تسجيل الدخول

مشاهدة النسخة كاملة : ... صينية كوسا مع الضب حلوووووه وتفتح النفس ...

UMTUTU
04 / 03 / 2004, 50 : 03 PM
طبق اليوم ... صينية كوسا مع الضب حلوووووه وتفتح النفس


السلام عليكم اعضاء منتديات تمير ...ومع كثرة نجاحاتي في حقل الطبخ ولاسيما الحديث منه قررت اقدم لكم طبق اليوم وهو ...
صينية كوسا بالضب ..
واليكم المقادير ...

2 كاس ارز ابو بنت ...مقسول ومنقى كوييييييييييييييييييس
1 - ضب ....وتحصلون عليه من سوق الحمام بالديره ...او في الثمامه او توصون احد يصيده لكم وخصوصا موسم الضبان وصل
وطبعا اكيد ...ملح - فلفل - سكر - قرنوش اسود - ومعفوش ناعم ...وخل


طريقة العمل ...
جيب الضب واذبحيه ونقعيه واغسليه جيدآ يوم كامل في سطل مليان مويه حاره وخل ....وبعدين حطيه في قدر ...واطبخيه على نار هاديه مع الرز والفلفل والملح والسكر والقرنوش الاسود والمعفوش الناعم ...
المهم بعد ثلاث ساعات من الطبخ ..اضعيه في الفرن علشان يحمر ويتقمر ويسود ويسير زي الفحمه ...

وبعدين حطيه في صينيه مرشوش عليها بقدونس وحطي في فمه بصلة مسلوقه ...
وبس خلاص ....

المهم اللي يبغى يسال وين الكوسا في الطبق ...اقول هذي اكلتي وانا حره
احط فيها اللي ابغى ...!!!!


المهم ايش يقولوا في النهايه ...
بالهناء والعافيه ....والشفاء العاجل ان شاء الله

ملحوووووووووظه هااااااااااااااااااااااااااااامه جدا جدا ...
يفضل تناول اي نوع من انواع المضادات الحيويه مع هذي الوجبه ....
وتحفظ بعيدا عن متناول الاطفال ...
وفي حال حصول اي مضاعفات من جراء تناولها ...او الروائح الصادره عن حرقها ...يفضل مراجعة الطبيب المختص لاجراء الاسعافات اللازمة ...
لذلك نبهت وارفع كافة المسؤلية عني







تحياتي واتمني لكم اكله شهيه من اختراعات ام تــــــوتـــــــو
هههههههههههههههههههههه
هههههههههههههه
الله يسعدكم وتسلمووووووووو



تروني امزح من باب المداعبه والوناســـــــــه ربي يحفظكم والله
الله لايحرمنا منكم وتسلمووووووو تحياتي
ههههههههههههههههه
هههههههه

ام توتو
قناص
04 / 03 / 2004, 42 : 06 PM
كنك داريه ان وقت الضبان قرب مشكوره على الاختراع ونشاء الله بعد شهر نجرب ونرد لك تحياتي
UMTUTU
04 / 03 / 2004, 26 : 07 PM
تسلم يا مراقبنا

وهذا واجبي

عسى مهابيطه العافية

ومشكور على مرورك وتعليقك

ام توتو
هادي
04 / 03 / 2004, 16 : 08 PM
الله احلى شي كبسة ضبان وبس

ولكن ما راح يمنع من التجربه

وتسلمين

بس ليتكم تحطون رابط في ساحات البراري


سلام
UMTUTU
04 / 03 / 2004, 50 : 08 PM
الله يهنيك بكبستك

ولا تنس بعد الكولا

تراها يمدحونها مع الضبان


لكن ما يمنع انك تجرب اللي قلت لك

وعلمنى بالنتيجه

شكرا على مرورك


ام توتو
هادي
06 / 03 / 2004, 56 : 03 PM
وين طبختك يبي لها اسبوع تجهيز

وحنا الله يخلف قلبه قلبه

لكن ما يمنع ان حنا نجربها

بس ترى دمنا في رقبتك لو جانا شي

سلام
المعاصر
06 / 03 / 2004, 00 : 07 PM
ايش هالحركات

وين تطورنا

والله موضوع ممتاز

وبارك الله فيكم

واخير لقينا طبخة ضبان غير الكبسه


يا ام توتو يعطيكي العافية وما قصرتي




المعاصر
حائل
دافنشي
06 / 03 / 2004, 16 : 08 PM
يا حلاوه

كوسه وضبان

بذمتكم قد صارت لحد منكم

والله خوفي من ام توتو

تبي توهقنا

لكن اذا احد جربها يعلمنا

ليونارد دافنشي
UMTUTU
08 / 03 / 2004, 46 : 06 AM
تسلم لي هادي

الله يسلمك

وشكرا على مرورك وتعليقك الجميل

تحياتي لك

ام توتو
UMTUTU
08 / 03 / 2004, 47 : 06 AM
تسلم لي المعاصر تراني احب اهل حائل مدري ليش ؟؟

الله يسلمك .. وجعلها طبخه تعجبك يارب

وشكرا على مرورك وتعليقك الجميل

تحياتي لك

ام توتو
UMTUTU
08 / 03 / 2004, 48 : 06 AM
تسلم لي دافنشي

وتواجدك معنا بالساحات شرف لنا لا تحرمنا من مشاركاتك

والله يسلمك

وشكرا على مرورك وتعليقك الجميل

تحياتي لك

ام توتو
ملقاط
08 / 03 / 2004, 28 : 08 PM
امنيتي ان اشوف ام توتو تاكل ضب
الاخوان الي عندهم حب استطلاع يجربونها ويعطونا رايهم في الطبخه
انا مانيب متجرى واجرب هالطبخه احس ان فيها قنبله

شكرا لكي ام توتو على طبخاتك الغريبه
UMTUTU
19 / 03 / 2004, 57 : 12 PM
عزيزي ملقاط

التنويع في الاكل شي محبب

وماقلت في حديثي لم ياتي الا من تجربه

ولا اقدر ان اقول لك اكثر من هذا الكلام

مع تمنياتي لكم بالشفاء العاجل

ام توتو