مشاهدة النسخة كاملة : من المسئول عن ارواح الابرياء
المتحـ2007ـد
10 / 09 / 2007, 50 : 02 PM
اعضاء وزوار منتدى تمير الكرام
السلام عليكم ورحمة الله وبركاته..
بالامس على طريق تميريه والقادم من الخط السريع تفاجئت بوجود عدد كبير من الجمال السائبه المهمله واللتي لا والي لها الا الله سبحانه فمن المسئول عنها مع العلم انه تم ابلاغ الشرطه ولم يحركوا ساكن وخط هاتف البلديه مشغول لمدة ساعه..
احد المواطنين قام بطرد الابل وابعادها عن الخط وذلك لخطورتها على مرتادي مدينة تمير..
http://www.m5awitumair.com/up/folder1/tumair_3Gu6idSi3A.jpg
http://www.m5awitumair.com/up/folder1/tumair_bALVLJ2U4o.jpg
http://www.m5awitumair.com/up/folder1/tumair_xunRbCSsz6.jpg
من المسئول عن ارواح الابرياء
L O R D
10 / 09 / 2007, 15 : 03 PM
لاحـــول ولا قـــوة إلا بالله
وش هالبعاريين الله يكفينا شرهن
يارجال ماحولك احد والله ودك تصدم البعاريين
المستشــــار
10 / 09 / 2007, 32 : 05 PM
حسبنا الله ونعم الوكيل
انا الله من مره شفتهن نفس الموقع بس مامعي كاميرا
مشكور المتحد لاهتمامك باروح المواطنين
توأم الجود
10 / 09 / 2007, 34 : 05 PM
يجتمع الاهمال ؛ من
صاحب الابل
الشرطة
البلدية
و الحق ان المواطنين هم من يقومون بطردها ؛ و للاسف ان ارواح الابرياء تذهب بسبب اهمال يمكن تداركه
(( لا حياة لمن تنادي ))
اخوي المتحد ؛
بارك الله فيك و في جهودك و دائما تلامس مواضيعك هموم المواطنين ؛ فجزاك الله عنا كل خير و بارك فيك
تحياتي
ابو مشعل
10 / 09 / 2007, 11 : 06 PM
اخوي المتحد تشكر على هذا الحرص على ارواح الابرياء
ودايم هذه الجمال تمر بهالشارع ولم يحرك ساكنا
اين المسؤولين من هذه الجمال او لازم يموت احد عشان يعمل اللازم
نرجوا من المسؤولين ان يسارعوا الى البحث عن حل او معاقبه صاحب الابل
لكي يهتم بابله السايبه في الشوارع وعدم تجاهل ذالك
يعطيك العافيه اخوي المتحد
الطيار
10 / 09 / 2007, 15 : 06 PM
سلام
وش ذا
صاحب الابل غير مبالى , والشرطه مالها اي دور
لاحول و لا قوة الا بالله
لازم يصدم احد و يموت عشان تتدخل الجهات الامنيه .....
شاكرا لك على النقل
الطيــــــــــــــار
ابوتركيT
10 / 09 / 2007, 24 : 06 PM
مانقول
((حسبنا الله والنعم الوكيل)) ومشكور أخوي على الموضع المتحدد المهم
قلب الاسد
10 / 09 / 2007, 56 : 06 PM
http://www.m5awitumair.com/up/folder1/tumair_3Gu6idSi3A.jpg
ماشاء الله ((سفينة الصحراء))
تتطورت وصارت تمشي على الزفلت ...
والمسئوليه بالدرجه الأولى تقع على صاحب هذه الإبل (المزايين)
الذي تركها تسرح وتمرح دون رقيب ...
والمفروض تكون هناك جهه حكوميه مسئوله تقوم بمصادرتها نهائيا
ومعاقبة صاحبها بدفع غرامه وقدرها ... !!
فغياب الأنظمه الرادعه والصارمه هي ماجعلت أصحاب هذه الإبل
يتمادون في تركها بهذه الطريقه ..
ايضا نحن لنا دور في ذلك فعندما تصادفنا في أي طريق كان علينا القيام
بإبعادها عن الطريق قدر المستطاع ...
وإبلاغ الجهات الأمنيه التي لها علاقه مباشره بالطرقات لتفادي الأخطار
المحتمل حدوثها ..!!!
فالبلدية ليس لها علاقه بمتابعة تلك التجاوزات ...!!!
إذن المثلث المسئول عن أرواح الأبرياء هم :
(صاحب الأبل ) و ( نحن الأشخاص) و( الجهات الأمنيه )
هذا مالدي وأشكر لك يالمتحد حرصك على سلامة المواطنين ...!!!
تؤام الروح
10 / 09 / 2007, 50 : 07 PM
انشاء الله تشوفها في الحواري
هههههههههههههههههههههههههههه
أبوســعدون
10 / 09 / 2007, 51 : 07 PM
هههههههههههه
اووول مره
اشوف ابل
تسرح
في الشاااااااااارع
انا اضن انا راعي الابل هو المسئووووول!!
هتلر تميم
10 / 09 / 2007, 33 : 08 PM
شي جميل يرجع الماضي ومعه المأأأأأسي....
راعي وش ذا الأهماااااااااااااااااال بلدية الله بالخير شوفوا الشوارع خربوها وراحوااا؟؟؟وين المسؤؤؤلين؟؟؟؟وين ...؟؟؟؟ووين؟؟......
ابواسامه السلوم
10 / 09 / 2007, 49 : 08 PM
ماهي اول مرة عدة مرات نراها تتفنجل على طريق تميرية ولاعندك احد
المتحـ2007ـد
10 / 09 / 2007, 54 : 08 PM
مشكور على مروركم وتعليقاتكم والمفروض البلديه تصادرهن وتغرم صاحبها لكن تلفون البلديه مشغول الى الساعه 2 الظهر والشرطه تقول ارسلنا فرقه بس مدري وين راحت الفرقه ...
حسبنا الله ونعم الوكيل على اللي تهون عليه ارواح الناس
ZAMAN
10 / 09 / 2007, 37 : 11 PM
في البداية اشكرك اخي المتحد على حرصك الدؤوب على مدينتك وعلى سلامة من يسكنها ويزورها
واللوم كما قال اخي تؤأم الجود يقع على المالك والراعي أن وجد وعلى الشرطة وعلى البلدية
Bluetooth
11 / 09 / 2007, 16 : 05 PM
لا وازيدك من الشعر بيت اخوي المتحد طريق الثنيه وانت رايح لعشيره
كله بعارين سايبه تسرح في الطريق وانت خابر الطريق كله نزلات وطلعات !
وخطرررررر مررررره .
الوضع ماينسكت عليه وانا اشوف المسؤلية تقع على الامير نفسه لازم يتحرك وينبه ملاك الابل بالابتعاد عن الطرق والا سوف تصادر .
وانا اعرف ان فيه قرار من امارة الرياض بمصادرة الابل السائبه وبيعها بعد فترة اذا لم يراجع صاحبها حتى يدفع الغرامه .
لازم يشوفون لها حل قبل لا يطيح الفاس في الراس
مشكووور اخوي المتحد على اهتمامك
السفاح
12 / 09 / 2007, 34 : 01 AM
ودك تحط لها عشب نخااااااااااله
علشاااان تموت وتريحنا
قلب الاسد
12 / 09 / 2007, 48 : 01 AM
ودك تحط لها عشب نخااااااااااله
علشاااان تموت وتريحنا
حلوه يالسفاح ... تصدق انك سفاح على أسمك ..
بس اذا عطيناها نخاله أخاف تموت في نفس الخط ..
عاد يالله دور لك أحد يشيلها ... !!!
وكنك يابو زيد ماغزيت ..!!
عاشق ديرتي
12 / 09 / 2007, 11 : 12 PM
تسلم يمينك يالمتحد على اللي سويته من خلال نشرك لهذه الصور
لكي تكون الدليل الوحيد الذي يمكن للواحد ان يحاج به قدام اي دائره
حكومية والله العظيم انها كم مرررره تصير لي وانا احوشها إلين تتعدى
حق الدجاج وش اسوي غير كذا تلقاها متوزيه بين الشجر وفجأة تطب عليك
ويصير شي مالاتحمد عقباه وين اهلها ؟ الله اعلم ،،، وين البلدية ؟ نفس الموال
الله اعلم ،،، وين الشرطه ؟ كمان الله اعلم ........ إذا من نشتكي له إذا كان هؤلاء
لم يعطوها اي بال لهم ويعتبر لديهم انه عاااااادي لماذاااا؟ سؤال يطرح نفسه من زمان ........ ايضاً ازودك من الشعر بيت مدخال تمير من جهة عشيرة اذكره انه فيه
ثمانية بعارين والان اصبحت خمسة ثلاث راحت كلها في حوادث من اعيان تمير وكل يوم وانا راج من الشغل القاها قدامي في الطريق يايمين او يسار واذكر ذيك الايام انه
تجي البلدية وتاخذها وتحطها عندها بالمسلخ إلين يجي راعيها وبعدها يتخذون معه الاجراءات المعروفه لكن الان مأدري ليش المماطله إلى هالحد ....... شي غريب يحدث من حولنا وهو خطر علينا لكن في النهاية يكون السؤال :
من المسؤول عنها ؟ ولماذا لم يتم اخذها لتفادي الحوادث المرورية لاقدر الله ؟
المتحـ2007ـد
12 / 09 / 2007, 55 : 12 PM
مشكور على مروركم ومداخلاتكم وتعليقاتكم والمشكله البعارين لواحد من المناع ومعروف باهمال بعارينه لكن وين البلديه عن مثل هذه الامور ومثل ما قال احد الاعضاء ما يتحركون الا اذا مات واحد من سبتها والله لا يجيب ذاك اليوم
المهند
14 / 09 / 2007, 19 : 11 PM
أخوي المتحد بالنسبة للصورة الأولى لاتفهم غلط هذه الابل الظاهر أنها من إبل العقيلات حقت القصيم مارة مدينتنا ولنا حق لنكرمها وهو ما نراه في الصورة الثانية والثالثة...
والله ما ندري وش نلاحق البعارين في مزارعنا وإلا اللي في الشارع...
وبعدين مسألة إبعادهن لاتسأل عنه الشرطة أو البلدية وإنما اللوم على دوريات المجاهدين في التنهات أو في نورة..
شكراً لاهتمامك..
محمد بن حمد
15 / 09 / 2007, 23 : 01 AM
مشكور يـ المتحد والله يعطيك العافيه
ولكن لاحياة لمن تنادي
مهند2000
15 / 09 / 2007, 50 : 02 PM
مشكووور اخوي الغالي الله يعافيك
ولكن لاحياة لمن تنادي
ولكن لاحياة لمن تنادي
ولكن لاحياة لمن تنادي
الدنيا عجايب
15 / 09 / 2007, 33 : 10 PM
الله يخاااااااااااااااااااااااارجنا من هالبعااااااااااااارين ومشااااااااااااكلها في هلخطوط والله يعين الضحيه الي يجي مسرع على الخط ولاينتبه لها السفن الصحراويه
وراء ما كل واحد منا يااااخذ له راس منها ويوديه للاستراحه عندهم ويذكونه
صاااااااحبها مهملها ومايدري عنها
لكن ان دراء انه اذا تركها بتنوخذ والله مايفارقها دقيقه وحده
L O R D
15 / 09 / 2007, 10 : 11 PM
والله انـــك صادق اخوووي المتحد
امس انا رايــح الرياض بعد التراويـــح واتفجأء ببعير الله لايوريــك
والله شــوي بغيت أطير كراعينــه ربــك ستر واللي مر هنــاك امس الليل بعد
التراويــح اكــيد راح يكون شايفهن.
المتحـ2007ـد
15 / 09 / 2007, 31 : 11 PM
مشكور على مروركم جميعاً .. ويا ليتك علمتني يا نجم تمير او على الاقل صورتها ونزلتها هنا لكن الجايات اكثر