته... في عبرةٍ كنيتها
كل السوالف لو تغيب بدونها تصبح حرام=وأحلى السوالف صدقها... من طيبها حبيتها
عاشت على طبع الوفا ماغيرت حسن الكلام=وأنا على صدق الوفا... بنت العرب سميتها

[أمير الحروف]

أحلق في فضا صدرك أشكل بالعروق طيور=تعيش بقلبك ترتل لكل الناس أشعاري
أماوج بين ضحكات الغرير وآهة المأسور=بودي ينحقن دم الفراق وينعدم ثاري
أحاول والزمن أعمى يحسد اللي عيونه عور=نعيش بديدن الستر الثقيل وجسمنا عاري
عجزت وكل ماحاول أداوي آهتي بسطور=يضيع الشعر وشفاهي تخاف وتبعد الطاري
عجزت وكل ما نوّر بقلبي من حنينك نور=يزيد العتم وتضيّع عيوني جرة الساري
حبيبي يا بعد كل الزمان اللي يلف يدور=وبعد الأرض وعناد الشعور وقسوة اصراري
أعيشك والخيال اللي أضمه بالضلوع يجور=يخليها من اللوعة تضم الصخر وتداري
أعيشك والشفاه اللي تصدر للعبوس سرور=تضم من البكا نبعٍ غرير وبالألم جاري
يسيل ويروي عروقٍ تموت من الظما وتبور=يسيل ويحكي لجرحك... ياجرحي آخر أخباري
وشف كم مرّه عشت الليل... كم مرّه بدون شعور=وكم مرّه غلقت الباب لعينك عفت زواري
نزعت من الوجع ريش الحمام ورقة العصفور=غديت من الصقور اللي تحوم وعزمها ضاري
وصرت من القسا مثل الضعيف اللي يلج يثور=ما يملك غير صرخات اللسان وفضح اسراري
هذا وقع الغرام اللي يحطم بالحنايا دور=يشقق باطن الخافق وجرحه طيب وباري
يخليني من اللوعة أعاصر بالشهور عصور=أحاول أحتمل وأوقف... بوجه الآه ما انهاري
أجادل في السنين اللي كما المقياس والديجور=ما ترحمني ولا تقبل بعسر الوضع أعذاري
تخليني من اللوعة أشكل بالعروق طيور=ألونها وترسل لك على الجنحان أشعاري

[أمير الحروف]

ناصر القحطاني... شاعر الأندلس.... شاعر الذاهبة... شاعر أكبر من المقدمات..



تدرين ياحلوه متى العاشق يحس بمهزله=لا جاه شيٍ مثل شيٍ قام يحداني حدي
ما أقسى من دموع اليتيم إلى ذكر ضحكة هله=ولا يهد من الفراق إلا الفراق السرمدي
يالورده اللي في شرايين الحشا متغلغله=ياروحي اللي لو تبرت مني أختل جسدي
كونت لك عالم غرام مادخله البلبله=إلا هديرٍ ينتهي بين الضلوع ويبتدي
حتى أقرب اصحابي من اللوعة سهيت وقلت له=يالأجودي كف العذل ما في العواذيل أجودي
أنا اللي أستاهل عناقيد العنب يا مدللـه=ليتك دريتي كيف عيني تذكرك في مرقدي
يا أدنى من الغيم إن تغطرس وأطول من السنبله=يا اقرب كثير من الحكي... وأبعد شوي من الجدي
إن جيت رحتي مقفيه... وإن رحت جيتي مقبله=كم مت.. وليا قلتي أحبك تجدد مولدي
دنياي أنا لو تجتمع لذاتها في مكحله=والله ما أشهر لأي عينٍ غير عينك مرودي
يا ذابحتني كل شي... إلا الجفا ما اتحمله=ياكبر كذبة عزتي لو قلت أببعد وابعدي
قلبي لو أغديتيه بالصحراء بليا بوصله=ما تاخذين إلا وهو لأقصى ضلوعك مهتدي
وإن خاب ضني وآخر المشوار جاء مثل اوله=بغمض عيوني وبحلم واقهر الحظ الردي
بأحلامنا حتى آخر المريخ نقدر نوصله=الله... لو نطلع بساط الريح وايدك في يدي
تخيلي روضٍ من أقصاه اجمل الورد احمله=وأهديه ليدين وضفاير شيخة الورد الندي
تخيلي نهرٍ بالأحجار نتمثنى جدوله=نبقى على جاله جلوس شوي... وشوي نعدي
تخيلي بيتٍ دفاه من المواجع والوله=ضحك وسواليف وسهر... ومزوح مبساط أحمدي
تخيلي عشقٍ عجزت أستوعبه واتخيله=كانه على هالحال ما عز الله أبشر بسعدي
يا سيدة عشقي وأنا راعيه راعي الأوله=ما هي كثيرة لو تقولين... أنت والله سيدي
ترى الله اللي حط لك ذاك الغلا والمنزله=وإلا الهوى لا ورث أبوي... ولا ذخرته لولدي
حبيبتي... ما يقهر الرجال في مستقبله=إلا الهوى اللي مرةٍ يقبل ومرات يغدي
حتى الوفا لا زاد عن حده يعوّد مهزله=ياليتني خنتك... ولا اللي قام يحداني حدي

[أمير الحروف]

صالح الداغش يكتب بجمال لا يجيده سواه .... وتعبير يكاد ينطق... أقرأوه فهو بين أيديكم...


توك الحينه ذكرتي... ليه يا مال السلامه=كنت غايب عن غيابك ليه جيتي من جديد
جيتي البارح وأنا سالي على شكل ابتسامه=صفق الخافق وغنى مـ..الوريد إلى الوريد
رفرفت يابنت قلبي لأجل دمعاتك يمامه=طارت لعينٍ حزينة بالأغاني والنشيد
ليتني ما أقرا فعيونك إنكسارات الندامه=طرفك الله خالقه يوحي عليه بالقصيد
ما رميتي إذ رميتي... طرفك البارع سهامه=خلت الخافق غنيمه وخلت عروقي عبيد
انسجمت فقدك المايس ويغريني انسجامه=شي ناقص عن ثيابك... شي عن جسمك يزيد
كن شعرك شرب ليل الكون وابتل بعتامه=كلما رويت خصاله قال هلّي من مزيد
أسألك بالله ثغرك ويش قصة أنقسامه=جمرةٍ الله قسمها نار تتحضن جليد
وما سألتك كيف صغتي في بياضك هالعلامه=وارتفعتي من قمر ساطع إلى رتبة فريد
رغم هجرك كل نبضٍ يحمد الله على السلامه=أنتهى عصر القطاعه... وأبتدى العصر الجديد

[الراحل 2000]

قصائد فعلاً جميله يا أمير الحروف وأشكرك من كل قلبي يا أحلا عضو في المنتدى



وشكررررررا لك يا الغالي

[أمير الحروف]

أخوي الراحل
الله يسلمك على كلامك الجميل أخجلتني صراحة!!
والله تمنيت أشوف أضافة لك بقصيدة لأني متأكد أن ذوقك يجنن والتوقيع أكبر دليل
الله يعطيك العافيه ومشكور مرة ثانية على إطرائك دمت بخير وسلامة

[صادق المشاعر]

مجدك سحاب ووابلك عشق وأحباب = وانسام بيدك يا وطنا حرايب
والسيرة البيضاء على الطيب تنساب = مثل الجزر لا امتد عقب الهبايب
قالوا وطن قلت الوطن سيف وحراب = دونه ظما قلوبٍ تفك النشايب
أرضه سما طيبه هما حب وإعجاب = والقلب في عشقه له سنين ذايب
حنا نموت بها الوطن دونه أرقــاب = يوم الليالي العوج نهب وطلايب
والزمرة اللي يحسبون الوطن غاب = هم مادروا دونه رجال وسحايب
رعاد عظك يا وطن ركز اطنــــــاب = في وجه من راحت حياته نهايب
والبارق اللي نوه اليوم ســــــــكاب = من فضل ربي ما حسب للخرايب
مجدك سحاب ووابلك عشق وأحباب = وانسام بيدك يا وطنا حرايـــــــب







هذاهي قصيدة أعجبتني يا أمير الحروف وأود أن أشارك بها


تحياتي للجميع

[أمير الحروف]

تسلم ياذووووووووووووق مشاركتك زيك تجنن
الله لايحرمني من ذوقك الحلووووووو
أخوي الوابل شكراً لك ياروووووعه

[البحر الهادئ]

اخي امير الحروف

تتنحى الحروف خجلا من الا توفي حق ما تقدمه لنا

اعذر قلة حروفي فهي غير قادرة على التعبير على روعة ما خطته اناملك الرائعه ..


واحب اضيف هذه المشاركه

من القصائد التي لا تغيب عن اغلب المجالس الخليجيه



زار ضيدان بن صبحان العجمي
صديقه لشاعر سعد بن عبد الله العجمي
فتأخر عليه في تقديم القهوة والقدوع ((التمر ))
فأراد ضيدان ان يلمس صديقه بهذه الابيات, فقال :

جــــاك المسير مـالقــى منك ترحيب = لاجبت له قهوه ولا من قدوعــي
ياليتني دورت غيرك مـــعازيـــــــــب = جيتك جويع ورحت منك بجوعي
الظاهر انك ماتعرف المــــــــواجيب = لاشك طبعك يختلف عن طبوعـي
حنا لاجانا الضيف ننفض له الجيب = ونجيب له مــن كل شكل ونوعــي

فجاء سعد بالقدوع , وقال غاضبا :

إقدع , عسى يقدع على راسك الذيب = في خايع مابه من الناس دوعي
متعـــطلٍ فــــــــي البر قبلي تناقـــــيب = من ليلة الجمعة ليوم الربوعـي
ومروك ناسٍ غايـــبٍ عنهـــــم الطيب = وخلوك وحدك في مكانٍ يروعــي
ثــم جـــــــــاك ذيبٍ ماسنونه بتركيب = ذيبٍ ولــد ذيبٍ وشرسٍ قطوعـــي
سوى بك سواةٍ علـــــــى غير ترتيب = يجزع لها قلب الشجاع البتوعـي

منقول من كتاب المستطرف النبطي للخالدي

ولكم اجمل تحية

[أمير الحروف]

أخوي البحر الهادي
مشكووووووووووور على مرورك الكريم وكلامك الحلووووو
أخوي ما يخفاك أني من أكبر المعجبين بقلمك المتميز ومشاركتك هنا أنتظرتها لأجدها اليوم منوره صفحتي فكانت كنسمات الربيع المنعشه لقلمي ألف شكر على وجودك معي وعلى قصيدتك الجميله....
[line]
قصيده مجنونة... متوحشة... مفترسة...يكتبها شاعر يتجاوز كل حدود العقل ذاهباً إلى الجنون رافضاً الترويض... يتجاوز فرج صباح في شعره إلى درجة خلخلة السائد... وقلب الطاولة في الوجوه ... اقرأوه...

آآآآه والحر لا منه تبرقع يضيع=وأنت حرٍ ولكن لا تبرقعت ضعنا
ايه ياللي تمايل فوق همي شفيع=صرت بوحي ولكن سيف صمتك قطعنا
هو بقى في الليالي غير عينك بديع=تكشف اللي يثرثر عن جمالٍ خدعنا
أنت يا أشهى عطش... لا أنت يا أشهى ربيع=من سكنتك سكني للغلا ألف معنا
صاحبي والمشاعر معك طفلٍ رضيع=كل ما ملت عنها تمتمت حيل جعنا
قلبي اللي خذيته للمحاجر صريع=يعلم الله صبرنا... يعلم الله جزعنا
ليت قلبٍ يحبك مثل قلبك يبيع=يطوي اللي بقى من كل شوقٍ ويعنا
والله إني وفيت إن كان خان الجميع=لو هو الحظ يهدم كل حلمٍ جمعنا
الأمل بك ذبحني... مثل عينك وسيع=من نظرته... نظرته قلت يامر وطعنا
آآآه وأجمل جهاتي لا لقيتك تضيع=كل ما جيت أبنسى صاحت الروح ضعنا

[أمير الحروف]

في قراءة كهذه... علينا جميعاً أن نخفي حقائق وجوهنا لأن ما نطالعه ليس سوى القناع الذي خلعه الشاعر محمد على المرزوقي ووقف بجرأة يصف ما يراه أمام مرآه تداعت لديها كل التساؤلات ... المرزوقي يحيل الصوت إلى صورة والحرف إلى لون والكلمة إلى حد يدمي ولا يترك أثراً للجراح... وفي هذا يكتسب المرزوقي كل تلك القدرة على وصف المعاناة الإنسانية بكل تناقضاتها...

أغ
صب عيوني يوم أشوف المرايه=هذا أنا... والاّ هو إنسان ثاني
ما عدت أشبهني ومالي درايه=أصبحت غيري أو تبدل مكاني
تركت ذاك الطفل يبكي ورايه=ورحت آتخبط في دروب الأماني
أحاول أرجع له واعيد البدايه=وأكون ما لا كنت... واكسب رهاني
وأعيد دوري في فصول الروايه=وأجلس على كرسي واحاسب زماني
مليت من ممشاي وحشٍ وتايه=في عصر ترعب تقنياته كياني
ومليت من لعنة غموض الكنايه=لا ضاع صوتي في ظلام المعاني
ومليت من تكرار نفس الحكاية=إن الحقيقة ... يولد المرء فاني
يا نفسي اللي تلبسيني كفايه=لا لا تملين الجسد والمحاني
حبيبتي لا تخلعين العبايه=مستمتع أحيا وأحترق بك واعاني
قلت أعتكف بالبيد محدٍ معايه=قبل أنسحق من تحت هذي المباني
قلت أترك الرغبة تطيح الغوايه=قبل أنتثر محتاج أذوق أقحواني
قلت اترك لصمتي زمام الوصايه=ولا أحس إن الجهل يخدش بياني
قلت أنتحر... واتوقفنّي خطايه=إصير مصير الليل يشرق أغاني
باعرّي إحساسي تحت ظل آيه=وانجو بروحانيتي واتّزاني
أغصب عيوني... وأبتدي بالقرايه=أقرا خيانة وجهي اللي عصاني
وجهي... أو أنّه حان وقت النهايه=وجهي غدر فيني أو أنه نساني
غصبٍ على آنفذ أمر الجبايه=مستسلمٍ عنقي لحبل الثواني
مثل الأمير وجرّدوه الولايه=مسروق سيفي... مغتصب صولجاني
هذا أنت وجهي... أو نهر جف مايه=هذا أنت تخلعني وتسلب أماني
ما عاد توليك العيون الرعايه=وما عدت حلمٍ للبني الغواني
وجهي أو أن اللي أشوفه سوايه=ما عاد يعكس لي مدى عنفواني
لا تجرحيني يا عيون المرايه=قولي لي أرجوك انّه إنسان ثاني

[الغلا]

السلام عليكم

اخوي امير الحروف شاكر لك رسالتك الي مافتحتها الا اليوم

بارك الله فيك


وابشر بالمزيد


قصيده لشاعر فلاح بن مبرد تمتع بالكلمات العذبه ..

عبرت بمركب ماله مراسي = يعوم بغبتٍ صعب النكوسي

حدث بمحرك المركب عكاسي = بخضرنٍ مابها ناسٍ تنوسي

بعيدٍ عن محبيني وناسي = مع الهاجوس والهامي وبوسي

اعزز موقفي من قو باسي = وصبر ايوب بالوكت النحوسي

به الغصن الرطيب أصبح يباسي= ونبتت به شجر والعرق سوسي

فلا من رحمة الله قطع ياسي = لو أن الوقت في وجهي عبوسي

هدومي لو تقصّر عن مقاسي = عزيزٍ نفس مايعذربني لبوسي

شراب العزّ لوحنظل بكاسي = ولا نعمه يجي منها هسوسي

أقيس المعرفه من وقت قاسي = خساراته مكاسبها دروسي

بالأمثال الغريب من أقتباسي = أحاسيس تفجرها حسوسي

عطتني بآخر الرقم القياسي = نجاح في لقاح بمغروسي

عليه السور دور بعمق ساسي = شمخ مبناه والباب محروسي

دخوله للمفاهيم ألتباسي = تضيع الناس والدرب معسوسي

تذكر يامسولف به وناسي = ليا شفت الحصان بجلد عوسي

عميت الناس بغبار الكناسي = ترى شرواك مايصرف فلوسي

طلع تركيب عينك وأنت ناسي =ورفقاتك لها سمع دنوسي

ليا جابين الاسلاك التماسي = خبير الكهربا تخريج روسي

عمار الدار تجويد الأساسي= وحكر الما بصات الحبوسي

ليا هبت هبوبي يانجاسي=عيون الما مصادرها يبوسي

تكلم باعتبارك دبلماسي = ابا مفهوم راسك وش يسوسي

[أمير الحروف]

أخوي الغلا

تسلم على مشاركتك ولا تطول الغيبات ترانا ننتظر جديدك الجميل دائماً

الله يعطيك العافية يا ذوووووووووووق .

[line]

حامد زيد هل يحتاج مثله لمقدمات ؟؟؟؟!!!!






أنا مخطيت في حقك ... ولكن الكلام عتاب=أعاتب والعتب كلمة تفسرها معانيها
أعاتب واحسب بهرجي إلا مني حكيت حساب=وكلمة يستحي منها لساني يبتدي فيها
وإذا إنت من العتب تزعل علينا وبتصك الباب=ترى مانيب قاصدها ولاني فيك ناويها
ولا ودي على الفرقا وقلبي داخلي مرتاب=أشوف إن الهوى خدعة... وأشوف القلب راضيها
وأشوف إن الهوى فرقا مواليف وعناد احباب=وأشوف إن الجفا خطوة ولاني قادر أخطيها
وقلبي لو عشق يخلص ولو طالت عليه رقاب=وتشهد له دروب الحب حاضرها وماضيها
عشقنا والهوى حسره مشينا والأمل كذاب=بدنيا نابني منها قليل من بلاويها
عرفت الحب من عمري صغير بالغرام وشاب=وقلبي للحبيب أكبر من الدنيا وما فيها
صحيح إني نويت أبعد ولكن الهوى غلاب=وهي رحله بديت بها ولا ادري كيف بنهيها
تحريتك شروق الشمس وشفتك للشروق غياب=ولا اضنك تبيع العشره اللي كنت شاريها
بقى لي بالهوى نظرة وتغريبة ودمع اهداب=وقصة بترك لسانك على العذال يرويها
وأناجي باقي حروفي وألف للفراق كتاب=قصايد تملي أوراقي أرددها وأغنيها
وإذا مرتني الذكرى وجرحي بالحشا ماطاب=بتبعدني وتدنيني... وببعدها وبدنيها
وأنا عيبٍ على أشكي من الدنيا بدون أسباب=مدامي ماخذٍ منها يجي يومٍ وأعطيها

[أمير الحروف]

هو الشعر إذ يعلو... وهو الأبداع إذ يشرق بعذوبة لا تشبه سواها... رائعة لا تمحى من فيافي الذاكرة صاغها إبداعاً شاعر تعرفه القوافي وتنحني بين قصيدته انه (( أسير الشوق )) الأمير نواف بن فيصل... فقط حلقوا مع الشعر الحقيقي...


هلا باللي تمنيته سنين وشافته عيني=أنا شفتك حقيقة عقب هوجاس وسهر وأحلام
كثير أجمل من اللي شفت وتخيلت بسنيني=كثير أحلى من الواقع... كثير أجمل من الالهام
أنا جرحي حملته لك دخيلك بس داويني=ونسيني عنى شوقي وهمي ولوعة الأيام
أنا ظامي وتدري زين وش اللي منك يرويني=أبغرق في نهر قربك من أطراف القدم للهام
لمحتك قلت ما شالله ياشيخ المزاييني=على روس العذارى تاج وفي وسط الكلام أنغام
حسدت بشوفتك عيني... حسدت بلمسك ايديني=ومن زينك لو أني حاسد نفسي ترى ما انلام
خطفتي من القمر نوره وصرتي دوم تضويني=ولا غيرك يهز القلب ولا غيرك بحضنه نام
أنا أحبك وأنا مدري... تبيني أو تحبيني=وكاد إني أحبك حيل... وتموت بوصفك الأقلام

[أمير الحروف]

فهد المساعد ... لا أدري من أين يقتنص هذا المجنون كل هذه الدهشة التي تسكننا عندما نقرأ شعره؟؟!! من أين يأتي بها كل مرّه يرتكب بها شيطنة شعر يهي كهذا ....


قبل أسافر... كنت جالس في زمان الإنتظار=أرتشف هم المكان وكل همّي حاجتين
كنت خايف من يباس... وكنت خايف من خضار=كنت أخاف أنك تجين... وكنت خايف ما تجين
لين شفتك من ورى بيبان صالات المطار=مقبله من كثر شوقك كنت أشوفك تركضين
مرةٍ ركضك يمين... ونظرة عيونك يسار=ومرةٍ ركضك يسار ونظرة عيونك يمين
تايهه ما كنّك إلاّ ضحكةٍ وسط انكسار=ساكته ما كنّك إلاّ دمعةٍ فيها حنين
خايفه... وجله... حزينه... يعني كنتي باختصلر=تشرحين لكل جاهل معنى كلمة "عاشقين"
بعدها جيتك ولّدت عينك ودار الحوار=من كفوفي دمعتين... ومن كفوفك دمعتين
كنت أصدّ... وكنتي إنتي ثايره مثل الشرار=ما على لتغة لسانك غير كلمة وين ؟؟ وين ؟؟
وأذكر انّي رحت قبل ابدي لك ايّة إعتذار=رحت حتى قبل أطيّب خاطرك في كلمتين
لكن أنتي عارفتني زين واللي صار صار=سامحيني... وأذكريني قدّ ما انتي تقدرين
أذكريني لا أنتهت لـ الشمس رحلة مع نهار=واذكريني لا صحى للصبح ورد الياسمين
واذكريني لا لمحتي في ليالي البرد نار=واذكريني لا سمعتي للمطر صوتٍ حزين
اذكريني... واذكريني... واذكريني باختصار=اذكري فهد المساعد قد ما انتي تقدرين

[أمير الحروف]

المفاجأه الأكثر إثارة .. شاعرة تتدفق كنهر عشق وتذيب القلوب بأبياتها الفاتنة وشعورها الجميل... لأصدق مواعيد الوفاء ... تكتب ـ أشواق الحمود ـ فيصبح للوفاء طعم آخر....


لأصدق مواعيد الوفاء للطهر للفجر الندي=بأعذب تعابير الوله... لمصافحك ياول غلاي
جيت أمسح دموع العنا جيت أدفن الجرح بيدي=جيت بزغاريد الفرح أزيح ترنيمة شقاي
لمعانق أفكاري شذا عطر القوافي يهتدي=والشعر عمره من كتبته ما اخبر خيّب رجاي
مير المصيبة يا غلا لا حترت وش لون أبتدي=أو كيف أرتب جيتي؟؟ تدري بجي على عماي
أصب همي وأكشف أوراقي على أسرار سهدي=على سخافة طيبتي على الوهم على غباي
أقلب أوجاعي بصولاتي مع الحظ الردي=وأصغر تفاصيل أولي وأبحر بها لآخر مداي
ألين ترسى بي على ساحل ( هلا بك يا بعدي)=وهناك أخلي الآه واشواقي تسولف عن ضماي
الله يا محلى السوالف لي غدا الوقت أجودي=ساعة تلبي مطلبي من قبل ما تسمع نداي
يأول غلاي العمر لحظه كم تشابه موعدي=تملا حياتي بالغرام... وما ملى عينك سواي

[الغلا]

اخي امير الحروف

الحقيقه قصائد في منتهى الروعه.

انها تستحق القراءه والا شاده

لاتحرمنا من جديدك طال عمرك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ

للمراسلات أو الاخوانيات دور في الشعر فصيحه وشعبيه.
وقد قل شعر المراسلات إلى حد ما بين الشعراء الشباب,.
واليكم قصيدتين لشاعرين من الشباب، الأولى للشاعر حمود بن فالح إذ قال مخاطباً زميله إبراهيم الزبني:


حلم النهار اللي جلاها سود الليل=اقضي عليه بهدفته ونتحابه
يابو محمد عني أبعد من سهبل=وأنا عليه اقنب قتب الذيابه
ارقبت الدور له وصارت باهاذيل=بين الحزوم وبين هاك الهضابه
وعنزمتها على زحول الرجاجيل=أهل الكرم والطيب وأهل المهابة
اللي لهم بالطيب ساس ومداخيل=ولهم صلة بالطيب والهم قرابه

حمود بن فالح
وقد جاء رد الزبني فيه زيادة بالأبيات وهذا ما لا يجيزه أسلوب المراسلات الشعرية مجرد إشارة فقط ولا يعني ذلك الإقلال من قصيدة الزبني بل إنها لا تقل عن قصيد زميله.

من حيل شعر بالمواقيف له حيل=وقت الوازم ما تخونه اركابه
قافة جبل لوهزه الريح ميميل=سماه معنا وشهامة ترابه
حمود سرى الهجن مع ساقت الخيل=ويقول وقته صار فيه انقلابه
غرق بحر هايج وطاح بمحابيل=ومات وحيا واليوم زكاء انصابه
انا ادري ان الأرض تشتاق للسيل=وتضحك ليا شافت عيون السحابه
ولو كل حلمٍ ناصله بتساهيل=ما كان جر الصوت راع الربابه
يا حمود وش جابت عيون الدرابيل=يوم النظر يا حمود مكن صوابه
هي غيمةٍ ترد بليا هماليل=والا بنات افكار ولهن عصابه
لجلك يابن فالح تهون البهاذيل=والا الردي ما والله أشقاء احسابه
خذني بكفك لليال المقابيل=سيفٍ تسله للعدى من نصابه
وان عودت للشيل والحط والشيل=عز الله إني ما تثاقلت طابه

[البحر الهادئ]

قصيدة خالدة .........

قصيدة الشريف بركات و القصيدة مشهورة جدا بين الاباء و الشعراء و المؤلفين و على ألسنة الناس لما له من الشهرة الكبير بين اوساط مجتمع الجزيرة العربية و كلماته عذبة سليمة جدا من الركاكة و في النصح و مواعظ و فيهان تعرف الرجال اما صالح او طالح ..........

يقول الشريف بركات :


يالله ياللي كل الأمـوات ترجيـك = يا واحـد ٍ ما خاب حي ٍ ترجاك
يا رب عبد ٍ ما مشى في معاصيك = مـا يمشي الا فـي محبتك ورضاك
يا مـرقب ٍ بالصبح نطيت راقيك = مـا واحـد ٍ قبلـي خبرته تعلاك
وليّت يا ذا الدهـر مكثر بلاويـك = الله يـزودنا السلامـة من اتلاك
ياللي على العربان عمت شكـاويك =وليت يا دهـر الشقا ول مقواك
واليوم ها الكانون غـاد ٍ شبابـيك = تلعب بـه الارياح من كـل شباك
يا مالك اسمع جابتـي يوم أوصيّك = وافطـن ترى يابوك بآمرك وانـهاك
وصيّـة ٍ من والد ٍ طـامـع ٍ فيك =تسبـق علـى الساقة لسانه لعلياك
أوصيك بالتقـوى عسى الله يهديك =لـهـا وتـدركهـا بتوفيق مولاك
الله برب أجدادك الغـر يعطيـك =رضـاه مـع مـا تـمنـّى من مناك
إحفظ دبشك اللي عن الناس مغنيك = أللـي لـيـا بـان الخلل فيك يرفاك
واعرف ترى مـكـة حكمها بناخيك = لـو تشحذه خمسة ملاليم ما اعطاك
إجعـل دروب المرجلـة مـن معانيك =واحـذر تـميّل عـن درجها بمرقاك
لا تـنسدح عنها وتبغانـي اعطيـك =جـميع مـا يكفيك ما حاصل ٍ ذاك
أدّب ولـدك إن كـان تبغيـه يشفيك =واستسعفـه مـن بعـد مرباه بالاك
إما سـمج واستسمجك عند شانـيك = ويفـرّ من فعلـه صديقـك وشرواك
والاّ بعـد جهلـه تـرى هو بـياذيك = لـو زعلـت امـه لا تـخليه يالاك
واحـذر تضيّع كـل من هـو ذخر فيك =معروف لا تـنساه واوفـه بعـرفاك
تـرى الصنايـع بـين الاجـواد تشريك =الـيـا طمعـت بغـرسها لا تعدّاك
واحـذر سـرور بغبـّة البحـر يرميك =ولا عنـده افـلس من تشكّيك وابكاك
واوف الـرجال حقوقهـا قبـل تعنيك =لا تعتمـد بالقـول فالـحق يقفـاك
وهـرج النميمـة والقفا لا يـجي فيك =واياك عـرض الغافـل ايـاك إيـاك
تـبدي حديـث ٍ للملا فيـه تشكيك =وتـهيم عند الناس بالكـذب واشـراك
والـيـا نـويت احـذر تعلم بطاريك = كـم واحـد ٍ تبغـي به العرف واغواك
واحـذر شـماتة صاحب ٍ لك مصافيك = واليا جـرى لك جـاري ٍ قـال لولاك
ولا تـحسب إن الله قطـوع ٍ يـخليك =ولا تفـرح إن الله علـى الناس بـدّاك
الضيـف قـدّم لـه هلا حين يلفيك = ومـما تطولـه يا فتـى الـجود يمناك
إحـذر تلقـّي الضيف مقـرن علابيك =خلـه مـحب ٍ لك صديق ٍ إذا جاك
واوصيك زلات الصديـق إن عثـا فيك =مـا زال يغطاها الشعر فاحتمـل ذاك
راعـه ولـو مـا شفت إنه يراعيـك =عسـاك تكسـر نـيـته عن معاداك
واحـذر عـدوك لـو ظهر بي يصافيك =خـلك نبـيـه وراقـبه وين ما جاك
لا تـأمنـه واطلـب مـن الله ينجيّك=ويـكفيـك ربـك شـر ذولا وذولاك
شفنـي أنـا يابـوك بآمـرك وانـهيك = عـن التعـرض بـين الاثنين حذراك
إذا حضـرت طلابـة ٍ مـع شرابـيك = إسـع لـهم بالصلـح واللاش يفـداك
إبـذل لـهم بالطيـب ربك يـنجّيك = ولا تـجضع الميـزان مـع ذا ولا ذاك
أمـا الشهـادة فادّهـا إن دعوا فيـك =بـيـّن عمـود الدين لا عميت ارياك
بالك تـماشي واحـد ٍ لك يـردّيـك = طالـع بنـي جنسـك وفكّر بممشاك
رابـع أصيـل ٍ فـي زمانـك يشاكيك =لا شـاف خـملاتك عن الناس غطاك
واحـذرك عـن طـرد المقفيّ حذاريك = عليـك بالمقبـل وخـل مـن تعـداك
ثـم العـن الشيطـان ليـاه يغويـك = تـرى ان تـبعتـه للشـرابـيك وداك
واوصيـك لا تـشكـي عليـنا بلاويك = أنـت السبـب طرفك عيونك بيمناك
واعـرف ترى اللي من وطا الفعر واطيك =ولا انـته أعـز مـن الجماعـة هذولاك
ألـمسـك يا راسي من الذل واخطيـك = واحـذر تكلـم يـا لسانـي حـذاراك
والطـف بـجارك ثـم قـم دون عانيك = وافطـن لما يعنـيك عـن ربعـة اخواك
يا ذيـب وان جـتك الغـنم فـي مفاليك =فـاكمـن إليـن ان الـرعايا تعدّاك
فـيما مضـى يا ذيـب تفـرس بياديك =واليـوم جـا ذيـب ٍ عـن الفرس عدّاك
يا ذيـب عاهـدنـي واعاهـدك ما ارميك =مـا ارمـيـك أنا ياذيب لو زان مرماك
والنفـس خالـف رايها قبـل ترمـيـك =تـرى لـهـا الشيطان يرمـي بالاهلاك
ومـن بعـد ذا لا تصحب النـذل يعديك =وعـن صحبـة الأنـذال حاشاك حاشاك
تـرى العشيـر النـذل يـخلف طواريك = وانـا ارجـي انـك ما تـجي دون آباك
والهقـوة انـك مـا تـجي دون اهاليك =ولا اظـن عـود الـورد يثمـر يتنـباك
والحـر مثـلك يستحـي يصحب الديك = وان صاحبـه عـاعـا معـاعـات الادياك
لا تستمـع قـول الطـرف يـوم يلفيك =بالكـذب يقضـي حاجتـه كـل ما جاك
ومـن نـم لك ،نـم بك ولا فيه تشكيك = وإلـيـاه قـد أزرى رفيـقـك وأزراك
عنـدك حكـى فـيـنا وعندي حكى فيك = وأصبحـت مبغضـنا وحـنا كرهنـاك
مـا اخطـاك مـا صابـك ولو كان راميك = واللـي يصيـبك لـو تتقيت ما اخطاك
مـار استمـع منـي عسـى الله يهديـك =والنـصـح يـا مـالك لك الله لمـولاك
عنـدي مظـنـّة مـا تـمثلتهـا فـيـك = واطـلب لك التـوفيـق مـن عند مولاك

[الغلا]

قصيدة جديدة مخلدة بالتاريخ و هي قصيدة الامير الشيخ تركي بن حميد

لأمير تركي بن صنهات بن حميد العتيبي و اشتهر تركي بن حميد بأنه احكم الشعراء لما ما يناله من حكمة بقول الشعر و يقول فيه :


نومك طرب وأنا بنومي هواجيس .... مـا ساهرك بالليل كثر الهومي

أسهر اليا نامت عيون الهداريس ...... بالليل اساهر ساريات النجومي

أونس بقلبي مثل صلـي المحاميس ...... الله يلـوم اللـي لحالي يلومي

قالوا جهلت وقلت جهلٍ بلا قيس ....... الجاهل اللي ما يعرف اليمومي

أشوف عدلات الليالي معابـيس ...... ولا احدٍ من الدنيا عظامه سلوم ِ

البني ما يصلح على غير تأسيـس ....... ومـن لا تعلّم مـا تسر العلومِ

ولا خير في كثر الحكي و التماليس ....... وقـولٍ بلا فعـلٍ يـجيبه وهومِ

واليا ركبت معالجات المضاريـس ....... يـبدا على كبدي لهيب السمـومِ

بالليل أصالي حاميـات المحاميس ...... والصبح أصالـي كل قبّا وكومي

واقفن بـنا مثـل النعام المماريس ...... ليا خـف عجلٍ مع رفيع الحزومِ

نستلحق اللي يطلبون النواميـس ...... اللي مـع الاقصين وادنـا اللحوم ِ

ولومي على اللي ينقلون العبابـيس ....... صنع الفرنج وكـل رامي لحـوم ِ

وشلف ٍ تركّب بالرماح المناسـيس ...... وسلت المهار وكل قـبّا قحومي

والعز فـوق معسكرات السواديس ...... آليا قصـدت اللي بالاشيا رحوم ِ

قب ٍ تـنازا بالنشامـا كراديـس ........ والطيـر فـي روجاتهنـّه يحوم ِ

إن جـن بالميدان مثـل الدواويس ...... وتعـاقبـوا من فوقهـن السهوم ِ

عـرج باهلهـن كنهنّ القرانيس ....... علـى الطريح مصوبـرات ٍ كظوم ِ

حتـى يزيـن لنا المثل والتوانيس ..... والكيف طاب لمن يفـكّ القحوم ِ

ومن لا يقلّط شذرة السيف والكيس ..... يصبـح عليه مـن الليالي ثلـوم ِ

ومن لا خذا الدنيا بـميز ٍ وتقييس ...... مثـل الذي يسبـح بـبحر ٍ يعوم ِ

كـلّ القلم مـن كتبنا بالقراطيس ....... والخـيل مـن كثـر الدلاليج تومي

وشيـخ ٍ لنا يعطـى الفقارا المفاليس ...... عسـاه بالـدنـيا بعـز ٍ يـدوم ِ

حـر ٍ ليا دبّـت عليـه النواميـس ....... اليا اعتـرض جـول الحباري صروم ِ

اليا اكترب من بعض الاشيا سبابيس ..... أعــزم ولا بـد الفـرج للعـزوم ِ

ثـوب الفرح لبسك نظيف الملابيس ...... إن قـيـل بايـام الكرب والـزحوم ِ

واعمـل وتلقا وافهم العلـم بالقيس ...... ودنـياك لـو زانـت تراهـا نقـوم ِ

تضحك وتـخفي لك خفي الهناديس ..... تـفطـر لنا يـوم ٍ ويـوم ٍ تصـوم ِ

أربـع سنيـن ودمع عينـي أماريس ...... العيـن تسهـر كـن فيهـا هـزوم ِ

يـجلي صدا قلبـي ضبيح المهاريس ...... ليا جـاك شـرّاب الحشايـش يعـوم ِ

ودلال فـوق النار دايـم مـحابيس ...... إكـرامهـن حـق ٍ عليـنـا لـزوم ِ

مـن صنعة الصبّـة وخمس ٍ تخاميس ....... وبـريّـة ٍ تعمـل بـهن كـل يـوم ِ

وابـهارهـا عشـر ٍ بلـيـا دنافيس ....... كيـف ٍ يعـدّا للنـشـامـا القروم ِ

عـدّه لحمـّاي الجـيـاد المراويـس ....... والا الحصان اللـي بـقيـنه وهـوم ِ

وصلـوا علـى سيـد البـرية بتدريس ...... صفـوة قريـش اللـي مشى باليموم ِ

عـدّ النبـات وعـّد ذاري الطعاميس ....... واعـداد مـا يـمطر سحاب الغيـوم

[أمير الحروف]

المجفل... فيصل... الشعر... الذاهب بأوراق الحياة إلى وجهة التفكير الغنائية يجسد قصة حبه بعيداً عن ( الجسد والضفيرة ) ثائراً ليس كعادته ... رائعاً ... يطرق أبواب الحقيقة المقفلة ...
فيصل المجفل والحقيرة .....



خليت منك شي... وأنتي ولا شي=خليت لك شنه ورنه وسيره
كنتي مجرد أسم ينقال له...ذي=وصرتي معاي لعالم العشق اميره
كنتي رسم جامد طواه الزمن طي=وخليت لك روح وضمير وسريره
علمتك العفه وعلمتك الغي=وجاوزت بك حد الجسد والضفيره
بروحي وحبي وقلبي على يدّي=بينت لك فرق البصر والبصيره
أقولها ويقولها كل ما بي=هذي الحقيقة والحقيقة مريره
أي اهتمام فيك... هو مني وفي=وأنتي بدوني يا حياتي صغيره
إبزعمك انك في عيون الجفا ضي=وبعض الفراق إبزعمك يصير خيره
وإن الهوى لو مات يبقى الغلا حي=وله يوم في موقف وساعة وديره
رحتي تحسبين الوفا طبه الكي=من صوره بيديك دفة مصيره
ورب السما والنار والأرض والمي=ما حرك اللي صار شعره وغيره
لا ما تغير يوم جيتي ولا شي=أنتي بعيني زي منتي... حقيره

[أمير الحروف]

شاعرنا قالها في قصيدته (( من يجهل الغيث )) وأنا أقول هذه الرائعة كالغيث ولن يجهل معانيها قلبي....
حاكم مشعل المعلا .... شاعر يمتلك ناصية الإبداع بتمكن... يهدينا قصيدة ملبدة بالغيوم ومحمله بالمطر والاخضرار ....



يا قلب فيك الضما دايم معنّيني=ما تدري إن فزعة الساقي... شماليّه
الغيمة اللي رعدها مني وفيني=ومن يجهل الغيث لا بانت مواريّه
يا هيه ياللي ولا مره سمعتيني=ما هوب كل كلمةٍ لا قلت... عفويّه
يا أتلع الجيد يا خنسا دواويني=يا يوسفيّة نحر... والعين حوريّه
يا أهيف لا تغريّف عودك بليني=أموت بالغريفات الخيزرانيّه
يا خصرك اللي على قبري يناديني=وأنا أدرك إن العمر للعبد عاريّه
من (المدمج ) اللي يساموني على ديني=ليا ليل ذاك الجديل... ووجهك وضيّه
ما غير ذاك الجمر واللول يغريني=حيث إنها غاليه وأهديتها ليّه
لكن... وحق الذي كبرك في عيني=وقبل أزرعك في لظى الروحات والجيّه
إنك تطيعين شوري... لا تحبيني=عين الشقا ما تنام إلا خلاويّه
هذي صفاتي أحب إنك تعرفيني=والا السبب... ماتت الأسرار مخفيّه
هو يمكن إني انطعنت يماضي سنيني=سنين عمر الفتى اللي ضيّعه غيّه
أيام حبي على موتي تمشيني=صاف النوايا وأحب الجرح والكيّه
أهيم مدري وين الله موديني=تدري وش اللي استفدته من صفا النيّه؟!
من أول سنين الشباب ليا ثلاثيني=وأنا انقل ( الخرج ) واثر ( الخرج ) به حيّه!!
واليوم... يوم الندم فتق شراييني=وش يستفيد الندم من صفقة أيديّه
أطلب من الله ليا منك قريتيني=تدرين ليه أكره العشق وطواريّه

[أمير الحروف]

قصيدة غزل.. صافية... دافية... غافية... كافية...
كتابة حب زاهية... ساهية... لاهية... راهية...
سحابة قلب ماطرة... عاطرة... باطرة... شاطرة...
شاعرها حمد الخثلان وهي لكم رسائل ولكن جدائل....


يطيب النوم لعيوني وإلى مني لمحتك غاب=كفاية لا يجي طيفك تحملني سهر ليلي
قريب المشكلة مني ولكن يا لحبيب أغراب=متى تسمح لك الفرصة عسى يا زين تاوي لي
عليك إحساسي المرهف يناجي قلبي اللي ذاب=يقول اشلون ما يرحم حبيبٍ زاد تنكيلي
إذا في ناظرك مخطي تكرم وضح الأسباب=أحب إنك تعاتبني توضح شرح تفصيلي
أخاف الناس تنقل لك كلامٍ ما عليه حساب=ترى اكثر من يزيف لك كلامٍ فيه تضليلي
يبونك تبتعد عني ولكن الهوى غلاب=إلى مني تذكرتك بكيتك قبل تبكي لي
حشا ما انساك لو تنسى لأنك سيد الأحباب=عسى الأيام تصفى لك وأنا الأيام تصفي لي
نعيش بجنة الدنيا نطالع روضها الخلاب=نشوف الورد وألوانه من أحمر لصفر لنيلي
تمتع يا نظر عيني أمامك منظر جذاب=أنا يكفيني أتمتع بشوفك يوم تغضي لي
يغاب النوم عن عيني ولا مني لمحتك طاب=تكرم شرف الليله بشوفك يا قمر ليلي

[أمير الحروف]

فيصل الرشيد شاعر عذب ... ( الحيران ) لا يأتينا إلا بالثمين الغالي شعراً ودرراً وهذه من إحدى أجمل قصائده ...


معقوله أنساك... فال الله ولا فالك=ياللي من الشوق بعيوني يشوفونك
لا ياخذك شك لا يطري على بالك=إن المشاعر تغيّر يوم واخونك
أضحك وسولف وش أخبارك وش أحوالك=نسيت من فرحتي لاقول وشلونك
خلك معي وأطرب أسماعي بموالك=مشتاق اسولف معك مشتاق لفنونك
لا ياخذك عني التفكير بلحالك=عش لذة الحب لا تسرح مع ظنونك
مشاعري عيدها شوفتك ووصالك=يملى الفرح يوم أشوفك قلب مظنونك
قلبٍ عطاك الوفا كله وغنى لك=ومن أجلك يعاف غيرك جعل يفدونك
ناظر عيوني وتلقى صادق آمالك=مثل ما اشوف أجمل الأحلام بعيونك

[أمير الحروف]

هذا الرسم المعطر بفرشاة الشعر ينثر الجمال في أعطافنا كما ينثر الأحلام في خيالنا... عبيد الدبيسي ... يستلهم الصورة من الفكرة ويجسد الحدث من الخيال... فيعزف كما يشاء له الهوى أن يفعل من لحظة البدء وحتى لحظة الانتهاء وما بين اللحظتين تحس بكل ذاك العبير فتتنسم وتتخيل وتتابع وتطرب.


دوبه مشى واحسب أنّه ما مشى دوبه=لولا مناديل عطره قلت ما جاني
يا حظها هالنسايم تشرب دروبه=وأنا الذي من عرفته يوم ما اسقاني
يقبل وانا من ظماه الروح مسكوبه=وإن قلت هيّا اسقني قفّى وخلاني
نيران صدري على لاماه مشبوبه=أنا أشهد أنه شعل جوفي ولا اطفاني
أقبل عليه يشيل الورد بجيوبه=ريحه ذبحني وعيّا منه ما اهداني
واللي سحرني كلامه عاد واسلوبه=والمبسم اللي إلا ناظرته أغراني
والله يا لولا التغلّي فيه عذروبه=إني لحطه بعيني وأرخي اجفاني
لا شك ما هو مقدّر شوق محبوبه=برقه يلوح بسماي ويبست أغصاني

[أمير الحروف]

ثمة امرأة باسقة أمعنت في غيّها البتار... وأتقنت في كيّها بالنار... كانت وراء هذه الرائعة الشاسعة لرشيد الدهام ... اقرأوها لتعرفوا الشعر.




تولّم للسفر جفنٍ على درب السهر مجبور=يخفّي عن بعض حلمه قبل يرحل بعض ياسه
وأنا مثله مسافر بين أراضي حلمي المهجور=معي له كلمتين... ودمعتين... وعين عساسه
ولي وجهٍ تعابيره بها ملح الحزن منثور=شتاته لو نثرته تجمعه نظرات جلاسه
حبيبي كر ما تخطي علي واقول لك معذور=كثر طول انشغال البال فيك وكثر هوجاسه
أحبك... وأنت تحكي عن خضوعك لي بكل غرور=مثل من يبكي دموع المذلّه رافعٍ راسه
أحد يصحى على صوتك ولا يصبح صباح النور=وأحد يغفى على صوتك ولا يحلا له نعاسه
أحد يقرا عيونك لا بكيت ويكتبك بسطور=أحد يشرب وصوفك لا ضحكت وينثرك كاسه
قبل ما احفر لشعري يا حبيبي في الضلوع قبور=تعال تضمك حروفه قبل ما يلفظ انفاسه
لك الله يا حبيبي صار لي يمكن ثلاث شهور=أسيّل بالشعر دم القلم وتموت كراسه
وأنا ما همني لو يوم صرت الشاعر المشهور=إذا ما طرب قصيدي من قراه ولامس إحساسه
عسى بيت القصيد إن ما بناله في الصدور جسور=وحرّك في نفوس الناس حاجه ينهدم ساسه
إذا ما كان من صادق معاناة ورقيق شعور=عسى ريح الشمال يطير به لا هب نسناسه

[أمير الحروف]

إنه الحس الأنيق .. إنه القصيده متناهية الرقة والصدق...
(( جامل وأنا اسمي مجاملك معروف ))
أفتحوا نوافذ النور هذا هو سمو " الباسق المرتوي " سعود بن عبد الله يريد أن يطلق نجمة في سما أعينكم


ليت الدلال اللّي يمرك طواري=يمر بك مره على القلب وتشوف
مشكور لا وقفت لين الصحاري=يزهر بها عشبٍ على صدر ملهوف
أقول صدفه شوفتك وأنت داري=ما غيرك اللي جابني ما هي صدوف
يا صاحبي طال المساء وانتظاري=متى عقارب ساعتي تترك الخوف
مد الغلا صبحٍ كفانا غداري=لمصافحك ينبت لخفاقي كفوف
هديتي لك نجمتين ومساري=وهديتك جرح ومسافات وظروف
إضحك يغيب الحزن وأضحك وأداري=جامل وانا اسمي مجاملك معروف
شافوك في عيني وهذا اعتذاري=وش حيلتي لا جيت في عيني طيوف
طيفٍ عبرت وشال صوته قماري=ومن رقتك سويت بالناس معروف
والله شاري يا عساك أنت شاري=وإن قلت أبرحل فإترك القلب بآشوف

[صادق المشاعر]

ياسلام عليك يا أمير الحروف والله القصائد في قمه الروعه



وصح لسانك يا أخي العزيز





تحياتي للجميع

[الكرز]

أخوي أمير الحروف
أنت عضو غير عادي على الإطلاق ذوقك جميل وهذا الموضوع هو هدية الشعر وهدية أميرنا لنا كل كلمات الشكر لك ياغالي ورتبها على كيفك.........
أمير أتمنى تسمح لي بمشاركتك بقصيده أحبها كثير وهي لمليحه الفودري...



صديقتي... كل السهام اللي طعنتني باليه=إلا سهامك ناظريها نار في صدري تقيد
صديقتي رغم الألم... تبقى الصداقة غاليه=ومن يمسح دموعي أنا.. ما تدمع عيونه أكيد
روح الصداقة معطره بأحلى المعاني الساميه=وما حس بك غير الصديق لو كان أبعد من بعيد
يوم اشتكيتي دنيتك شفتي عروقي داميه=ويومٍ بكيتي دمعتك كم ذاب في صدري الجليد
رغم الخيانه والغدر... رغم الأمور الخافيه=كنت أشعل أيامك فرح وكان الحزن معنا سعيد
يالله كم ظنيت إنك يالصديقه وافيه=إي بنشدك وش في عروقك ما وقلبك من حديد
يا للأسف وأنتي القريبه يالبعيده داريه=من باع إحساسه معي في دنيتي يصبح فقيد
آه أذكرك واشكيك وأبكي... للمعزّه الباقيه=يا كذبةٍ والحب في عمري هو الصدق الوحيد
وش هو بقى لي... ما بقى غير الجراح الغافيه=وش هو بقى لي غير دمع... وليل... وأوجاع القصيد

[المدرس]

أمير الحروف


أبطيت علينا

وأشتقنا

الى


روائعك

[أمير الحروف]

أستاذي الرائع المدرس
تشكر يا غالي على سؤالك
وأنا قريب عندك ما رحت بعيد
وأبيك تسمح لي أستاذي الغالي أنت وجميع الأعضاء الكرام اللي يمروا على متصفحي بوقف المشاركات عند هذا الحد من ناحيتي ولا امنع أي عضو كريم من الإضافة لأني من جد أستاذي الغالي محتاج وقفة مع نفسي ومراجعة حساباتي من جديد يمكن اندفاعي وحماسي بإضافة كل ما أستطيع لخدمة منتدانا الغالي زعلت مني أعضاء بدون قصد مني وهم أصحاب ذوق وقيمة في هذه الساحة ويفرحني وجودهم...
لك أخوي الغالي أجمل الشكر لكل حرف نثره قلمك الجميل على صفحات مشاركاتي منذ أول مشاركة في هذه الساحة الجميلة بجمال روحك وعطر ردودك وأنا بكون معك أستاذي الغالي
وزيارتي الدائمة لهذه الساحة تعتبر شرف لي وليس تشريفاً لك فأنت الأستاذ وسنظل تلاميذك...

أخواني
الغلا
الوابل
الراحل2000
البحر الهادي
الكرز
عاجز عن الشكر لتشجيعكم وإضافاتكم التي زادت متصفحي جمالاً وعذوبة وأتمنى أكون قدرت أشارككم بذوقي بما أرضى أذواقكم الجميلة ألف شكر

أخوي الدرس لك إهداء.....

تعبت أمنّي الأسئلة بالإجابه=وأنطر شروق الشمس والشمس بغياب
وتعبت أناظر والمعنى عذابه=أنك قريبٍ... والملا دونك جحاب

[أمير الحروف]

يا عازفه بين الشعر والحب ... لحن الأتهام=تقولين ... ورد الحب مايرويه هتان القصيد
رغم إني آخذ راي من يعتب برقه وأحترام=إلا ان هذا الراي من ساسه عن الواقع بعيد
الشعر نزف قلوبنا ... عطر الورق ... شهد الكلام=يروي جفاف أيامنا ويطوّع القلب العنيد
الشعر طير أشواقنا الميمون ووقود الغرام=تدفى على جمره مشاعرنا ليا أشتد الجليد
الشعر لحن اعماقنا ... يعزف مواويل السلام=نقدر نحدد من خلاله ما نحب وما نريد
الشعر نورٍ نسكبه في وجه تيار الظلام=لولاه صعب نحدد القلب الفطين من البليد
يهتز له ورد الغصون... وينتشي سرب الحمام=مهما شربنا من عذابه... ننثني له من جديد
يا معاتبه بعض العتب نعطيه بعض الاهتمام=الحب والشعر أصبحوا ... في داخلي دم ووريد

بعيد الهقاوي

[أبوفيصل]

جتني وقالت خذ بقايا هداياك
وهاك الرسايل وأعتبرها نهايه


وخل ذكرياتي والصور دوم وياك
مابيك تنساني وتنسى هوايه


وأستر على ماشفت مني وماجاك
وعساك تذكر ذكرياتك معايه


قلت أسمعي قالت عسى الله يرعاك
ماعاد ينفع ياحبيبي كفايه


صاح الضمير وقال يالزين وش جاك
ودي أعرف اليوم شنهو خطايه


ودي أعرف اللي حصل لاعدمناك
شاللي حصل بالضبط شنهي الحكايه


قالت (خطبني ) شخص مثلك وشرواك
وأبوي ملكني اليوم وحطم منايه


قالت وهي تبكي ترى الكل يفداك
لكن ظروف الوقت زادت شقايه


غصب علي اليوم أوادعك وأجفاك
مجبوره ياقلبي أفض الروايه


لاتعتقد في يوم أنا بقدر أنساك
أنت الوحيد اللي لهالقلب غايه


والقلب صابه وقتها ألف دكاك
والهم أعلن في حياتي البدايه

وسلامتكم وتـعيـشون

[M R .DoO0ODY]

http://jenan2002.jeeran.com/line32.gif
بسم الوطن أكتب من الشعر موجز=عن صفحة التاريخ واللي كتبها
هذا بلد من فضل ربي معزز=أغلى بقاع الأرض والله وهبها
واختار لها عبد العزيز المعزز=قدم لها نفسه وحقق طلبها
الفارس اللي بالشجاعة تمركزِ=هـلل وكبر والقضية كسبها
لقـّـا لها وجهه بمجهوده وأنجز= الدار داره والأعادي حربها
بكلمة التوحيد رزّ العلم رزّ=حكـّـم كتاب الله وأحسن أدبها
نورٍ بدا من نجد بالمجد حجـّز=وصل الحجاز وخطته في ندبها
اصطاد صقرٍ وصقرٍ من ماقعه فـز= ذي حالة الدنيا لمن لا حسبها
أرسى قواعدها ورفع راية العـز=ليا دعت باسم السعودي أجبها
والصقر كمل في وجوبه وتميز= وبنت الجزيرة لبسها من ذهبها
لاقى كريم وماقف الصدر منهز= عسى فالجنة وحظه جلبها
خلا لها درعٍ حصين مجهز=قام بحماها والعدو ما قربها
مثل الجبال الشامخة ما تهزز=حي الرجال اللي يشرف نسبها
كلٍ تمركز في منابع وركّـز=وأدى الأمانة ما اشتكى من تعبها
واللي يعبر عن أهل المجد يعجز=كل الشهامة والكرم في عربها
باسم الوطن أكتب من الشعر موجز=في صفحة التاريخ واللي كتبها
http://jenan2002.jeeran.com/line32.gif