ياخوان وش السالفه إلى الأن ماحد تحرك بالبلدية؟؟؟؟؟

[عاشق ديرتي]

بسم الله الرحمن الرحيم
السلام عليكم ورحمة الله وبركاته
حيا اخواني الاعضاء وعيال ديرتي في منتديات تمير
والله يصبحكم بالخير والرضا والعافيه
المهم سلمكم الله عندي موضوع وكم مره طرح من قبل اخواننا الاعضاء ولكن
لم يحصل اي شي إلى الأن وهو شوارع مدينة تمير!!!!!!!
بصراحه الدعوة وصلت إلى المهزلة والأستهتار في هذه الشوارع
والله العظيم كل من جاء من برى الديرة يقول انا مأزمل إلا من الجروف
والمطاب والحفريات اللي في الديرة ....... بصراحه هذا شي ما يبشر بخير
للديرة وتطلع سمعتها في الحضيض وسبتها الشوارع تعال شف شارع الثلاثين
كيف جاي قسم بالله لو إنك في الشوكي تقول ياحليله عند هالشارع ناظر اللي عند
بيت المطوع الحميدي الله يسكنه الجنه جروف وحفر تروع وفي اشوف عمال البلديه
يصبون عليها اسمنت بصراحه شي لايعقل ابداً ، الشارع العام بكبره لهم الأن الشركة اللي
ماسكته حول اربع شهور ولا صار اي شي إلا يزيدون تحفير وقلق وكلما للشارع يصغر إلين
وصل المدرسة المتوسطه تعال وشف شارع اللي عند بيت سلطان المحمد السلطان كله مطاب
وقروشه اذكر انهم زفلتوا إلين مسجد العيد بعدها وقفوا ياخي بصراحه شي مايطاق........
ياليت كل من يقرا هالموضوع يشوف لنا حل مع هالمهزلة اللي صايرة في الديرة
حي العزيزية طلع احسن بواجد من الخالدية وعلى ان فيه بعض المطاب والجروف لكن مايقارن
بالخالدية ..................
ومره اخرى كل من قرا الموضوع يشوف لنا حل في هالأزمة اللي صايره

[L O R D]

اقسم بالله انها مهاززززل يأتي يوم ويندم صاحب هذه المهازل

وتكت هذه المهازل بأسم رئيس بلدية تمير >>>> تفألنا فيهم اولا والان فقدنا الامل فيهم

حسبي الله عليهم ونعم الووووووووووكيل


يكفي دعواااااات اهل المدينة على المتسبب في هذه المهازل

[NET]

شوارعكم تقول شوارع منفوحة
الله يكون في عونكم والله يرزق أصحاب الورش وومحلات القطع الغيار...

[المتحـ2007ـد]

ما عندك احد يا عاشق ديرتي لكن عندي موضوع عن موظفي البلديه ما بعد اكتمل وبالصور وراح تشوفون المسئولين كيف يستغلون مناصبهم في اغراضهم الخاصه واذا اكتمل الموضوع راح انزله على طول وفي جميع المنتديات وبالصور

خاص لكم اذا لقيتوا احد المسئولين يسوي شي باغراض البلديه في اموره الخاصه ارجوا منكم التصويــــر وارسال الصور لي على الفور

[مرعب النفوس]

http://smiles.al-wed.com/smiles/60/7094.gif






لله درك على هذا النشاط وهذه الغيرة على ديرتك والله يحفظك ويرعاك http://i191.photobucket.com/albums/z150/mostafaelghandour/dd639aa279.gifيا عاشـــق ديرتي





مــــــــــــــــــــرعب الـنــفـــــــــــــــــوس

[L O R D]

اخووووووووووي المتحد كفووووووو والله هذي المهازل ماينسكت عنها


و ابشرإذا تبي مسااااااااعده يالغالي

[الجنوبي 2000]

ههههههههههههههههههههههههههههههه

خخخخخخخخخخخخخخخخخخخخخخخخخخخ



مساكين ردددددددددددددددددددددددد ياليل ما اطول

تدري شارع الثلاثين ما اتفقوا عليه لين الحين هههههههههههه



لا تلومني واحد مهبول

[عاشق ديرتي]

اخواني الاعضاء حياكم الله
ومشكورين على المرور المميز
وعلى الوقفه الاخويه في الوقت الماس لها
بالنسبه لاخوي المتحد أبشر بعزك مالك إلا
اللي يرضيك وابتقنصهم لك ...
الله الله بالصور لاتنزلها إلين تكتمل

وبيني وبينكم الخطأ الأول والأخير من
رئيس البلدية من يوم جاء ماشفنا بصراحه
ولاشي

بالتوفيق للجميع

[hamad15]

والله ليتك تسأل رئيس البلدية عن هالمهازال يا عاشق ديرتي كانك حريص وتسال عن سبب هالحفريات وراهم مايزينونها والمقاول اللي ماسك الشارع العام وراه تاخر وعلمنا ........

[عاشق ديرتي]

حياك الله اخوي الغالي
ومرور رائع منك

تقولي ياخوي اروح اسأل الرئيس حق البلدية
ياخي بدون ماحد يروح يكلمة الرئيس نفسه
يتردد من الرياض إلى تمير ولايشوف بعينه
المطاب والحفريات .......... بالعقل اخوي الغالي

نفس الشي الربع اللي في البلدية الموظفين وغيرهم
خلها على ربك امس اشوفهم يزفلتون اللي على الشارع
العام يرقعون فيه على شوي شوي

بالتوفيق الغالي ودمت

[فتى العشه]

رئيس البلديه نايم في العسل مدام بعض الموظفين يرقصون له ويقولون كلش تمام

[عاشق ديرتي]

حياك الله اخوي الغالي ومرورك رائع
قبل كم يوم جاني خبر الله اعلم بمصدره
انه رئيس البلدية مايجي الا الثلاثاء والاربعاء
بس اما باقي الايام Nothing
يعني مافيه احد .......................

[abdolh]

الله يرحمنا برحمته
يجب المطالبة وعدم السكوت

[عاشق ديرتي]

حياك الله اخوي الغالي ويالله على يديك
ابدها وحنا معك نكتب واللي تبي امر

مشكور على مرورك ومقدرلك ردة فعلك

بالتوفيق

[مخـ الليل ـاوي]

الله يعينكم يا اهالي تمير

والله اذا جيت لتمير الاربعاء والخميس والجمعه

بعدها لازم اشيك الموتر في الورشه

[عاشق ديرتي]

حياك الله اخوي مخاوي الليل والله ماتنلام على
اللي تشوفه ، لا وابشرك بدوا الان يحطون لوحات
اسامي للشوارع خخخخخ والله اللي ماعندهم شغل
شوفوا حل للشوارع بعدها فكروا في اللي بعده الأن
في الشارع العام يرقع من قبل شركه ماسكته وخلوا
حفره اللي قريبه من عند شارع الثلاثين ولا بدون انوار
تحذيريه تعلمك ان فيه حفريات او شي ينبهك لكن إلى الان
تطنيش بام الشعب ولاياكلها إلاحنا .......
شارع الثلاثين اول ماتطبه اللي عقب ورشة برهوم على طول
امام بيت الشيخ حمد الريس جروف ومطاب وحفريه إلى الحين
وهي مازينت ولها والله اعلم حول شهرين ......
وعلى كلامك والله العظيم مالقوا الا الدعاء عليهم وش يحدهم على
البزوطه والخرابيط ..... موتري بدأ يقرقع وموترك وموتر الثاني والثالث
وإلى مالانهاية ومكانك سرررررررر

خلها على ربك والمثل يقول (( الصبر مفتاح الفرج )) نبي نصبر ونشوف
نهايتها كيف

[مخاوي الذيب]

يااخواني بالعربي الفصيح البلديه ماهيب مسويه شي لاتزعجون انفسكم والله ماراح يحركون ساكن ويكون في علمكن ان رؤساء الاقسام في البلديه النار والبارود ويتباغضون ويكرهون بعض وشغلهم الشاغل النمامه على بعضهم عند رئيس البلديه وهو نفسه محتار فيهم ,,, ويقول عمري ماشفت مثل هذولا في حياتي ,,, واما رئيس البلديه والله انه انسان فاهم ومتحرك يكفيك انه طور الدرعيه تطوير مافيه كلام وله جهود جباره بس البلا من ربعنا الله لا ........... او تدرون بلاش من الدعا

[الدنيا عجايب]

الله يكون في عونكم
ويكون عندكم خبر
رئيس البلديه ماااااااااااااااااااااااااااااااااااايداوم في الاسبوع الايومين
واذا مو مصدق مر علي البلديه كل يوم شيك بنفسك
المعلومه من مصدر موثوق بالبلديه

ومن ناحيه الشوارع سمعنا والعالم الله انها بتصلح السنه الجايه مع الميزانيه صبراً جميل والله المستعان
مانيب من الديره وعرف عنها ونتم ماتدرون عيب

[ابواسامه السلوم]

منذ ثلاث سنوات وانا كل مارحت للمجمعة او الحوطة شاهدت طريقهم الرئيسي

به تغير ونحن في تمير مكانك سر ،،،، ياترى مالسر؟

[عاشق ديرتي]

حياك الله اخوي 5688 ومرور رائع منك
لكن عندي فقط بعض الملاحظات على تعليقك
انت تقول رئيس البلدية انه مايجي إلا يومين في
الاسبوع هذا شي قديم ومعروف مسبقاً.......

ايضا تقول انه السنه الجاية بتصلح شوارع مدينة
تمير ايضاً الكلام هذا سمعناه من قبل ثلاث سنوات
وازودك يقولون قبل ثلاث سنوات ان المناقصه رست
على بلدية تمير ويبي يزينون الشوارع في الديرة

يعني اخوي الغالي لاتعب نفسك كل الدعوى اللي قلتها
مرت علينا ايضا لاحياة لمن تنادي

بالتوفيق لك يالغالي ،،،،،، ايضا مشكور اخوي ابو اسامة
على المرور الرائع وبالتوفيق والله ياليت يعلمونا وش السر؟؟؟

[الدنيا عجايب]

:82:حياك الله اخوي 5688 ومرور رائع منك
لكن عندي فقط بعض الملاحظات على تعليقك
انت تقول رئيس البلدية انه مايجي إلا يومين في
الاسبوع هذا شي قديم ومعروف مسبقاً.......
ايضا تقول انه السنه الجاية بتصلح شوارع مدينة
تمير ايضاً الكلام هذا سمعناه من قبل ثلاث سنوات
وازودك يقولون قبل ثلاث سنوات ان المناقصه رست
على بلدية تمير ويبي يزينون الشوارع في الديرة
يعني اخوي الغالي لاتعب نفسك كل الدعوى اللي قلتها
مرت علينا ايضا لاحياة لمن تنادي
بالتوفيق لك يالغالي ،،،،،، ايضا مشكور اخوي ابو اسامة
على المرور الرائع وبالتوفيق والله ياليت يعلمونا وش السر؟؟؟


:109:الله يعين بكره بنشوفكم على الشارع العام كذاء:80:

**السر في ذلك ماعندك احد من اهل الديره يتكلم او يرفع للوزاره الحاصل في البلديه او يبلغ عن الحاصل كان تشوف وش يصير
الرئيس مالقي احد قال ياخوك ارقد وش تتعب نفسك له

[عاشق ديرتي]

اخوي الغالي الناس من قبل تعبت وطالبت
لكن ماحولك احد يرفعون ويطالبون وابشر
وخير إنشاء الله لكن على الموال لم يتغير
لكن اشوفهم الأن بدأو يرقعون في الشارع
العام ،،،،،، على الأقل شي افضل من لاشي

اخوي الغالي ناس راحت وفي الاخير تم وضع
الملف تحت الطاولة ..............

الله يرحم ايام زمان الانفس كانت وحده والحين
ياخلاف كلن يبي يسنع اموره الشخصية
الله المستعان ،،،،،،،،،،،،،،،،،،،،،،،،،،،،،،

لكن حنا نبي نصبر ونصبر ونبي نشوف نهايتها
دام الرجال اهل الدرعية يذكرونه بخير والله
ياليت يسوي اللي سواه هناك ونذكره وندعيله

واللي في القدر يطلعه الملاس (خخخخخخخخخخخخخخخخخ)