!!.. يآ بوي حزني فآق عن كل الآفاق ..!!

[شموخ أنثى .ღ.}]

عقب الظلام وعقب توديع الإشراق
ودموع ثارت من عنا الوقت خيبـه
سقت المواجع يا يبه وسـط الأوراق
مرثيـة ٍ بيـن المحـانـي عطيـبـه
ما عاد باقي داخلـي شـي ينطـاق
والأرض ضاقت عقب ما هي رحيبه
من وين ما لد النظر جِدّتِ بعنـاق
مصيبـة ٍ تتبـع وراهـا مصيـبـه
حتى وليف الروح أعلن لي إفـراق
أقفى وخلانـي وأشقـى صحيبـه
من عقب ما هو إستقرّ وسط الأعماق
جار الزمن يـا بـوي الله حسيبـه
راحت سنين العمر أحزان واشـواق
طفل ٍ ورث من كف حظَّه مشيبـه
ماني براجـي عقبهـا بلَّـة أريـاق
ولا ني براجي طيب من عقب طيبـه
حزني حملته والجبر طِـبّ للسـاق
عزِّي لمنهو طِـبّ روحـه حبيبـه
محروم شوفه والنبض شـوق دفَّـاق
ولا حد ٍ يعوِّض فـي غيابـه مغيبـه
كل الوجيه إتشابهت جِـلّ ودقـاق
ياالله عسى من لامنـي يبتلـي بـه
يا بوي حزني فاق عن كل الآفـاق
وطير السعد بالكون ما عاد لي بـه
طبع الزمن قد قلت لي طبع بـوَّاق
والمؤمن اللي راضـي ٍ فـي نصيبـه
منك السموحه يا يبه عِدّ ما نسـاق
حبر القلم في فرحتـه مـع نحيبـه
واعداد ما هل المزن والزمـن عـاق
من مسندك يا بوي وقت الصعيبـه
كل البشر وقت الرخا تبرق ابـراق
ولاَّ الصعايب ما لهـا غيـر هيبـه
أقولها والفعل لـه ساعـة إطـلاق
وكثر الحكي نفسي ونفسك تعيبـه
إن جار وقتك يوم أو يوم بك ضاق
لي فزة ٍ نجـم السمـا لـك تجيبـه
يفداك منهـو للشواهيـق سبَّـاق
ما هو سواة اللـي يـدوِّر ضريبـه
وإن كان شمسي يوم ما جادت إشراق
منِّكْ سموحة روح ماتـت صويبـه

منقووول

[الطيف الأزرق]

روح ماتت صويبه
شكراً لك على القصيدة الجميلة ورحم الله أموات المسلمين

[الضامي]

وإن كان شمسي يوم ما جادت إشراق
منِّكْ سموحة روح ماتـت صويبـه

أبيات جميلة حملت بين أكتافها مشاعر جياشة
بارك الله فيك أختي شموخ
ملاحظة/
ليتكِ تكتبين إسم الشاعر لحفظ الحقوق له

[شموخ أنثى .ღ.}]

روح ماتت صويبه
شكراً لك على القصيدة الجميلة ورحم الله أموات المسلمين

اللهم امين
العفوووووووووووووو اخووووي
دمت بود

[شموخ أنثى .ღ.}]

وإن كان شمسي يوم ما جادت إشراق
منِّكْ سموحة روح ماتـت صويبـه

أبيات جميلة حملت بين أكتافها مشاعر جياشة
بارك الله فيك أختي شموخ
ملاحظة/
ليتكِ تكتبين إسم الشاعر لحفظ الحقوق له

وبارك فيك اخووووي

وبصراحة هذي القصيدة انتسبت للكثير
يعني مادري من صاحبهااا

بس الاهم ان احنا كتبنا منقووول يعني حفظنا حقوقهااا
دمت بود

[السنافي]

إن جار وقتك يوم أو يوم بك ضاق
لي فزة ٍ نجـم السمـا لـك تجيبـه
يفداك منهـو للشواهيـق سبَّـاق
ما هو سواة اللـي يـدوِّر ضريبـه



صح لسان الشاعر وعز الله انه كفو ..

وشكرا على الاختيار ..

[شموخ أنثى .ღ.}]

العفوووووووووووووووووووو اخوووووووووووي
شاكرة لك مرورك
دمت بود