ابوتركيT
13 / 08 / 2007, 37 : 04 PM
--------------------------------------------------------------------------------
حبيت اشارك بالموضوع لكي يستفيد جميع الاخوان من هذا الدواء العجيب
الحقيقه ان الغالبيه منكم وانا اولهم ماكان ينظر له ويعتبر انه تكميل للعزبه وليس اساسي وإذا جا الواحد يطلع للبر
قعد يتفقد الاغراض ويمر عليهن ولايحس انه ناقص من العزبه مثل الملح
الدواء السحري هو .....الكمون
من كذا تجربه شخصيه حدثت معي اذكر لكم موقفين .
الاول.
كنا بالمزرعه شمال القصيم وكان الوقت اخر المربعانيه انا وبعض القرايب والعيال الصغار
واخوي الصغير توه واصل من مكه ولابس ثياب صيف ...
المهم بعد صلاه المغرب الا الرجال بدأ يحس بالمغص وبعدها با لاسهال وحاول الرجال يقاوم علشان يقعد معنا وما قدر
صار رايح جاي لدوره المياه الين خلصت بطاريته وطاح بالفراش واخر الليل وافق نوديه للمستوصف القريب (50كيلو...بس)
الدكتور يقول بسيط ضربه هوا
وهات مغذيات وخذلك ابر بكل مكان ...وصحا شوي من المغذي
ورجعنا للمزرعه ....ثاني يوم صار اصعب من الاول بدأ يعاني من الجفاف من كثر مايستفرغ
ولايقبل لاطعام ولاشراب الا الماء يبل حلقه
وبالصدفه كنت اكلم الوالده الغاليه وذكرت لها السالفه ..قالت عطوه كمون وإذا ماخف لازم تنقلونه للمستشفى لاتكون الزايده...
لقينا كمون قديم عمره الظاهر 2000سنه
المهم فوحناه وحليناه بسكر وبالقوه وافق اخوي يشرب منه وبعدها بنص ساعه شرب كاس ثاني بدون حلف
وبعدها جلست مع الجماعه وصدورنا ضايقه ونناقش اي المستشفيات نوديه هذا زين وهذا شين الا وخوي واقف فوق
روؤسنا ويسألنا الدله هذي جديده ولااسوي ثانيه
الحقيقه صرت افرك عيوني معقوله اخوي واقف يكلمنا وقبل ساعه يزحف زحف لدوره المياه وسطل بجنب الفراش
قلت وش توجس قال مااحس باي مغص ولاغيره لاكن راسي مصدع شوي علشان القهوة لي يومين عنها
قلت له الحين قهوتك وشاهيك واكلك هاالكمون ولاتفكر بشي غيره
اعذروني ياجماعه كنت ابكتب الموقف الثاني بس تراي تعبت ومليت صاير كني انتف دخله مرميه بصتمه 70ولا وطايحه برمل بعد...
الحين طريقه عمل فايح الكمون
تعبي البياله كمون عدل لايصير مطحون وتحطه بالابريق وتغسله زين وتصب عليه ماء دافي وتخليه لمده ربع ساعه
وبعدين تحطه على النار وتخليه يقلب على النار قلبه واحده ولاينطبخ انتبه..وبعدين خله جمب النار الين يصفي
والسكر للي يبي يكون بالبياله ..مايمنع انك تضيف ليمون اسود مطحون
تراه ينشرب ولو مافيك شي
جربوه وبتدعون لي
ياوسع صدوركم على هالكتابه هو صدق قضيت
(الله الشافي قبل كل شي)
حبيت اشارك بالموضوع لكي يستفيد جميع الاخوان من هذا الدواء العجيب
الحقيقه ان الغالبيه منكم وانا اولهم ماكان ينظر له ويعتبر انه تكميل للعزبه وليس اساسي وإذا جا الواحد يطلع للبر
قعد يتفقد الاغراض ويمر عليهن ولايحس انه ناقص من العزبه مثل الملح
الدواء السحري هو .....الكمون
من كذا تجربه شخصيه حدثت معي اذكر لكم موقفين .
الاول.
كنا بالمزرعه شمال القصيم وكان الوقت اخر المربعانيه انا وبعض القرايب والعيال الصغار
واخوي الصغير توه واصل من مكه ولابس ثياب صيف ...
المهم بعد صلاه المغرب الا الرجال بدأ يحس بالمغص وبعدها با لاسهال وحاول الرجال يقاوم علشان يقعد معنا وما قدر
صار رايح جاي لدوره المياه الين خلصت بطاريته وطاح بالفراش واخر الليل وافق نوديه للمستوصف القريب (50كيلو...بس)
الدكتور يقول بسيط ضربه هوا
وهات مغذيات وخذلك ابر بكل مكان ...وصحا شوي من المغذي
ورجعنا للمزرعه ....ثاني يوم صار اصعب من الاول بدأ يعاني من الجفاف من كثر مايستفرغ
ولايقبل لاطعام ولاشراب الا الماء يبل حلقه
وبالصدفه كنت اكلم الوالده الغاليه وذكرت لها السالفه ..قالت عطوه كمون وإذا ماخف لازم تنقلونه للمستشفى لاتكون الزايده...
لقينا كمون قديم عمره الظاهر 2000سنه
المهم فوحناه وحليناه بسكر وبالقوه وافق اخوي يشرب منه وبعدها بنص ساعه شرب كاس ثاني بدون حلف
وبعدها جلست مع الجماعه وصدورنا ضايقه ونناقش اي المستشفيات نوديه هذا زين وهذا شين الا وخوي واقف فوق
روؤسنا ويسألنا الدله هذي جديده ولااسوي ثانيه
الحقيقه صرت افرك عيوني معقوله اخوي واقف يكلمنا وقبل ساعه يزحف زحف لدوره المياه وسطل بجنب الفراش
قلت وش توجس قال مااحس باي مغص ولاغيره لاكن راسي مصدع شوي علشان القهوة لي يومين عنها
قلت له الحين قهوتك وشاهيك واكلك هاالكمون ولاتفكر بشي غيره
اعذروني ياجماعه كنت ابكتب الموقف الثاني بس تراي تعبت ومليت صاير كني انتف دخله مرميه بصتمه 70ولا وطايحه برمل بعد...
الحين طريقه عمل فايح الكمون
تعبي البياله كمون عدل لايصير مطحون وتحطه بالابريق وتغسله زين وتصب عليه ماء دافي وتخليه لمده ربع ساعه
وبعدين تحطه على النار وتخليه يقلب على النار قلبه واحده ولاينطبخ انتبه..وبعدين خله جمب النار الين يصفي
والسكر للي يبي يكون بالبياله ..مايمنع انك تضيف ليمون اسود مطحون
تراه ينشرب ولو مافيك شي
جربوه وبتدعون لي
ياوسع صدوركم على هالكتابه هو صدق قضيت
(الله الشافي قبل كل شي)