وينكم يامحبين الشعرالله لايهينكم الي يعرف تكملت القصيده

[الشمالي]

قالـوا ندور لــك مــن البيــض حليـــاه *** قلت آه لـو غيـره بكفـي رميتـه
قالوا تـــزوج كـــود تدلــــه وتنســــاة *** قلت آه لو خذت أربـعٍ مـا نسيتـه
قالوا من أقصى الناس وين أنت وياه *** قلت آه ما أنسا يوم جانـي وجيتـه

[المتحـ2007ـد]

ياالله يااللى تسجد الناس لرضاه=يا وامرٍ خلقه على حج بيته
تفرج لمن سدّه على الناس ما ابداه=راضي على مقسومك اللى عطيته
من شي يسلّ الحال والجسم يبراه=والناس ما يشفونه ان ما شفيته
قلت آه واجرحاه من علتي آه=وان حمّلوني حمل غيٍ قويته
قالوا سفا بالحال ويش اللى اغواه=قلت آ ه ويش المنكر اللى وطيته
قالوا جهلت وبان علمـك لمنهاه=قلت آه علمى يا ملا ما كميته
قالوا طلبنا لك من الله معافاه=قلت آه وحّدته وعفوه رجيته
قالوا هله واحباب عينه نـصحناه=قلت آه هذا واردٍ ما بغيته
قالوا ندوّر لك من البِيض حلياه=قلت آه لو غيره بكفى رميته
قالوا نشاش العُود مالك بلاماه=قلت آه عُود الموز بيدي لويته
قالوا تزوّج كود تدله وتنساه=قلت آه لو خذت اربعٍ ما نسيته
قالوا من اقصى الناس وين انت وياه=قلت آه ما انسى يوم جانى وجيته
قالوا نشوفه عند هذا وهذاه=قلت آه عمره ماعقب حج بيته
قالوا عليلٍ ناقلٍ داه برداه=قلت آه باقرابي وروحي فديـته
قالوا نشير ولا نفع ما حكيناه=قلت آه هرّاج النمايم عصيته
قالوا كثر شيبك وقلبك بعمياه=قلت آه لو قلبى غريرٍ نهيته
مطاوعٍ قلبى بعجفاه وقداه=والى عطى منهاج دربٍ عطيته
ياناس خلـّوا كل وادي ومجراه=قلتوا كثير وقولكم ما لقيته


الشاعر عبدالله بن سبيل رحمه الله

[الشمالي]

يسلموا ماشأالله عليك ياخوي المتحد رد سريع ولك الشكر