هذه من أجمل القصائد التي كانت مجاراة لقصيدة خالد بن مدعث الدوسري التي نقلها اخي غلا

[الشمالي]

هذه من أجمل القصائد التي كانت مجاراة لقصيدة خالد بن مدعث الدوسري التي نقلها اخي غلا الكون
للشاعر الرائع ناصر الفراعنه

كل ما فاضت عيوني نجر ابـن حربـان دنـا
في ضلوعي يسمع اللي مـن ورا بغـداد دنـه
يومٍ ابن مدعث لنا سـن الوجـود الحـق سنـا
وافؤادي كن دود الارض يرعـى فـي مسنـه
وافؤادي لو تضنا ياابـن مدعـث مـا تضنـا
كنه المجـدور عقـب الجـور مرمـيٍ بعنـه
أشعـل التنبـاك مـن خلقتـه ماشبـه وكنـا
مير كنه من عجاج فـاح مـن صـدره يكنـه
واوجودي وجد من هو عض بإبهامـه وحنـا
واحدٍ شاف الثـلاث البيـض سـودٍ مستجنـه
شاف قـدام الخيـام خشيـف ريـم مرجهنـا
وثور البندق يبي يصيده وراغ الخشـف منـه
اطلق اربع عقبها اربع ثم سمع صـوت يونـا
واثرها امه صابها طلقه وطـار العقـل منـه
واتهمـوه بذبحـة امـه ليلـة العيـد وتجنـا
اتهمتـه النـاس وصـدوف النقاديـر اتهمنـه
قالوا اخوانه ترا ما أنا بمنـك ولا انـت منـا
يفرق الله بيننا وبينك عسى مـا لـك مضنـه
لك ثلاث ايام من ذلحين وارحـل مـن وطنـا
عقبها تخطر على راسـك مضاريـب الاسنـه
ودع مريتـه وتـو بنتـه صغيـره ماتحـنـا
توها ام اربع شهـور وفـي لحمهـا زود لنـه
ركب غوجه وانقلـب قبلـه بليـل مـا تونـا
والحمايا من خلافـه ارخـوا حبـال الاعنـه
المطايـا والسبايـا مـن خـلافـه عمـدنـا
والمنايـا سجـدٍ قــدام عيـنـه يحتـرنـه
كل ماعنز علـى قـوم وطـنّ الـراس طنـا
قالوا اذلـف ذابـح امـه لعنبونـا لـو نحنـه
ذابـح امـه لـو زبنـا عـده انـه مازبـنـا
لعنبـوك بيـوت قـوم ذابـح امـه زبنـنـه
الجمالـه ماتجمـل فـي ولـد حــرٍ تـدنـا
ميـر دور غيرنـا وانحـش بقلبـك لاندنـه
وانقلب من عندهم كنـه علـى محمـاس بنـا
يمة اهل الغوص عجـلات الركايـب وجهنـه
ركب بابور البحـر ودمـوع عينـه يذرفنـا
فـوق خـده كنهـن اذواد بــدوٍ مرثعـنـه
يـوم حـل الليـل اشرعـة السفينـه دودلنـا
والهبايـب مـا يخلـن محـبـلٍ مادودلـنـه
قـام ربـان السفيـه قـال يانـاس امتحـنـا
قوموا ادعوا ربكـم عـلام ماوسـط الاجنـه
قال شيـخ منهـم الا عنـدي الـراي المطنـا
ضحوا بواحد عسـى الله ينقـذ يديـن رجنـه
وطاحت القرعه على اللي ذابـح امـه ماتتنـا
ثم رموا به فـي ظلمـات البحـور المستكنـه
وادبحوا عنه وهو فـي غبّـة البحـور يتثنـا
ثم عرض له من وحوش القرش جرجور وصنه
عض جرجور البحر ساقه وصايـح واستجنـا
ابك لـولا الله كـلاه القـرش مايسلـم مطنـه
وفي ديار من بلاد الهنـد بيـن انـسٍ وجنـا
من فضل ربي عليه اطراف الامـواج احذفنـه
ومثل ماقبل امـس متهـوم بذبـح امـه معنـا
اتهمـوه بـذبـح سلـطـان البلادالمطمئـنـه
وفي السجون المظلمه خمسة عشر عام قضنـا
مع ثلاث ماقضـن الا عقـب حالـه قضنـه
لاسمع ورقـاً تغنـي جـر مسحوبـه وغنـا
وكل مغنى يزعجه غصب يجـي تاليـه ونـه
لاطرته بيـوت قـوم فـي الخلايـا يرفعنـه
دار دولاب الدبـا الدالـوب دولابـه وزنــه
كل مابرقٍ سرى شرقٍ صـدوق الغيـث شنـا
كن قلبـه فـوق سبـق طيـور بـر شطرنـه
عقـب مـده جـاه مـن داره نذيـرٍ مرثعنـا
قـال انـا جيتـك بعلـمٍ والله إنـه والله إنـه
حرمتك ماتت لها عشر سنـوات قـد مضنـا
والبنيّه معمـسٍ تقـرع عليـك اقـراع شنـه
عمهـا عزربهـا فـي وسـط بيتـه ماتهنـا
خادمـة نسوانـه الثنتيـن واللـي ضيفـنـه
ثم زوجها لابـو سبعيـن عـام مـا انقصنـا
شايب يطرب خفوقـه لاسمـع للقـرش رنـه
يوم سمع هروجهم فاضـت عيونـه وازحرنـا
وسط سجنه كنه اللي ساكـنٍ لـه فـي مجنـه
قال ياربعي افزعوا لي مـن سجـونٍ غيضنـا
قبر قلبـي الدمـدم اغـادي يديكـم يظهرنـه
قالوا انا وش لنـا انـا والله انـا مـا شحنـا
غير بنتـك والامثلـك مابقربـه قـرب جنـه
وانتحـوا وعيـون قايدهـم جنـوب خايلـنـا
وهو ورا سجنـه عيونـه كـل نجـمٍ خايلنـه
وعقب عام من مجي ربعه وسنٍ عـض سنـا
اعفوا الكفار عنـه مـن عقـب سـودٍ دهنـه
يوم فكوا قيـد رجلـه وانطلـق خاطـره منـا
وانفلت يبغى ديـار مـن ورا نجـد اشحننـه
حـث ساقـه مايشـوف الا بنيتـه يـوم قنـا
من عقب عشرين عام في وطن قـومٍ مصنـه
من ردي حظه نهار اغظـن عيونـه وارقدنـا
فز من نومه عقب عضـه حنـش داب بسنـه
ومن اثر سم الحنش يونس ضلوعـه يطبخنـا
وطاح عزي لواحـدٍ سـود الافاعـي طيحنـه
يـوم هـو فكـر إلـى فوقـه نجـومٍ يبرقنـا
وشاف بكيت بنتـه اللـي جـا يبيهـا بينهنـه
قال يانجوم السماء تكفين روحي صوب اهلنـا
علمي بنتي عن اللي صـاب ابوهـا واستسنـه
اشهـد إنـا مـا بحلنـا بالليالـي اشهـد إنـا
مير حظي خانني ثم مـات مابـه مـن يقنـه
ذاك وجده وجد حالي في وطنـا مـن عطنـا
من هنوف خدرهـا بيـض الهنـادي يحتمنـه

[شموخ أنثى .ღ.}]

اطلق اربع عقبها اربع ثم سمع صـوت يونـا
واثرها امه صابها طلقه وطـار العقـل منـه
واتهمـوه بذبحـة امـه ليلـة العيـد وتجنـا

قصيدة جزلة

صح لسانك ولسان الشاعر

وتسلم يالغلا
دمت بخير

[السنافي]

صح لسان الفراعنه

ومجاراة ما فيها كلام ..

تسلم يالشمالي واللي نقل القصيده الاولي يا عذابي أعتقد ..

دام حضورك الطيب ..

[الشمالي]

اطلق اربع عقبها اربع ثم سمع صـوت يونـا
واثرها امه صابها طلقه وطـار العقـل منـه
واتهمـوه بذبحـة امـه ليلـة العيـد وتجنـا
قصيدة جزلة
صح لسانك ولسان الشاعر
وتسلم يالغلا
دمت بخير

تسلم يمينك ياشموخ انثى على المرورالعذب عافاك الله

[الشمالي]

صح لسان الفراعنه
ومجاراة ما فيها كلام ..
تسلم يالشمالي واللي نقل القصيده الاولي يا عذابي أعتقد ..
دام حضورك الطيب ..

صح بدنك يابوعبدالله على المرور الله يعافيك ومشكور على التنبيه صحيح المجاراه كانت للقصيده الاولى طرحت من قبل الاخ ياعذابي

[ياعذابي]

هذه من أجمل القصائد التي كانت مجاراة لقصيدة خالد بن مدعث الدوسري التي نقلها اخي غلا الكون
للشاعر الرائع ناصر الفراعنه


سلمت يمينك يالشمالي ع النقل

وصح لسان الفراعنه

بس ياليت قريت الأسم قبل بحق هذي تخليني بنيه مهيب منكـ

ومجارات رائعه من الشاعرالفراعنه لشاعر الدوسري

وبيض الله وجهك ع القصيده

تحياتي الحاره لشخصكم

[الشمالي]

سلمت يمينك يالشمالي ع النقل
وصح لسان الفراعنه
بس ياليت قريت الأسم قبل بحق هذي تخليني بنيه مهيب منكـ
ومجارات رائعه من الشاعرالفراعنه لشاعر الدوسري
وبيض الله وجهك ع القصيده
تحياتي الحاره لشخصكم

يعطيك العافيه ياعذابي على هالزياره الشيقه ونئسف على هذا الخطاء ومن ناحيت الحق ابشر بالحق ياخوي ياعذابي