سلينا

[صدوق المخايل]

ياهيه والفنا الكرى والمخده
خلاص تبنا عن هواك وسلينا
اليوم ودعنا بحور الموده
لاصار ماودك تجي لاتجينا
من باعنا بعناه باللي يسده
مانشتري الا واحدن يشترينا
ومن حدنا جعل الليالي تحده
نجفاه لو انه عزيزن علينا
انكان لك خلن تبيه وتوده
حنا لنا خلن نبيه ويبينا
وان كان خلك ماخذن عنك مده
حنا غصين البان يبكي علينا
وان كان خلك مبعدن عنك جده
حنا لطيف الروح منا وفينا
وان كان بابك عن هوانا ترده
حنا قفلنا ابوابنا وانتهينا
وان كان حبلك في يدينك تشده
حنا رمينا حبالنا من يدينا
ياطير قل له ماشقينا بصده
لايحسب انا من صدوده بكينا
النفس طابت منه والقلب ضده
ماعاد ابي شوفه يمينن يمينا
مابيه لوجاب البحر شرق جده
ولو جر ضلع طويق مع طور سينا
والله لو يمسح على القاع خده
ولو قلط الخيرات سمن وسمينا
ولوه تأسف لي وكفه يمده
ويقول راضونا ترانا رضينا
ماارضى عليه ولاعيوني تلده
حنا ليا منا جفينا جفينا
خله يبيح جور الايام سده
ويشكش من اطعون الزمن ماشكينا
ياما سكتنا والغلط مانعده
نسكت وكنا ياالغضي مادرينا
وكم واحدن غالي عشانك نهده
نزعل عليه وخابرينه يبينا
مافاد فيك وصبرنا وصل حده
رح فكنا واسلم ولاتبتلينا
قد قيل هرجن تستحي منه بده
بنقول لك هرجن ولو ماستحينا
الكحل كبه والشعر لاتكده
حنا خذينا اللي نبي واكتفينا

صدوق المخايل فهد المفرج

[صادق المشاعر]

صح لسانك ياصدوق المخايل



وتسلم على القصيدة الرائعة والجميلة جداً



ونتمنى منك القصائد الرائعة في الايام المقبلة وشكرررررراً

[قناص]

حقيقه اخوي فهد ان احمدالله ان حلمي تحقق بوجود شخص مثلك معنا بالمنتدي ووجودك فخر لنا وللمنتدي وانت نجم قادم فى ساحة الشعر وانا اراهن على ذلك وياليت تعطينا جديدك ولا تبخل على ديرك تمير بكل جديد تحياتي لك اخوك المراقب العام/حمد

[بنـ الشيوخ ــت]

سلينا

عنوان جميل

ومعبر عن معنى قوي

اتمنى ان تسلي عن كل شيء الا الشعر

لانك مبدع فيه وفنان وجمهورك يحتاااج له اكثر من حاجتك انت

فلا تكن بخيلا علينا


;)بنـ الشيوخ ــت;)

[صدوق المخايل]

بنت الشيوخ
لايمكن ان ابخل عليكم ابدا وانا منكم وفيكم
واللي اقدر عليه بين يديكم وشهادتك أعتز فيها
ويكفيني انك أحد المتابعين لمشاركاتي
وانا أحترم فيك ذوقك وأسلوبك الرائع
تقبلي تحياتي ولن أنسى نصيحتك

[المدرس]

اخوي صدوق المخايل


اتحفتنا دائما بالجميل والجديد



أصبحنا ننتظرك دائما


لك جزيل الشكر





ولجميع الأعضاء المشاركين في الردود


الف تحية


اخوكم المدرس

[صدوق المخايل]

المدرس
تنتظر مني الجديد وانا انتظر منك الجديد وعلمك طيب
ولايمكن أقصر معكم أبد واللي مثلكم يستاهلون
ولاأخفيك سر جاني دعوات من منتديات كثيره
ولكن منتدى تمير غير وماالحب الا للحبيب الأول

[صدوق المخايل]

hamad
انا والله اللي لي الشرف يابو عثمان وانت راعي الاوله
علم وكاد والله يكثر أمثالك ياأحسن مراقب عرفته المنتديات
وألف شكر مقرون بالمحبه لك ولكل محبيك
والمكسب والله في معرفتكم ومحبتكم ووفاكم

[فــتــى نــجـــد]

الكحل كبه والشعر لاتكدهxxxxxxxx حنا خذينا اللي نبي واكتفينا
صح السانك يا صدوق المخايل
وحلوة منك هالتسلية



ونبي من مثل هذي واشد


مع تحيات ابو عبدالعزيز

[ولدعنبر]

هنا نقشت الابداع هنا رسخت في العقول

كيف يكون الابداع ؛ صدقني ان ماكتبت

تحفه من الجمال ايه من الروعه

دائما اتعطر من شذى حسك المرهف ومعانيك الجزله

صدقني يضيع الكلام في وصف ماخطيت من جمال .... مبدع

صح لسانك واهلاً بك معنا في رحاب منتدى مدينة تمير

[نقا هشال]

صدوق المخايل


صح لسانك ولاهنت

[راعي الرايــــه]

صح لسانك قصيدة جميلة

والشكوى لله ياصدوق المخايل

الله لايحرمنا من جديدك

ألف شكر وألف تحية ،،،،،،