قصيدة للشاعر الكبير/ فهد بن إبراهيم المفرج بمناسبة عيد الفطر المبارك ..

[مخاوي سدير]

قصيدة للشاعر الكبير / فهد بن إبراهيم المفرج حفظة الله وهي بمناسبة عيد الفطر المبارك إعادة الله علينا وعليكم باليمن والمسرات اترككم مع القصيدة:ـ
قل عيدك مبارك ترى الليله العيد
عيد الفطر ماهوب عيد الضحيـه
وش ينبغى بالعيد مادامـك بعيـد
وش ينبغى به وانت زعل ٍ عليه
حب العرب ينقص وحبي لك يزيد
حبك صواب وحب غيرك خطيه
اسهر الى نامت عيون الاجاويـد
مير الله اقوى ياالعيـون الشقيـه
لاتحسب اني سالي ٍ يااتلع الجيـد
تطري عليه كل صبـح وعشيـه
وحياة رفاع السما مـروي البيـد
انـي عليـل وعلتـي باطنـيـه
ذبحتني ياحـول يافاتـن الغيـد
اثرك خـوي ٍ مايراعـي خويـه
لولاي اداري الهرج وادرا المناقيد
من خوفتي لايكثر الهـرج فيـه
لانهبك في غفلة عيون الحواسيـد
واسكن انا واياك بارض ٍ خليـه
تبي الصراحه ياصدوق المواعيد
الحال من عقبـك تراهـا رديـه
عز الله انك ظبي من شرّد الصيد
واتعبت سادة قنـص وبوارديـه
لايامهددنـي بالابعـاد تهـديـد
يكفي التفاته منك تحسـب هديـه
بالله عايدني ترى الليلـه العيـد
عيد الفطر ماهوب عيد الضحيـه
وبختام اتمنى انها نالت على اعجابكم ودمتم بالف عافية وكل عام وانتم بخير..