اول وانا ما أشري بحبك ولا ابيع .

[شموخ أنثى .ღ.}]

http://www.alsh3r.com/tmp.php?action=vpoet&id=5

اول وانا ما أشري بحبك ولا ابيـع
واليـوم بـأول سـوم والله لبيعـه
عقب إنتشالك لي بروس الأصابـع
رميتنـي بيـن الرجـا والقطيعـه
ذوقتني الحرمـان سبعـة أسابيـع
وأشقيت نفسٍ لك مطيعـه مريعـه
ايام صفو الحب تامر وانـا اطيـع
واليوم لأمرك والله إنـي مااطيعـه
لاتحسب إني عقب فرقاك أبا اضيع
البيض واجد وارض ربي وسيعـه
سبّعت قلبي مـن محبتـك تسبيـع
واقفيت عنـك وسـو ماتستطيعـه
خذ راحتك يامصنّع الحب تصنيـع
مادام نقض العهد عنـدك طبيعـه
من لا على صهوة جواده مصاريع
خطرٍ يطيح ومثل هـذي هزيعـه
مزّعت صورة ماضي الحب تمزيع
وانوي على تكوين صورة فضيعـه
مع من جبينه مثل نور الشعاشيـع
وإلا كمـا بـرقٍ تزايـد لميـعـه
الصاحب اللي لأمري مطيع وامريع
من شان حبي كـل غالـي يبيعـه
احمد الناصر الشايع

[السنافي]

http://www.alsh3r.com/tmp.php?action=vpoet&id=5
اول وانا
لاتحسب إني عقب فرقاك أبا اضيع
البيض واجد وارض ربي وسيعـه




صح لسانك وعلا شانك يابو محمد ..

لا نملك سوا أن نقف أحترامك لك ولشعرك ...

يعطيك العافيه يا شموخ ..

[شموخ أنثى .ღ.}]

ياهلا وغلا منور
شكراً لتعطيرك صفحتي
لاتحرمني تواجد
ك

[أبوســعدون]

اول وانا ما أشري بحبك ولا ابيـع
واليـوم بـأول سـوم والله لبيعـه

مشكورررررررررررررررررررررررررررررررررررررررررة
اختي على القصيدة الرائعة

[شموخ أنثى .ღ.}]

ياهلا وغلا منور
شكراً لتعطيرك صفحتي
لاتحرمني تواجد
ك