لاخاب ظني بالرفيق الموالي

[شموخ أنثى .ღ.}]

لاخاب ظني بالرفيق الموالي
اليكم
هــــذه القصــيده
للأمير / محمد بن أحمد السديري
رحمه الله
وهي معروفه عند اكثر الناس - لجزالتها ومعانيها الساميه
وهو يقول في قصيدته
يقول من عـدا علـى راس عالـي
................ رجمٍ طويـل يدهلـه كـل قرنـاس
في راس مرجـومٍ عسيـر المنالـي
............... تلعب به الارياح مـع كـل نسنـاس
في مهمهٍ قفر مـن النـاس خالـي
................. يشتاق له من حس بالقلب هوجـاس
قعدت فـي راسـه وحيـد الحالـي
.................. برأس الطويل ملابقه تقـل حـراس
متذكر ٍ فـي مرقبـي وش غدالـي
................... وصفقت بالكفين ياس ٍ علـى يـاس
اخـذت اعـد ايامهـا و الليـالـي
................. دنياً تقلـب ماعرفنـا لهـا اقيـاس
كم فرقـت مابيـن غالـي و غالـي
.................... لو شفت منها ربح ترجـع للافـلاس
يـا ماهفابـه مـن رجـال ٍ مدالـي
..................... ماكنهم ركبو علـى قـب الافـراس
ولاقلطوهـن للكمـيـن المـوالـي
...................... ولاصار فوق ظهورهن قطف الانفاس
ولا رددوا صـم الرمـك للتـوالـي
..................... كل ٍ يبي من زايـد الفعـل نومـاس
من بينهـم سمـر القنـا والسلالـي
.................... مثل البروق برايـح ٍ ليلـه ادمـاس
يقطعـك دنيـا مالهـا اول وتالـي
....................... لو اضحكت للغبن تقرع بالاجـراس
المستريح اللي مـن العقـل خالـي
......................... ماهوبلجـات الهواجيـس غطـاس
ماهـوب مثلـي مشكلاتـه جلالـي
.......................... ازريت اسجلهـن بحبـرٍ وقرطـاس
حملـي ثقيـل وشايلـه باحتمالـي
........................ واصبر على مر الليالـي والاتعـاس
وراسى كما ترسـى رواس الجبالـي
......................... ولايشتكى ضلع ٍ عليـه القـدم داس
يابجاد شـب النـار وادن الدلالـي
......................... واحمس لنا يابجاد مايقعـد الـراس
ودقـه بنجـر ٍ ياظريـف العيالـيي
......................... جذب لنا ربع ٍ على اكـوار جـلاس
وزله إلـى منـه رقـد كـل سالـي
......................... وخله يفوح وقنـن الهيـل بقيـاس
وصبـه ومـده ياكريـم السبـالـي
.......................... يبعد همومي يوم اشمـه بالانفـاس
فنجـال يغـدى ماتصـور ببـالـي
........................... وروابع ٍ تضرب بها اخماس واسداس
لاخـاب ظنـي بالرفيـق الموالـي
........................... مالي مشاريـه علـى نايـد النـاس
لعـل قصـر مايجيـلـه اظـلالـي
........................ ينهد مـن عالـي مبانيـه للسـاس
لاصـار ماهـو مدهـل ٍ للرجالـي
........................ وملجا لمن هو يشكي الظيم والبـاس
بحسناك يامنشـى حقـوق الخيالـي
.......................... ياخالق اجناس ٍ ويامفنـى اجنـاس
تجعـل مقـره دارس العهـد بالـي
............................. صحصاح دو ٍ دارس ٍ مابه اونـاس
البـوم فـي تالـي هدامـه يلالـي
............................ جزاك ياقصر الخنا وكـر الادنـاس
متـى تربـع دارنــا والمفـالـي
............................... وتخضر فياض عقب ماهيب يبـاس
نشـوف فيهـا الديدحـان متوالـي
............................... مثل الرعاف بخضر مدقوق الالعاس
وينثر على البيدا سـوات الزوالـي
............................... يشرق حماره شرقة الصبغ بالكـاس
وتكبر دفـوف معبسـات الشمالـي
.............................. ويبني عليهن الشحم مثل الاطعـاس

[صادق المشاعر]

لاخـاب ظنـي بالرفيـق الموالـي
........................... مالي مشاريـه علـى نايـد النـاس


جزله
رائعه
:
:

شموخ

ابدعتي في الاختيار
وصح لسان الشاعر
محمد السديري
:
:

لاتحرمين من روائعــكِ

[شموخ أنثى .ღ.}]

..
؛
؛

اشكرك اخي علي مرورك العطر
لاتحرمني تواجدك
دمت بخير
..
؛
؛

[ياعذابي]

يابجاد شـب النـار وادن الدلالـي
......................... واحمس لنا يابجاد مايقعـد الـراس

صح لسان الشاعر محمد السديري

وسلمت لنا يمناك ياشموخ أنثى ع النقل الرائع

وسمعت أن هذه القصيده لها سالفه ليتك جبتيها

تحياتي لك

[الشمالي]

رحم الله الشاعر الكبير / محمد السديري


والشكر للاخت شموخ على النقل والاختيار الجميل

[شموخ أنثى .ღ.}]

يابجاد شـب النـار وادن الدلالـي
......................... واحمس لنا يابجاد مايقعـد الـراس
صح لسان الشاعر محمد السديري
وسلمت لنا يمناك ياشموخ أنثى ع النقل الرائع
وسمعت أن هذه القصيده لها سالفه ليتك جبتيها
تحياتي لك
..
,
,
اشكرك اخي علي مرورك العطر
وان شاء الله اجيب سالفتها
لاتحرمني تواجدك
دمت بخير
..
,
,

[شموخ أنثى .ღ.}]

رحم الله الشاعر الكبير / محمد السديري
والشكر للاخت شموخ على النقل والاختيار الجميل
..
,
,
اشكرك اخي علي مرورك العطر
لاتحرمني تواجدك
دمت بخير
..
,
,

[السنافي]

صح لسان السديري
وقصيده لا تمل منها ابدا على كثر ما تسمعها او تقرأها ..

شكرا يا شموخ على الاختيار الطيب ..

[شموخ أنثى .ღ.}]

..
,
,
العفووووو اخوي
اسعدني تواجدك
منور
دمت بخير
..
,
,