الله حسيبك دامك اقفيت عني...خليتني بين الرجا والقطيعه

[المدرس]

قصيده للشاعر حمد الفارس اتمنى تنال اعجابكم
...........................
الله حسيبك دامك اقفيت عني...خليتني بين الرجا والقطيعه

في غيبتك كثر الهموم اتعبني... اقبل نصيف القلب واقفا ربيعه

ذوبة شوقي لك وخيبة ظني...يامرك قلبك بالفراق وتطيعه

انكان قصدك بالغلا تمتحني...قلباً شرا حبك علامك تبيعه

وشلون نفسك طاعتك بالتجني...وحبك حفظته مثل حفظ الوديعه

تركتني والذكريات اذبحني...خليتني حزر المشاعر طبيعه

هجرتني واقفيت وشجاك مني...ماشوف لك شياً تحطه ذريعه

من رحت لحظات الفرح ودعني...من سبتك ظاقت علي الوسيعه

قلبي من اسبابك صويباُ يوني...يكفخ وتردعه الظلوع المنيعه

حتى عيوني من سببك اوجعني...اسهر وكني طايحاً في فجيعه

دايم اخيلك في دروب اوهمني...مثل السراب الي تباعد لميعه

ما غير افكر والهموم اشغلني...خليت قلبي في تعاسه وظيعه

متى العيون بشوفتك يفرحني...وترتاح نفساً من فراقك وجيعه

[صادق المشاعر]

القصيدة فعلاً جيدة جداً


وشكررررررا لك يا المدرس على هذه القصائد الرائعة


ونتمنى المزيد

[راعي الرايــــه]

قلت لك كلك ذوق

ياذوق يعطيك ربي الف عافيه


تسلم والله لايحرمنا من أختيارك وجديدك ،،،

[نقا هشال]

صح لسانك ولاهنت

قصدة رائعه

[بنـ الشيوخ ــت]

صح لسانك

واختيارك يهبل


كلك ذوووق يا ذووووق


;)بنـ الشيوخ ــت;)

[المدرس]

اشكر الجميع واذوق من أهل الذوق


وكلكم ذوق


أخوكم المدرس