تسجيل الدخول

مشاهدة النسخة كاملة : {{{{{{{ بعد الفقر حــــــــطت شريحه وجــــــــوال }}}}}}}}}}}}

شموخ أنثى .ღ.}
19 / 09 / 2007, 40 : 07 AM
بعد الفقر حطت شريحه وجوال
يسعد مسا جوالها والشريحه
كانت تجيني تشتكي قلة المال
وتصيح لاجا طاري الفقرصيحه
تقول ابويه دايم الدوم رحال
وامي كبيره سن دايم طريحه
وانت الوحيد اللي لك القب ميال
دايم يصارحني وانا له صريحه
طفله وانا معشوقها بين الاطفال
جريح حب وطاح له في جريحه
كنا سوى نرسم على التربه امال
وأحلام تقتلها الحياه الشحيحه
كم دمعةٍ كانت على الخد تنهال
واذا نزلت ضاقت عليّ الفسيحه
الله كم صرخه..وهمسه.. وموال
الله كم جادت علينـــــا القريحه
الله كم بيتٍ كتبنــــــاه يختال
واقول انا (ضيدان) وانتي( مليحه)
نخيل لومافالسما برق وخيال
وانكذب الايام لوهي صحيحه
تقول لاحطيت لك بشت وعقال
وسخّرلك الرحمن عيشه مريحه
اخاف تتركني على عثرة الفال
للفقر ووجيه الحياه القبيحه
وحبيتها بين الخلايق والازوال
حبٍ يطول الوقت محدٍ يزيحه
وسلمتها قلبٍ تباريه الاهوال
وطاح الخفوق وطيحة القب طيحه
راحت وخلتني مع القيل والقال
شاعر صواريف الدهر تستبيحه
ودار الزمان وغير الحال بالحال
وجاها الزمان بكل ورده وشيحه
فلة ..وخدامه.. ولكزس.وجوال
وانا عجزت ادفع رسوم الشريحه
لشــــــــــــــــــــاعر ضيدان بن قضعان
ياعذابي
21 / 09 / 2007, 49 : 12 AM
صح لسان الشاعر

وسلمت يمينكـ أختي شموخ أنثى
قصيده رائعه والله يعين الشاعر على حاله

تحياتيـ
شموخ أنثى .ღ.}
21 / 09 / 2007, 31 : 05 AM
الله يسلمك
اسعدتني بمرورك العذب
.
.
دمت بخير
الشمالي
21 / 09 / 2007, 54 : 04 PM
صح السان الشاعر / ضيدان بن قضعان

وسلمت يمينك ياشموخ على النقل
المتحـ2007ـد
21 / 09 / 2007, 15 : 05 PM
فلة ..وخدامه.. ولكزس.وجوال
وانا عجزت ادفع رسوم الشريحه

الف شكر يا شموخ انثى على النقل الراااائع وصح لسان الشاعر
شموخ أنثى .ღ.}
22 / 09 / 2007, 00 : 06 AM
الله يسلمكم
.
.

.
منورين.
دمتم بخير
بارود
25 / 09 / 2007, 19 : 10 PM
مشكورة على النقل
يسلم الشاعر والناقل
شموخ أنثى .ღ.}
27 / 09 / 2007, 05 : 09 AM
..
؛
؛
اشكرك اخي علي مرورك العذب
منور
دمت بخير
..
؛
؛