عيب ع الرجال بنت تهينـــه

[شموخ أنثى .ღ.}]

دقيقـه مــن فضـلـك قـبـل لا تروحـيـن
عـنــدي كــــلام ولازم تسمـعـيـنـه

يمكـن كـلامـي ينفـعـك عـقـب تقفـيـن
ويمكـن كـلامـي صـعـب مــا تفهميـنـه

يمكـنـي اكـبـر مــن خيـالـك وتـدريـن
انـــي كـبـيـر وعـالـمـي تجهلـيـنـه

انـا الـذي جيـتـك عـلـى مــا تمنـيـن
عـشـق وقصـيـد وكــل شــي تبيـنـه

لكـن عقـلـك تــاه واخـطـى العنـاويـن
تهتـي وانـا اللـي كنـت احسـبـك فطيـنـه

كتبـت فـيـك الشـعـر يمـكـن تحسـيـن
بـس الشعـر يـا بـنـت ويـنـك وويـنـه

واليـوم مـانـي لاعــن حـظـي الشـيـن
ولانــي بـقـايـل قـلـبـي الله يعـيـنـه

باقـول جعـلـك فــي صــدودك تمـاديـن
لانـك رخصـتـي عـقـب منـتـي ثميـنـه

ولانـي عطيـتـك فــوق مــا تستحقـيـن
لا بـد اصــون القـلـب عــن عاذليـنـه

ولان وعـنــدي للـمـحـبـه قـوانـيــن
لا ينـاسـبـك قـلـبــي ولا تناسـبـيـنـه

روحــي وانــا بــروح لا بــد تلقـيـن
شـخـص مـثـل طـبـعـك ولا تتركـيـنـه

ولـي ابتعـدنـا عــن بـعـض لا تظنـيـن
انــي عـلـى فـرقـاك نفـسـي حزيـنـه

بالعكـس انـا ودي فـرقـاك مــن الحـيـن
لــن الـجـفـااا حـقــك وتستاهلـيـنـه

شفـتـي وفــا قلـبـي ولازم تشـوفـيـن
وشـلـون قـلـبـي يحـتـقـر خاذلـيـنـه

مــن باعـنـي لا بــد اوريـلـه الشـيـن
واقـطـع حبـالـه لــو حبـالـه متيـنـه

خـلاص فـي نفـسـي ولا عــاد تسـويـن
ولا عـاد لـك فـي القلـب غيـر الضغيـنـه

حتـى لـو انـي قلـت لـك شيخـه الـزيـن
تـاكـدي فــي عيـنـي الـيـوم شـيـنـه

وباختصـرهـا جمـلـه بـيــن قـوسـيـن
( عشـق علـى غـيـر كـرامـه غبيـنـه )

عيـب عـلـى الـرجـال طــرد المقفـيـن
وعـيـب عـلـى الـرجـال بـنـت تهيـنـه

واخــر كـلامـي لازم انـــك تعـرفـيـن
انـي كرهـت العشـق والعـن سنيـنـه

منقووول

[الضامي]

واخــر كـلامـي لازم انـــك تعـرفـيـن
انـي كرهـت العشـق والعـن سنيـنـه

[شموخ أنثى .ღ.}]

مشكور يالغلا علي مرورك بين صفحاااتي
لاتحرمني توااااجدك
دمت بود

[السنافي]

عيـب عـلـى الـرجـال طــرد المقفـيـن
وعـيـب عـلـى الـرجـال بـنـت تهيـنـه




أشكرك على هذا الاختيار الجيد وتفاعلك الملحوظ ..

[شموخ أنثى .ღ.}]

أشكرك على هذا الاختيار الجيد وتفاعلك الملحوظ ..

العفوووووووووووو يالغلا
لاتحرمني توااااجدك
دمت بود