المساعد الشخصي الرقمي

مشاهدة النسخة كاملة : كثرة اللوحات في تمير .. وش الداعي ؟؟؟


Bluetooth
14 / 08 / 2007, 42 : 01 AM
السلام عليكم ورحمة الله وبركاته :
الي يزور تمير هالايام يستغرب كثرة اللوحات الارشادية فيها !!! وش داعي هذا كله ؟؟؟ هل هو تطور ؟؟ لو صرفت الاموال على شي مفيد وافضل مهوب احسن ؟؟؟ الي يتمشى في الديرة يستغرب كثرتها بهذا الشكل المبالغ فيه صراحه .
ما بقى الا البيوت يحطون فيها لوحات !!! تخيلو شارع طوله 15 متر تلقى فيه 3 - 4 لوحات !!!

والي انا مستغربه ها المسميات العجيبه فيه شارع اسمه ( شارع التجغيف )
وش المعنى ؟؟؟

الله يوفق الجميع وبس ,,,,,,

أبوســعدون
14 / 08 / 2007, 08 : 02 AM
مشكوررررررررررررررررررررررررررررررررررر اخوي على الموضوع
بس وجه نظري يمكن يخافون الناس القادمة للزيارة المنطقة ما يدلون فيها بسبب التطور الذي تشاهده ؟؟؟؟؟؟؟؟؟؟؟؟؟؟؟؟؟؟؟؟؟؟
ما اقول الا الحمد لله على العقل

الطيار
14 / 08 / 2007, 59 : 02 AM
ايش



شارع ( التجغيف )



حلوه ذي






http://img412.imageshack.us/img412/9379/13284502rg0.gif

فريق عبودي
14 / 08 / 2007, 28 : 04 AM
انا معك اخوي فيما ذكرت
لوحات منتشرة بشكل مزعج وغريب
شي يفشل .. وكنهم اللي ما صدقوا خبر يحطونها
اما عن شارع ( التجغيف ) ... اسم غريب
لكن ارجع لاصل هذه الكلمه في اللغه العربيه وتعرف معناها
الاكيد انهم ما بيحطون اسم كذا بدون ما يكون له معنى
ربما الكثير يجهله ...
اختيار اسماء مألوفه للناس وسهله افضل
لكن انا اشوف انه من كثرة هاللوحات ما عاد لقوا اسم
القادم نبي نلقى اسماء اهل تمير في لوحات !!!!



لك شكري اخوي

هادي
14 / 08 / 2007, 40 : 08 AM
بالنسبه للمسميات الغريبه فهي لاماكن معروفه في تمير

اما لشعيب او روضة او ضلع

انا معك ان بعض الاسماء ماهي جميلة وكان الواجب عدم ذكرها

لكن عاد هذا اللي صار

وفيه مذكرة مقدمها المجلس البلدي بهذا الخصوص



سلام

الدنيا عجايب
14 / 08 / 2007, 49 : 05 PM
بالنسبه لمسميات الشوارع اخوي هذاء مفيد لنا القادمين من خاااااارج المدينه
واعتقد بان هذه المسميات اذا كنتم ياهل المدينه تعرفون شوارعها فان هنااااااااك اناس مثلنا لايعرفون اسماء الشوارع بداخل المدينه
فهذاء من التطور الحاصل بالمنطقه ونشكر القائمين على ذلك

واشكر لك حرصك الشديد لطرحك مثل هذه المواضيع التي تتحدث عن التطور في المدينه ؟؟

وتقبل مروري هذاء؟؟؟؟؟

المتحـ2007ـد
14 / 08 / 2007, 08 : 06 PM
المفروض كتبوا بدل ماهو شارع فلان في كل الحي يكتبون حي فلان في اربع شوارع رائسيه بكذا يوفرون على الدوله مبالغ ويستفيدون منها ...

بالنسبه لشارع التجغيف المفروض اخوي هادي عارف وش معناه لانه شعيب معروف في تميريه منذ القيدم

قلب الاسد
14 / 08 / 2007, 17 : 06 PM
ياليت اخوي المتحد يتكرم ويجاوبني على هالسؤال
بما انه يعرف معنى هذه الكلمه ...
فياليت يذكر لنا سبب هذه التسميه ... اذا ماكان فيه احراج ...
ومن اسمى هذا الشعيب بشعيب التجغيف ... فلا اعتقد أن اجدادنا قاموا بتسميته بهذا الاسم ... !!!

المتحـ2007ـد
14 / 08 / 2007, 37 : 06 PM
فياليت يذكر لنا سبب هذه التسميه ... اذا ماكان فيه احراج ...والله ما ادري وش سبب التسميه اسئل الشياب
ومن اسمى هذا الشعيب بشعيب التجغيف ... فلا اعتقد أن اجدادنا قاموا بتسميته بهذا الاسم ... !سمي من مبطي وهو بين مزرعة المناع والعثمان ولا هوب شعيب تراه تلعة التجغيف

ZAMAN
15 / 08 / 2007, 12 : 06 PM
اتحدى اي واحد تنشدة عن شارع معين ويعرف وينه فيه

اما لو اقتصرو على الشوارع الكبيرة والحواري الكبيرة ممكن

تلقى المباني في صفة وحدة و امتداد وحد وكم اسم للشوارع
هذا ممر .... وبجانبه على طول شارع باسم اخر

في الرياض امتداد الشارع لو يقطعه شارع رئيسي ما تتغير التسمية

عندك مثلا شارع سلطان بن عبدالعزيز شرق وغرب طريق الملك فهد

يعني المفروض يقللون في التسمية والاسماء

صحيح أنها حضارية ولكن بالمعقول والشي اذا زاد عن حدة انقلب ضدة

شكرا على الموضوع
أخوك ،،

Bluetooth
19 / 08 / 2007, 42 : 03 AM
مشكوررررررررررررررررررررررررررررررررررر اخوي على الموضوع
بس وجه نظري يمكن يخافون الناس القادمة للزيارة المنطقة ما يدلون فيها بسبب التطور الذي تشاهده ؟؟؟؟؟؟؟؟؟؟؟؟؟؟؟؟؟؟؟؟؟؟
ما اقول الا الحمد لله على العقل


هلا انت محبوبي اشكرك على هالرد والمشاركه , لكن اخر سطر مدري وش تقصد فيه ؟ ان شاءالله بس مهوب انا .
بارك الله فيك

Bluetooth
19 / 08 / 2007, 44 : 03 AM
ايش
شارع ( التجغيف )
حلوه ذي
http://img412.imageshack.us/img412/9379/13284502rg0.gif

هلا بالاخ الطيار
اشكرك على المرور والشرطه هههههه اتقشمر معك
خلها على ربك من كثر اللوحات قضت الاسامي
بارك الله فيك

Bluetooth
19 / 08 / 2007, 47 : 03 AM
انا معك اخوي فيما ذكرت
لوحات منتشرة بشكل مزعج وغريب
شي يفشل .. وكنهم اللي ما صدقوا خبر يحطونها
اما عن شارع ( التجغيف ) ... اسم غريب
لكن ارجع لاصل هذه الكلمه في اللغه العربيه وتعرف معناها
الاكيد انهم ما بيحطون اسم كذا بدون ما يكون له معنى
ربما الكثير يجهله ...
اختيار اسماء مألوفه للناس وسهله افضل
لكن انا اشوف انه من كثرة هاللوحات ما عاد لقوا اسم
القادم نبي نلقى اسماء اهل تمير في لوحات !!!!
لك شكري اخوي

مشكوووور على مرورك اخ عبودي وصح لسانك عز الله صدقت شكل اللوحات اصبح مزعج من كثرتها , لكن التجغيف حتى لو كان لها معنى , الافضل ما تكتب اسم شارع !
بارك الله فيك

Bluetooth
19 / 08 / 2007, 52 : 03 AM
بالنسبه للمسميات الغريبه فهي لاماكن معروفه في تمير
اما لشعيب او روضة او ضلع
انا معك ان بعض الاسماء ماهي جميلة وكان الواجب عدم ذكرها
لكن عاد هذا اللي صار
وفيه مذكرة مقدمها المجلس البلدي بهذا الخصوص
سلام

انا معك الاسامي معروفه وكلها اسامي شعبان و اودية مع العلم اني ما استسغت اشوف اسم شارعنا اسم شعيب اشهب الهب !
المفروض اكتفوا باسماء الصحابه رضي الله عنهم .

وبعدين المجلس البلدي ما شفنا منه شي ليومك هذا كل فترة اجتماع في اجتماع ولا شفنا شي على ارض الواقع
بارك الله فيك

توأم الجود
19 / 08 / 2007, 13 : 04 AM
للاسف انه فعلا لا يوجد قناعه تمامه بالاسماء ؛ فبعضها جميل كأسم لكنه ليس في المكان المناسب ؛ و بعضها لا الاسم مقبول و لا المكان مناسب

يعطيك العافيه اخوي بلوتوث على الطرح الرائع

تحياتي

Bluetooth
21 / 08 / 2007, 10 : 03 AM
بالنسبه لمسميات الشوارع اخوي هذاء مفيد لنا القادمين من خاااااارج المدينه
واعتقد بان هذه المسميات اذا كنتم ياهل المدينه تعرفون شوارعها فان هنااااااااك اناس مثلنا لايعرفون اسماء الشوارع بداخل المدينه
فهذاء من التطور الحاصل بالمنطقه ونشكر القائمين على ذلك
واشكر لك حرصك الشديد لطرحك مثل هذه المواضيع التي تتحدث عن التطور في المدينه ؟؟
وتقبل مروري هذاء؟؟؟؟؟


مشكووور على مرورك الكريم اخي الدنيا عجايب , المشكلة في كثرتها بشكل مبالغ فيه ! ولو اكتفوا بالشوارع الرئيسية كان أفضل , بارك الله فيك ,,,,,

Bluetooth
21 / 08 / 2007, 14 : 03 AM
المفروض كتبوا بدل ماهو شارع فلان في كل الحي يكتبون حي فلان في اربع شوارع رائسيه بكذا يوفرون على الدوله مبالغ ويستفيدون منها ...
بالنسبه لشارع التجغيف المفروض اخوي هادي عارف وش معناه لانه شعيب معروف في تميريه منذ القيدم


مشكووور على مرورك يالمتحد , اتفق معك المفروض اللوحات على الشوراع الرئيسية فقط او الاحياء فقط .
وبالنسبة لشارع التجغيف اول مره اسمع انه اسم شعيب ! وراح اتاكد من المعلومة , مشكور وبارك الله فيك ,,,,,

عاشق ديرتي
21 / 08 / 2007, 13 : 01 PM
مشكور يالغالي على الموضوع الرائع .....
بصراحة الواحد مايدري وش يقول عقب اللي يشوفه
حارتنا شارعها عدد اللوحات فيه والله اعلم خمس لوحات
ولا تدري وش المراد منها ، غير كذا اسماء غريبة ايضا لايعرف
مالمراد بها ، شارع العام اللي عند القصابين وانت رايح عشيرة حاطين
شارع الملك فيصل مادري خالد وهو 500 متر او اقل شي عجيب بصراحة
غير كذا حاطين عمدان للوحات التي في وسط البرحات وش معناها بعد هاذي
الواحد يترقب ويشوف وش بتصير نهايتها الله المستعان والله مالقوا شغل ابد

أبوســعدون
21 / 08 / 2007, 21 : 07 PM
هلا انت محبوبي اشكرك على هالرد والمشاركه , لكن اخر سطر مدري وش تقصد فيه ؟ ان شاءالله بس مهوب انا .
بارك الله فيك


وش دعوة اخوي
انا اقصد اللي حاط اللوحات وباز بها في تمير

ولو حطها في شي غيرة كان اصرف

ملك روما
22 / 08 / 2007, 00 : 02 AM
الأخوان في البلدية أجتهدو ويستحقون الشكر على جهودهم ..لكن هذا ما يمنع أن نطرح رأينا في الموضوع بكل شفافية ..

أتفق مع الأخوان أن هناك مبالغة وكثافة في وضع اللوحات الأرشادية ..بشكل غير معقول ..!!

فعندما يأتي الزائر ويشاهد هذه اللوحات بهذا الشكل يخيل له أنه في
(( بكين )) وليس في (( تمير )) ..!!

شارع 200 متر تجد فيه 4 – 5 لوحات ومسميات للشارع وللحي !! لماذا كل هذا ؟؟

حتى المسميات لا يوجد تناسق في وضعها ...تخيل مثلا" عندما تصف منزلك لشخص ما ...(( شارع عمر بن الخطاب تقاطع أم الارشه )) ..!!!

الغريب والعجيب في الموضوع ..أن جهاز حكومي مثل البلدية مبنى كبير و واضح وعلى شارع عام ومع ذلك لا تخلو لوحة من ذكر البلدية وموقع مقرها ..!!!
وفي المقابل دائرة مثل شركة الكهرباء لا يوجد ما يدل على موقعها !!!

عموما" لا يخلو أي عمل من الأخطاء وهذا شي وارد ..ومثل ما هناك أخطاء أيضا".. هناك نجاح وتميز .

تحياتي وتقديري ..

قلب الاسد
24 / 08 / 2007, 06 : 02 AM
هي جت على اللوحات ... جا اللي أفنع منها ...
وهي ترقيم البيوت أي كلام ...
يعني مثلا بيتنا رقمه 4 تلقى البيت اللي بعده على طول رقمه 7 ... واللي قبل بيتنا رقمه 6
والظاهر أن ترقيم البيوت تم بالسحب ... أسوة بسحب الاراضي ..
ومانقول الا ياقلب لاتحزن ..!!!

ALJAWAL
24 / 08 / 2007, 12 : 02 AM
والله ما عرفنا لكم ان رقمو بيوتكم زعلتو وان سمو شوارعكم زعلتوا بعد
وش تبونهم يسون لكم ؟؟؟؟
بعدين تعال وش دخلك في رقم جارك وش يصير ؟؟؟؟ انشاءاالله 200
اهم ما عليك رقم بيتكم احفظة وبس

رضى الناس غاية لا تدرك

قلب الاسد
25 / 08 / 2007, 40 : 03 PM
والله ما عرفنا لكم ان رقمو بيوتكم زعلتو وان سمو شوارعكم زعلتوا بعد
وش تبونهم يسون لكم ؟؟؟؟
بعدين تعال وش دخلك في رقم جارك وش يصير ؟؟؟؟ انشاءاالله 200
اهم ما عليك رقم بيتكم احفظة وبس
رضى الناس غاية لا تدرك
أخوي الجوال أنا هنا أبدي رأيي لصاحب الموضوع ...!!!!
أما بالنسبه لجاري فانا واياه متفاهمين بدون تدخلاتك يافزعه ...!!!
الا اذا كنت جاري وانا ماأدري فهذا شئ ثاني ..!!!
وإذا صرت متعود على الفوضى مهوب ذنبي وأنا أخوك... !!
واذا كنت فرحان برقم بيتك فالله يهنيك به ... !!!

عبدألرحمن
26 / 08 / 2007, 39 : 01 PM
من ناحيتي اعتبرة تطور حضاري وش لون تبون تمير تصير محافظة بدون لوحات
بعدين الدولة اذا شافت الديرة متطورة وفيها اشارات ولوحات واسماء الشوارع والاحياء
تكبرها ويحطون فيها دوائر حكومية مثل الجوازات وبعض البنوك وغيرها والاحوال المدنية كل هذا من صالح اهلها في الوظايف وغيرها


وبانسبة لممر التجغيف الي يبي يشوفه شارع السيدين الي بعد الدفاع المدني
سيد معه ثالث ملف يمين هو الممر

هتلر تميم
27 / 08 / 2007, 50 : 10 PM
ترا شارع التجغيف في حارتنا شي عجيب ههههههههههههههههه