الصريح ـ الاخضر قصيدة مهداه

[هادي]

يا من لقلب حياته كلها حسره "=" ولا له صديق يحفظ السر يشكي له
انا كلامي صدق ماني اهل فره "=" ولانيب انا العب على الحبلين بالحيله
يا بنت ماني من اللي يكسر الجره "=" ولاني من اللي يغر الناس تمثيله
انا من سدير وخيري غالبٍ شره "=" اعاهدك ماني اللي ينفضح كيله
حبك بقلبي طبع طبعة كوي جمره "=" سبب لي السهر والهوجاس كل ليله

غالٍ عندي وتسوى ساكن الجهره "=" ومقداري عندك ما ظن انه يجاري له
يكفيني اشكي انا لك في الشهر مره "=" يا بنت همي بشعري لك اغني له
ان كان قلبك حنانه غالبٍ شره "=" فنا لقيت الصديق اللي له اشكي له
وان كانه العكس فهذي مرة مره "=" تجرع المر يا قلبي وانادي له
انا توهقت في حبك وفي بحره "=" ولا هو بديني ازيله كان بازيله
الحب من فرد واحد يوذي بشره "=" ومن الطرفين هذا وذاك يصفي له
حب المصالح حشى ما جيه ما مره "=" والا انت حب المصالح ظن تمشي له
اما سمحتي اشوفك بالدهر مره "=" والا ترى ما جرى لي ذنب بتشيله
انا شرحت الظروف وانتي بعد حره "=" وربي عطانا العقل والظلم ماني له




سلام

[ولدعنبر]

انا من سدير وخيري غالـبٍ شـره
.......................اعاهدك ماني اللـي ينفضـح كيلـه
حبك بقلبي طبع طبعة كوي جمـره
....................سبب لي السهر والهوجاس كل ليله

مادري ويش أقول بــس ان قلت روعه ماعطيتها حقها ان قلت انها شدتني يمكن تقول يجامل

ما اقول الا

صح لســــانك عدد ماغرد الطير وكل عام وانت بصحه وألف خير والله يبارك فيك

تقبلي تحياتي

[راعي الرايــــه]

وش دعوة مشاركه حلووووووووووووة

يعطيك العافيه أوخوي هااااااااااااااادي
وصح لسانك ياعسل أنتى

تحياتي للجميع ،،،،،

[هادي]

مشورك ولد عنبر

والله هذا شي قليل في حقكم

واستحينا من كثر ما نرد عليكم قلنا خل نشارك لو بالقليل

مرورك اسعدني


سلام

[هادي]

راعي الرايه

انت القادم من بعيد للنجوميه في ساحات تمير

عطاءك متجدد واباعاتك فوق الخيال

انا اكتب وانا انظر الى بطاقتك الجميله

ولا ادري ما اقول الا الف شكر لك


سلام

[شوووووق]

وين قصيدتك ؟؟؟

ما شفت غير سلام ؟؟؟


شوووووق

[هادي]

هلا اختي شوق

القصيدة موجودة

مشكووووووووووره


سلام

[الشمالي]

سلمت يمينك اخوي هادي على النقل المميز ولك الشكر والتقدير

[السنافي]

يعطيك العافيه أخوي هادي

وصح لسان الشاعر وهو على ما أعتقد عثمان البرغش

سلمت يمناك على هذا النقل ...