الموت هين والبلا وش ورا الموت

[العضيد]

رائعه من روائع الشاعر متعب التركي وعاجبتني وذكرتنا بالقبر والموت

فتحيه لشاعرها

وهي بعنوان الموت حــق


الموت هين والبلا وش ورا الموت
عند الحساب يهـون سـهـم المنايا

باكر نمـوت وتصبح قبورنا بيـوت
عقب القصور بضيقات الزوايا

في جوف الارض وكل من حولك سكوت
وتعاقبـن بالقبـر عـوج الحنايا

يارب يامنجـي نبيك مـن الحـوت
سترك وعفوك يـوم كشـف الخفايا

باكر ليا جينا علـى داعـي الصـوت
شيبـان واطفـال وشبـاب وصبايا

ندعـي وحنا بيـن باكي ومبهـوت
رحنا لها ننقـاد مثـل السبـايا

يارب تهديني قبـل لحظـة الفـوت
وتغفرذنـوبي ياكـريـم العـطايا

اشكيك هـم داخـل الصـدر مكبـوت
وايامـي اللـي بالخطايا مـلايـا

أن لاذبك من كان طايـع ومبخـوت
فـي مـن يلـوذ المرتكـب للخطايا

يارب ياقادر علـى كـل طاغـوت
لاياقـف اللـي وحـدوبـك خـزايـا

رحماك لامنـا صحينـا مـن المـوت
واليا وقفنا عنـد بابـك عـرايـا


الله يرحمنا برحمته يارب

[عذاري]

يارب ياقادر علـى كـل طاغـوت
لاياقـف اللـي وحـدوبـك خـزايـا

رحماك لامنـا صحينـا مـن المـوت
واليا وقفنا عنـد بابـك عـرايـا


قصيدة رائعة وانا من محبيها خصوصا عند انشادها الله يعطيك العافية يالعضيد وتسلم يمينك يالغلا

[ياعذابي]

قصيده جميله يالعضيد

صح لسانك وتسلم على النقل

واللهم أجعلنا من أهل الجنه يارب

تحياتي لك

[العضيد]

يارب ياقادر علـى كـل طاغـوت
لاياقـف اللـي وحـدوبـك خـزايـا
رحماك لامنـا صحينـا مـن المـوت
واليا وقفنا عنـد بابـك عـرايـا
قصيدة رائعة وانا من محبيها خصوصا عند انشادها الله يعطيك العافية يالعضيد وتسلم يمينك يالغلا

الرائع مرورك بين متصفحي

والله يعافيك من كل شر

ماننحرم من طلتك وتواجدك

تشكررررررررررررررررررات

[العضيد]

قصيده جميله يالعضيد
صح لسانك وتسلم على النقل
واللهم أجعلنا من أهل الجنه يارب
تحياتي لك

اللهم آآآمين يارب

تسلم ع المرور وصح بدنك


تشكررررررررررررررررررررررررات

[شموخ أنثى .ღ.}]

يارب تهديني قبـل لحظـة الفـوت
وتغفرذنـوبي ياكـريـم العـطايا
..

..


..


..



يعطيك العافية

[العضيد]

شموخ

أشكرك من القلب ع المرور

والله يعافيك من كل شر

[صادق المشاعر]

يارب ياقادر علـى كـل طاغـوت
لاياقـف اللـي وحـدوبـك خـزايـا
رحماك لامنـا صحينـا مـن المـوت
واليا وقفنا عنـد بابـك عـرايـا
آمين يارب
اللهم ارحمنا برحمتك

تسلم يمينك يالعضيد وصح لسان الشاعر متعب التركي

[الشمالي]

صح السان شاعرها وسلمت يمين ناقلها ودامن مبدع

[قمر]

قصيدة رائعة اخي العضيد ومشكور على نقلها

دمت برعاية الله

[خطاي أني وفيت]

قصيدة رائعة أخوي العضيد شكر لك وتسلم الإيدين ألي كتبت القصيدة ..

يعطيك العافية اخوي وأنشالله نكون من المغفور لهم يوم القيامة اللهم آمين ..


تقبلي مروري العطر ..

[العضيد]

نايف بن عبد العزيز

ومن قال سالم وصح بدنك نيابة عنه

الشمالي

ماننحرم من تواجدك يارب يامتميز

قمر حساس

تسلمين ع المرور

وأنتي بحفظ الله

خطاي أني وفيت

مرورك بين متصفحي زاده عطرا ً

وتسلمين لي ع تواجدك الدائم

[السنافي]

قصيده وعظيه رائعه

نسأل الله لك الاجر على نقلها لنا ..

ولك الشكر يالعضيد وصح لسان الشاعر ..

[العضيد]

قصيده وعظيه رائعه
نسأل الله لك الاجر على نقلها لنا ..
ولك الشكر يالعضيد وصح لسان الشاعر ..

ولك ألأجر يابوعبدالله

وتسلم على هذا المرور العذب

الذي زاد متصفحي عطرا ً

وصح بدنك بنيابه عنه

تشكرررات