تعالوا نتذكر اول يوم في الدراسة والمواقف اللي حصلت لكم؟؟

[زمن]

السلام عليكم ورحمه الله وبركاته

تحية طيبة :

وانا جالس ادوج في منتديات (تمير) مدري وش اللي جاني من شطحات مالها داعي وجلست اتذكر ايام الدراسة ((صح باقي على الدراسة يومين وبصراحة انا متعقد من الدراسة لسبب واحد هو ان زحمة الرياض بتزيد ووصولي للعمل بيكون متعب وشاق))... مالكم في زود الكلام...

الموضوع وما فيه ... وبما ان الدراسة صارت على الابواب... ابيكم تعيدون شريط الذكريات للوراء وتذكرون معي اول يوم في دراستك هل تذكره وش اللي حصل لك؟ ويا ليت تذكرون المواقف اللي حصلت لكم سواء في اول يوم دراسي او مواقف اخرى تذكرها خلال الدراسة بشكل عام؟؟

فالمجال مفتوح للجميع... وترى البساط احمدي... اخذوا راحتكم...

تقبلو اتحياتي،،،

[المستشــــار]

الصررررررررراحه ما اتذكر الا اول اسبوع كله عصيرات وبساكيت وحلاو



مشكوررررررر على الموضووووووووووع

[توأم الجود]

والله يالغالي اني عجزت ابي اتذكر ( اول يوم ) و ماذكرته ؛

لكني اتذكر مواقف كثيرة تصير ( تفشل والله و مالها سنع ) منها مثلا ( الثياب كل المدرسة اي كلام تقريبا )

بعد ؛؛؛؛

في ثالث ابتدائي كل يوم ( في الادارة ) و السبب اننا مانكتب القطعه اللي يكلفنا فيها المدرس ( يقول اكتبوها خمس مرات احداهن بالتنوين ) و على طاري التنوين تراني خلصت الابتدائية و انا احسبه يقول ( التلوين )

مشكور يالغالي

تحياتي

[ابو سالم]

اول يوم اتعب وامر يوم كان علي,لاني اول مدرسة كانت في الدمام
وما اعرف حد,فحسيتبغربة وكل اليوم وانا ابكي ,بكره جامعة وودي ابكي وابكي وابكي

[بسمة]

هههههههه

موضوع حلوووو

راح اذكر المواقف اللي تذكرتها

في اول سنة لي فاتني شهر من الدراسة بسبب عدم قبولي في الابتدائية لصغر سني..وماجت الواسطة الا بعد شهر والناس خلصوا حفلاتهم...

الموقف اللي يضحك في يوم من الايام وكان اااخر يوم من الاختبارات النهائيه
وكنا مسوين حفلة انا وصديقاتي وانا كنت بجيب تورته
وصيت اهلي ونمت ولما صحيت الصباح لقيتهم جايبين لي قاتوهات صغيره
سويت اضراب ماراح اروح للاختبار
وبالفعل جلست وامي تحااول واخوي يحااول وانا مااافيه معننننده مابي اروح يعني ماابي

وبالاخير وبعد صيااح وبكى رحت ومعي القاتوهات ومعي مية ريال

والمفاجأة يوم جيت انزل من السيارة وعند باب المدرسه طاحت مني القاتوهات بس اشوى ما طاح شي ع الارض ^_^

وحياااتي كلها مواقف مضحكة اذا ذكرت شي برجع اقوله..

----------

مشكوور اخوي ع الموضوع الحلو..

[ZAMAN]

اخي الكريم - احب ان اقدم لك جزيل الشكر


على موضوعك وللجميع العرفان على التفاعل وسوف اشارككم اول يوم

دراسي


كنت في السادس ابتدائي ولي اخ في بداية الدراسة الصف الاول لكن من

الدلع انه جلسني معه طوال اليوم علشان انه خايف ,,



والحمدلله عدة على خير

[الضامي]

المدرس ( يقول اكتبوها خمس مرات احداهن بالتنوين ) و على طاري التنوين تراني خلصت الابتدائية و انا احسبه يقول ( التلوين )


هههههههههههه

الله يقطع شيطانك ياتوأم الجود
ههههههههههههههههههه

[زمن]

http://www.m5zn.com/uploads/af991491e6.gif

[L O R D]

ههههههههههههههههه

امــا اللذ اذكــرة اني كنت أغيب اول يوميين

وماكنت اجي للمدرسة إلا لما احلــق هع هع << ضامن مهنا كتــب هههـاي


وبــس

والله اللي كنت اذكــر بعد ان اغلــب دراستي لعب في لعب

بالعربي زاحــــــــــــف


مشــكورة

[زمن]

اكيد لك واسطه في المدرسه يانجم تمير

http://www.m5zn.com/uploads/af991491e6.gif

[السنافي]

هل هذا الموضوع مكانه الحوار والنقد !!!!!!!

[ZAMAN]

اخوي السنافي / نقدك في محله ..

وقد كان ببالي ذلك .. لولا ان بدايتي في الاشراف جديدة لذكرت ذلك ولكن

منعتني البداية ان تكون لينه لا جافة .

سرني تواصلك اخي العزيز

[قلب الاسد]

اول يوم دراسي كان بالنسبة لي زي الكابوس ...
تقولون لي ليش أقول لكم ...
بدايتها كانت أيام التسجيل عندما دخلت أنا ووالدي على مدير المدرسه
سمعت أحد أولياء الأمور يقول لأحد المدرسين ...
((لكم اللحم ولنا العظم )) ... قلت في نفسي الله يستر ..
والمشكله هالكلمه تتكرر أكثر من مره ...
تخيلت نفسي اني في مصلخ ولست في مدرسه ...
واللي زاد من خوفي .. هالمدرسين اللي معه (لي) واللي معه (خيزرانه)
واللي معه (خشبه )فيها كم مسمار مصدي ..
وانت ماشي تقول داخل حرب ..
المهم :
وقعدت أتخيل وشلون ابروح للبيت وانا هيكل عظمي ..
قلت مالك ومال المشاكل خلك مؤدب ولاتعطيهم فرصه
ياخذون من لحمك ..
والحمد لله عدت ايام الرعب على خير ..
وسلامتكم ...
ماأدري أحساسي يقول انكم قلبتوا ساحة الحوار الى ترفيه ..!!!

[شموخ أنثى .ღ.}]

في ثالث ابتدائي كل يوم ( في الادارة ) و السبب اننا مانكتب القطعه اللي يكلفنا فيها المدرس ( يقول اكتبوها خمس مرات احداهن بالتنوين ) و على طاري التنوين تراني خلصت الابتدائية و انا احسبه يقول ( التلوين )
ههههههههههههههههههههههههه

والله شئ انت ههههههههههههههههه


((لكم اللحم ولنا العظم )) ... قلت في نفسي الله يستر ..

صااار اضطهاااد هذا هههههههههههههههه مو دراااسة

..
عن نفسي امممممممممممم عادي كنت فرحااانة لاني بدرررس

[شموخ أنثى .ღ.}]

هل هذا الموضوع مكانه الحوار والنقد !!!!!!!
عاااااااااااااااااادي اخوووي السنااافي

مع زمن بتشوووف العجب ههههههههههههههههه

[غلا الكون]

بالنسبة لي انا اول يوم بالدراسة كنت ميته خووووووووف ومتمسكه باختي تدرون من ويش خايفه ! من المدرسات المصريات اشكالهم عندي تخوف تعرفون أجسامهم ماشاءلله واول مره اشوف مصريات :29:ويالله انسجمت يازين ذيك الايام 0000

[دكتور القاهرة]

مشاركه طيبة جزاك الله خيراااااااااااااااااا

[قمر]

بصرااااااحه اذكر اول مادخلت الابتدائيه كان عمري 5 سنين
ودايما اصيح لان اللي معي اشكالهم اكبر مني واخاف منهم

هذا اللي اذكره في الصغر
اما الجامعه<<<الله يقطعها ومن يدرس فيها
اول يوم ادخله حشا كني رايحه عررررررررررررس
موقف مضحك صار معي
طبعا اول مارحت ما ادل اماكن القاعات وعجزت احفظ ارقام المباني
المهم انه من اليوم الثاني رحت ادور مكان القاعه ودخلت ويوم دخلت
الا اشكال البنات غير قلت في نفسي مابعد جو بنات امس
وقامت الدكتوره تقرا الاسامي الا اسمي
يوم خلصت قلتلها لاحظو>>>>>>>>أبــــــــــــــــله 00طبعا مع الروعه
ماقلتي اسمي قالتلي انتي اي مستوى قلت الاول
قالت حبيبتي هذولي بنات المستوى الثامن يعني اخر سنه
وضحكوووووووووعلي كل اللي في القاعه
كـــــــــــــــــان اشين يوم مر علي في الجامعه الخايسه000000

[شموخ أنثى .ღ.}]

هههههههههههههههههههههههههههههههههههه قمر

[غلا الكون]

وبالنسبه لي في الكلية اول مادخلت كان نفسي اشوف العميدة مدري متخيلتها شي وكنت جالسه بالقاعة واشوف وحده دخلت وكانت ماشاءالله طول وعرض واقفه عند الباب حسبتها العميدة وماتحركت من مكاني ولاطلعت من القاعة يقالك مؤدبة وقلبي يفرك ودي انحاش من المحاضره تراني( راعية نحشات) ووبالأخر جلست معنا وصارت طالبه مالت حرمت نفسي من سعة الصدر وبالاخر تصير مو العميدة وهالموقف مانساه0000