في المنتدى كثرت علينا البلاوي!!

[السنافي]

هذه أبيات بسيطة كتبتها وأنا أتصفح جنبات هذا المنتدى فأردت أن أضعها بين أيديكم واقبلوها بصدر رحب ...
والمقصود في الأبيات هو من أراد زعزعة هذا المنتدى وليس لشخص بعينه.

في المنتدى كثرت علينا البلاوي= تكفون يا الأجواد شوفوا لها حل
أشوف ناس(ن) همها للشكاوي= كل (ن) يبي درب السنع بس ما دل
بالله يا ابن الناس ويش أنت ناوي= اللي يزور المنتدى دوج ومل
ان كان ودك بالهدم ما أنت قاوي= وان قال نقدر... قلهم يا حمد طل
يا حيف كان أخلفت فيك الهقاوي= ويا حيف كان قلوبكم جا بها غل
أنا أشهد انك ضايع الفكر غاوي= (من دور الزلة على صاحبه زل)
لكن نصيحة لا تضيع الدعاوي= ولا خير في عز(ن) يجي فـ آخره ذل
تكفون لا يشمت بنا كل واوي=راعي هروج(ن) كل ابوها خذ وخل
هذا الكلام ولاتفيد المناوي= ولا تحسبون ان كلمة الحق تزعل
عزام الخريف

[اهلا بكم]

كفوووووووووووووووو



وصح لسانك ياشاعرنا


يلموني فيك ...
ان كـان ودك بالهـدم مـا أنـت قــاوي
وان قـال نقـدر... قلهـم يـا حمـد طـل

[النادر]

صح لسانك ابو عبدالله ولاعدمناك والله يطول بعمرك ون شاء الله بينعدل الحال ومتاكد انا لان المنتدى به ناس تحب الخير وتحب تمير وتغار على منتدى ديرتها وقد يكون كل هذا حرص منهم
فجزاهم الله كل خير ومره ثانيه صح لسانك
تحياتي لك
النادر

[الضامي]

كبير يالسنافي كبير
أبيات جميلة من شاعر جميل
صح لسانك والمنتدى إن شاء الله بخير مادام فيه شرواك

[الجنوبي 2000]

ان كـان ودك بالهـدم مـا أنـت قــاوي
وان قـال نقـدر... قلهـم يـا حمـد طـل

تسلم والله يا ابو عبدالله قصيده رائعة وياليت بعض الناس يستفيد

[An effectve speech]

ليتك تعّلم واحدٍ لك مخاوي =وتقرص على اذنه قرصة الخل للخل
ويبعد عن اعلوم الرد والحكاوي = ويستغفر الله كل ماصام او صل


كلماتك يالسنافي في صميم الحدث الله يعطيك العافية وزادك من نعيمه
An effectve speech

[الأميري]

السنافي والتميز وجهان لعمله واحده بالفعل قصيده من الوزن الثقيل وصح لسانك مليون
واسمح لي ببيتين لعلها ترتقي لمعانقة هذه الرائعه
وشلون ما تخلف جميع الهقاوي 000 دام الردي يا صاحبي مابعد مل
لكن تراه اليوم طاح متساوي 000 وابشرك هذي هي بداية الحل !

[المرهف]

سلام من قلب من الحب راوي= لك ياالسنافي سيد الحرف مازل

هذي حروفي من رفيقك تواوي= هزه شجنك فاقبله ياسيد الكل

لا يارفيقي ما اكثرت فينا البلاوي=بس خانك التعبير والحرف مادل

أدري تريد الخيرهذي هقاوي= في قرمنا فارس(ن) في الشعرماضل

هم ربعنا يبغون خير(ن)علاوي=واظنهم للخير دايم مع الحل

يبغون رفع المنتدى لا للشكاوي=وقلوبهم طاهرات(ن) مابها غل

يمكن ترى فيهم رفيق يراوي=بس يالسنافي اعذره إن كان مادل

نخطي وطبع(ن) في البشرصار ثاوي= والله رحيم(ن)يغفرالذنب مامل

أخي العزيز( السنافي) هذه أبيات متواضعة رغبت فيها مجاراة قامةً شعرية متميزة
حرَك مشاعري بقصيدته فأردت التعبيرعن رأي بهافيما ذهبت إليه من كثرة البلاوي هنا
راجياً أن ألا تكون ثقيلة عليك وتتقبلها برحابة صدر كماتقبلنا رائعتك الحسناء
كماأرجو أن تعرضها على سكين النقد الهادف وتبدي فيها وجهة نظرك تقويماً وتوجيهاً
فهي أولى محاولاتي في الشعركما ان الدعوة موصولة للأخ الشاعر(الضامي)
وللجميع تقديري

[قلب الاسد]

اخي السنافي ... شاكرا لك هذه القصيده الجميله ...
وانا اتفق مع أخي الغالي (( المرهف )) فيما قاله ...
فليس من المعقول ان نضخم الامور ...
ونجعل مايحدث من حوارات ساخنه على انها حوارات هدم ...
لتعلم ان كل حوار لابد ان يصحبه اختلاف في الرأي والاطروحات
وهذه بحد ذاته ظاهره صحيه ...
والجميع يسعى لما فيه خير وصلاح للمنتدى ...
فعلينا ان نحسن الظن بالاخرين فنحن ابناء بلد واحد واخوان قبل كل شئ..
ويهمنا ان نرا منتدى تمير في القمه ...
اخي السنافي ...
لانريد ان نجعل من الحورات الساخنه ... عقبة في طريقنا لتكملة المشوار ...
ولا نجعلها شماعة لنا لكي نختفي ولانظهر الا نادرا في المنتدى ... دمت بخير !!!

[نديم الشوق]

الله الله عليك يا لسنافي

ان كـان ودك بالهـدم مـا أنـت قــاوي
وان قـال نقـدر... قلهـم يـا حمـد طـل

عيني عليك بارده

ويكفينا العنوان

وشو اجمل من كونها في حالنا الان

ربي يهنيك " ويحقق لك لي في بالك"

تسلم ياشاعرنا

وبارك الله فيك

[الشمالي]

مشكور ياشاعرنا المحبوب ونفتخر بك وبامثالك وكثراللة من شاكليتك ويعطيك العافية

[! فيراس !]

أبيات جميلة يالسنافي ...صح لسانك

.................................................. ............................................

[السنافي]

أخي الغالي أهلا بكم أهلا بك

وصح بدنك والله يحييك تحية المطر

ولا تقطعنا من جياتك

[السنافي]

صح بدنك يابوعثمان وأشكر لك تشريفك

والله يقويكم باللي فيه صالح المنتدى

وكثرت الاقاويل ولكن في النهايه ما يصح ألا الصحيح

فتقبل تحياتي

[السنافي]

صح بدنك يالضامي والكبير الله

وتشريفك أعتز به وشرواك الطيب يالغالي

[السنافي]

ومن قال سالم يالجنوبي

وأشكرك على مشاركتك والفائده للجميع ان شاء الله

[الضامي]

الكاتب المفوه المرهف أهلا فيك ولدعوتك الخاصة لي محل إهتمام في قلبي
ماشاء الله عليك أبيات جميلة ويبدو أنك تجيد النظم الشعبي فلماذا كل هذا الجفاء
ألا ترى أن له وقع في النفس وأنت مرهف اللقب والحس.
أبيات جميلة لعل السنافي يعلق عليها

[السنافي]

الله يعافيك يا An effectve speech

والله يتقبل منك ان شاء الله وحضورك زاد المشاركه نور .. وأسمح لي بهذا البيت

ما أخــاوي ألا مـزبنـيـن الجــلاوي

............... وليا وردت الماء من ذراعي أعل

[السنافي]

أخي الغالي الاميري

أشكرك على هذا الاطراء وصح بدنك مليون

وصح لسانك على هالبيتين كما أشكرك على حضورك

[السنافي]

ما شاء الله المرهف مشرفنا اليوم ياهلا ويامرحبا

والثقيله منك خفيفه يالمرهف..

وصح لسانك وعلا شانك

والله يبارك بها القصيده اللي طلعت لنا شعار ما ندري عنهم ..

أخي الفاضل أعذرني من مسألة النقد فلم أصل بعد الى هذا المستوى ..

شاكر حضورك الذي أضاف للمشاركه الكثير من الابداع والتميز

[السنافي]

أخي الغالي / قلب الاسد

وش فيك محول علي من الدرجه الله يهديك ...

والله أحترم وجهة نظرك كما أحترمك ..

وأنا أتفق معك فيما ذكرت فالنقد الهادف هو الطريق للوصول الى

الهدف المنشود ..... أشكرك على أثراء الموضوع ودمت بخير

[السنافي]

ياهلا ويامرحبا بنديم الشوق والساعه المباركه

اللي شفناك فيها .. والله يسمع منك ان شاء الله

شاكر تشريفك يالغالي

[السنافي]

العفو يالشمالي

وانا أفتخر بوجودك في هذه المشاركه البسيطه والله لا يخلينا منك

دمت بصحه وعافيه

[السنافي]

صح بدنك يافراس والله يحييك

ولا تقطعنا من تواجدك وحضورك ..

[المرهف]

ما شاء الله المرهف مشرفنا اليوم ياهلا ويامرحبا
والثقيله منك خفيفه يالمرهف..
وصح لسانك وعلا شانك
والله يبارك بها القصيده اللي طلعت لنا شعار ما ندري عنهم ..
أخي الفاضل أعذرني من مسألة النقد فلم أصل بعد الى هذا المستوى ..
شاكر حضورك الذي أضاف للمشاركه الكثير من الابداع والتميز

أخي العزيز/ السنافي
شكرا لك على مشاعرك النبيلة تجاه أخيك وشهادتك أعتزبها بس ما الظاهر أصلح شاعر
شعبي أو غيره لأني في هذه الحاله أعد نفسي متطفل أو طفيلي لكن يكفيني أنك اقتنعت
بشعوري ومشاركتي هكذا أنت أخي السنافي تأسرإخوانك بلطفك وروعة تعاملك
لافض فوك ولا عاش شانئوك ولك كل التقدير.

[An effectve speech]

اخوي السنافي....... قد ذهب بك فكرك لاشي لم اكون بصدده وكنت اقصد اقرب من ذلك لعلك تتفهم ذلك من واقع المنتدى فقط .. فأنت غني عن التعريف

انا متساوي بس غيري مهاوي = بس الحقيقة ما لقينا لكم حل
كلمة اخيرة ((منتدانا شهاوي ))=وياعزتالك كان ما صرت له ظل

الطيحة متساوي هي المطلب اخي العزيز ,و قد تكون ضعفت معنى بيتك مع وجود كسر في العجز الاخير بس الله يعطيكم العافية عل الردود الحلوة التي اثارت شاعرية الكثير واتمنى التفاعل بهذا الشكل ..

[الهايم]

أخوي السنافي


صــــــــــــــح لــــــــــــســـــــــــانــــــــــــــــــــك

على هذه القصيدة الاكثر من رائعة وعجبتني هذه الابيات
لـكـن نصيـحـة لا تضـيـع الـدعـاوي
ولا خير في عز(ن) يجي فـآخره ذل
تكـفـون لا يـشـمـت بـنــا كـــل واوي
راعي هروج(ن) كل ابوها خذ وخل

يعطيك الف عااااافية !!!!

تحيااااااااااتي للجميع !!!

[An effectve speech]

اخوي السنافي....... قد ذهب بك فكرك لاشي لم اكون بصدده وكنت اقصد اقرب من ذلك لعلك تتفهم ذلك من واقع المنتدى فقط .. فأنت غني عن التعريف

انا متساوي بس غيري مهاوي = بس الحقيقة ما لقينا لكم حل
كلمة اخيرة ((منتدانا شهاوي ))=وياعزتالك كان ما صرت له ظل
الطيحة متساوي هي المطلب اخي العزيز ,و قد تكون ضعفت معنى بيتك مع وجود كسر في العجز الاخير بس الله يعطيكم العافية عل الردود الحلوة التي اثارت شاعرية الكثير واتمنى التفاعل بهذا الشكل ..
كلي اسف عن النقد الاخير فهوللمداخلة الثانية وليست الاولى عذرا

[الجريح]

تسلم والله يا ابو عبدالله قصيده رائعة وياليت بعض الناس يستفيد

[الأميري]

انا اشهد ان فالشعر مالك عراوي=لا صار وزن البيت يجهلك فسأل
ومدام ما تعرف وشنهي متساوي= بعلمك لياك تطفش وتزعل
يعني تجي كلك جميع متهاوي=ولا تنقد الشعار لا صرت تجهل

[الديره القديمه]

ياشين من عبى دماغه حكاوي= هو يحسب نفسه عليها دعاوي
يجيك نافش ريشته ديك ضاوي= لاهو الي اذن ولا هو الي ضحاوي
يجيك من يبلاك بنفسه غباوي= يظن راية نافذ لكل راوي

[شاعرهاوي]

مانيب شاعر محترف بس هاوي = ولاني من اللي ينقد البيت ويخل
ولاني من اللي مجلسه بالقهاوي =ولانتهى من كي رأسه غد وفل
وان كان هذه هرجتك ومتقاوي =أنشهد انك طحت في غيهب جل
سبحان ربك ما عطى بالتساوي = مفوهٍ يكتب .. وغيره ينقل
واللي يكّبر ........ بالحكاوي =لابد له من يو م يوطا وينذل
مسكين حالك غارقٍ بالرشاوى =النفس شينه ومالي ٍ قلبك الغل
عزام ما تحتاج كثرة هقاوي = تحتاج للقوة وحدٍ على المل

[ابو مشعل]

رررررروعه اخوي السنافي وابيات رائعه ومميزه
منك وصح لسانك يالغالي

[ALJAWAL]

ولاني من اللي مجلسه بالقهاوي
ولانتهى من كي رأسه غد وفل

صح لسسسسانك
يسلموو عالى هالقصيده

[فزاع 2008]

تحياتى وسلامي للشاعر القدير ابو عبدالله من فزاع 2008ولنا تواصل 00000معكم

[السنافي]

اخوي الهايم صح بدنك والله يعافيك

وشاكر مرورك على هذه المشاركه البسيطه واللي اعجبك يكفي

[السنافي]

ومن قال سالم يالجريح

والفايده للجميع واتشرف بحضورك وتعليقك

دام تواصلك

[السنافي]

يامرحبا بك يالشاعر الهاوي



وترى ما يبقى غير العلم الطيب وانا اخوك ,,,,,,

[السنافي]

صح بدنك يابو اثير والروووووووعه تشريفك

ولا تقطعنا من جياتك يالغالي

[السنافي]

سلامك وصل ياطويل العمر
والله يرفع قدرك ولا يهينك
وتشرفت بوجودك يافزاع ,,, فلا تحرمنا من تواصلك

[الديره القديمه]

يبدو ان مشاركتي لم تعجب السنافي لذا فضل تجاهلها
كنت اتمنى انه يعلق على الابيات حتى لو ذكر انها لا قافية لها او منهج ولا تصلح ان تكون شعرا فمنه نستفيد

[ALJAWAL]

حتى انا بعد ما عطاني وجه
هذا وهو مشرف عاد قدوة
يالله خل نحسن الظن ونقول ما انتبه

[فزاع 2008]

اتمنى من المشرفين ان اكون احد المشاركين البارزين في هذا المنتدي الحبيب علي قلوبنا 00بطرح الموضوعات الهادفه لعشاق الشعر00اذاسمح لي بذلك000مع تمنياتي لكم بالتوفيق0اخوكم فزاع2008

[السنافي]

أفـا يالديره القديمه ما عاش من يتجاهلك

ولكنها فعلا غير مقصوده وأنت ومشاركتك على العين والراس

مع انك وحدت القافيه في الصدر والعجز

ولكن لا يصير خاطرك ألا طيب والعذر والسموحه

وأشكرك على رحابة صدرك وسعة حلمك

[السنافي]

أخي العزيز ALJAWAL

ياطيب اللي يدور عذر لرفيقه ..

ولكن لو لاحظت ردك فهو ليس على مشاركة السنافي وانما على مشاركة الشاعر الهاوي

لذلك لم أعلق عليها ..

أتمنى ان تكون الصوره واضحه لديك

شاكر لك حسن ظنك وطول بالك

[السنافي]

اخي الغالي / فزاع 2008

المنتدى مفتوح للجميع ونتشرف بو جودك بيننا

والله يحييك تحية المطر ونتمنى ان نرى مشاركاتك

قريبا ....

[رفيع المقام]

أخوي السنافي ..

ما شاء الله أبدعت أخي وصح لسانك...

وقصيدة اتمنى من الجميع أن يفهمها بمضمونها ...

تقديري وإحترامي لسموك...

دمت للشعر نبراس...

في أمان الله

[عضيد السنافي]

صح لسانك يالسنااااااااااااافي

سلمت يمين شيخ على الطيب رباك ياأبو عبدالله

[أبو سعود]

قصيدة ممتازة

صح لسانك يالسنافي

[قناص]

فـي المنتـدى كثـرت علينـا الـبـلاوي
تكفـون يـا الأجـواد شوفـوا لهـا حــل
أشــوف نــاس(ن) همـهـا للشـكـاوي
كل (ن) يبي درب السنع بـس مـا دل

صح لسانك يا امير الشعراء

والله يحفظك