سلام يادار الكرم والمهابه قصيدة رائعة للشاعر المتألق / فهد المفرج

[مخاوي سدير]

الله يعز الدين ويعزنا به
سـلام يـا دارالـكـرم والمهـابـه ....
يـا دارنـا يـا تميرمنـزال منـزال
وعسى السحاب اليـا تعـزّل ربابـه ....
يغيث وديانـك مـن الجـال للجـال
وسـلام للحضـار يحسـب حسابـه ....
يخصّكـم بالـذات رجـال رجــال
ياليـل ياليـل السـعـد والرحـابـه ....
ليـلٍ جمعنـا بيـن روضٍ وشـلال
الله يطـوّل عمررجـلٍ سعـى بــه ....
والله يوفقنـا علـى كـل ابـو حـال
وتميريستـاهـل وحـنـا شـبـابـه ....
ولايرتكـي للحمـل ياكـود الابطـال
يانـاس والله كـل ابـونـا قـرابـه ....
هـذا ولدعـمٍ وهـذا ولــد خــال
ورجـل يغـطّ الحـق وش ينبغابـه ....
ياعـل داره للـنـوازل والامـحـال
والتاجر اللي ما صرف مـن حسابـه ...
لديرتـه ياعنـك ماهـوب رجــال
لا صار مـا يفتـح للاجـواد بابـه ...
ويشـب نارالعـز ويسـوطـرادلال
لاتحتـزم بـه جنـبـه وش تبـابـه ...
والله فـلا تسـوى حياتـه ولاريـال
اهـب يـا وجهـه ولاينغـزا بــه ...
ماهوب منا لا رحـم شيـن الافعـال
خوينـا اللـي مـا يغلّـق زهـابـه ...
يبرك لحمل القـوم ويشيـل الاثقـال
اليـا اعترينـا سترنـا مـن ثيابـه ...
والى احتمت شمس الضحى فيّ وظلال
والسيـف والله قوّتـه مـن نصابـه ...
والحـق حـق وكلمةالحـق تنـقـال
والطيب والله يفتخر مـن مشـى بـه ...
والمرجلـه نارٍحطبهـا مـن المـال
المرجلـه جـاه ووجـاه وذرابــه ...
ياللي تظن المرجلـه بشـت وعقـال
كـلٍّ علـى عرفـه ولابـه غرابـه ....
للهجـن هجّانـه وللخـيـل خـيـال
الله يعـز الـديـن ويعـزنـا بــه ....
وينصر حكومتنا علـى كـل الانـذال
ويعـز عبـدالله ويـجـزل ثـوابـه ....
زعيمنـا اللـي عـز شعبـه ولازال
وصلوا على وجه النبـي والصحابـه....
اعداد بـرّاقٍ سـرى يشعـل اشعـال
وبختام اتمنى ان تحوز على رضاكم وبالتوفيق للجميع ...
مخـــــــــــــــــاوي سدير..
كلما ت :ـ
الشاعر / فهدالمفرج

[شموخ أنثى .ღ.}]

صح لسانك ولسان الشاعر فهد المفرج
قصيدة رائعة
تستاهل ديرتكم وانتم تستاهلون

[hamad15]

قصيدة رائعة وجميلة وتمير تستاهل كل خير .

[هادي]

ابياااات جميلة وفيها من المعاني الكثير

ليل جمعنا بين روض وشلال

والبخيل على بلده اقدر اقووووول انه بخيل حتى على نفسه

مشكووووووووووووور




سلام

[مرعب النفوس]

http://www.21za.com/pic/salam_kalam007_files/67.gif



http://www.wksa.net/u/uploads/4a1660df20.gif



و


http://i191.photobucket.com/albums/z150/mostafaelghandour/dd639aa279.gif



يـــا مـحـــــــاوي ســـــــــدير


وفقك الله لما يحب ويرضى ولما فيه الخير والصلاح على هذه القصيدة الأكثر من الرائعة والجميلة الله يعطيك العافية ولا تبخل علينا بما جاد الله عليك من علم وسعة إطلاع بارك الله فيك ونفع الله بك وبعلمك,
اسأل الله أن يجعلها في ميزان أعمالك







http://www.lail-alsahara.com/smileys/da3awya/94.gif