من عز نفسه عزه الله عن الناس

[زمن]

من عز نفسه عزه الله عن الناس
============= وانا عزيز وعزتي راس مالي

مانيب من يتبع سواليف بلاس
============ اعز نفسي عنه وابعد مجالي

مبعد مجالي عن هرابيد الانجاس
============= اهل الردى ياجعلهم للزوالي

اللي سوالفهم تجي مالها اقياس
============== افلان قال وقال وافلان قالي

اللي بدون احساس يدفن بلا احساس
============== لاناشدن عنه ولاقلت غالي

واقول في بعض الرجاجيل لاباس
============== رجال فاالكلمه وباالفعل خالي

يجذبك باالكلمه معا زين الالباس
============= وتقول هذى اللي يسما الهلالي

ولانيب اعم الناس والناس اجناس
============= احدن يحوش الطيب واحدن موالي

النفس تبغا طيب الذات والساس
============== معرب الجدين عمن وخالي

لاحتاس فكري قلت لاباس ياراس
=============== اذكر فعول مبهرين الدلالي

اللي لهم في ساحة الطيب نبراس
============== نعم الرجال ونعم ذيك الرجالي

افعالهم تذكر على قب الافراس
================ يذكرهم التاريخ اول وتالي

نعم الرجال اللي تنومس تنوماس
============== ياطيب فزعتها على كل حالي

اهل المواقف فعلها يرفع الراس
============= واهل البيوت الشامخات العوالي

وصلاة ربي عد ماهب نسناس
=============== وعداد ماذعذع علينا الشمالي


وسلاااااااااااااااااااااااااااامتكم


منقووووووووول

[L O R D]

مشكووووووور اخووووووووي زمن

على القصيدة

وصح لسان قايلها

[زمن]

http://www.m5zn.com/uploads/863be67c29.gif

[الطيف الأزرق]

صح لسانك أخوي وأبيات جزلة أجزل الله لك المثوبة

[زمن]

http://www.m5zn.com/uploads/831d8c5a1a.gif