عــــــاد الـــفــرح.......!

[راعي الرايــــه]

هذه القصيدة كتبت في الطفله / ريما خالد النوح البالغة خمس سنوات والتي فقدت من أهلها مساء الثلاثاء 12/12/1424هـ على مخرج تمير ، وكانت الطفلة قد أمضت أكثر من 12 ساعة في العراء وأمضت ليلتها داخل عبارة في جو بارد وتم العثور عليها في صباح الأربعاء الموافق 13/12/1424هـ .
وهاهو الشاعر إبراهيم بن محمد الغنام وهو من شعراء روضة سدير فاضت شاعريته وتأثر من الموقف الذي أثر في نفوس الجميع وكتب هذه الأبيات فقال .......

عـــزي لــحـال اللي غــدة منه ريمه *** عــــقـب العـصر والــكل بالبر جلاس
في ساعة صارو بـــحالة جسيمـــــه *** ضــاع الــفــكر فـيها والأرياق يباس
يركض بخطواتٍ ماهي مستقيمـــــه *** من حر ما به قام يمشي بلا أحساس
العين صــارت في روءاهـا عـديمـه *** أظـلم علــيه الليل والــكل مــحتــــاس
صـار الحزن بالكل صــورة ألــيمــه *** أصــبح يــراودهم شبـح خوفة الياس
ليله قــضوها كــنهم وســـــط غيمـه *** غطى الذهول وصار بالقلب هوجاس
سبحان ربٍ حــاطها في نعــيـمــــــه *** بأرض خلا ما حولها حس وأونـاس
من فضل ربــي ثــم أهــل الــعزيمه *** اللي فــعلهم ســـــــايدة قــــوة الـــباس
رجال الدفاع أهــل المواقف عظيمـه *** اللي فــعلهم دوم نــرفع به الـــــراس
معهم أهــالي تمير ربــع الحشيمــــه *** أنشهد أن الطيب فيهم من الســـــاس
الطيب فيهم واســـمٍ له وســـــيمـــــه *** جــــدٍ بعد جــــدٍ على العيب ما داس
صفوة رجـــال ٍ مـاتـعرف الهزيمـه *** عـــــزٍ مــعــرفتهم تــزيدك بنومـاس
عــــاد الفرح للقلب من بعد ضيمـــه *** (النوح) لبسوا بشوفها زين الألباس
صلاة ربـــي عــــد مــا هــل ديمــــه *** على نبـــي ٍ بـــعث من صفوة الناس

[هبوب الشمال]

تسلم وصح الله لسانك وماقصرت اخوى راعى الراية

[ولدعنبر]

الحمد اولا لله سبحانه وتعالى الذي حفظ هذه الطفله

وردها الى اهلها سالمه

والشكر ثانياً للشاعر / إبراهيم بن محمد الغنام

على هذه القصيده التي فاضت بها مشاعره الطيبه

والشكر موصول لك يا اخي راعي الراية

الذي قمت بنقلها لنا فلا حرمنا الله منك ومن

نقلك الجميل والمميز كعاداتك

وتقبل تحياتي

[نواره]

الحمد لله على سلامتها

والله اني دموعي على خدي بعدما قريت القصيده

تسلموون على هذا الطرح الجميل

محبتكم نواره

[راعي الرايــــه]

أشكر الجميع على الشعور الطيب
والمشاركة
تحياتي

[شوووووق]

والله انك يا راعي الريه صورت الموقف كانه حقيقه واقعه اما عيوننا

والشاعر تصور الموقف بقوه


شي يقطع القلب وين اشوف شحال قلب امها المسكينه


مشكورين على مشاعركم وليتكم توصلون القصيده لأهلها

شوووووق

[راعي الرايــــه]

اولا اشكرك ياشوق على حماسك وتفاعلك مع الابيات

ولا يهونون الجميع

وأبشرك ان القصيده وصلت في نفس اليوم اللي كتبت فيه لأبو البنت

وأبشركم ان البنت ( ريما ) بصحه جيده وأنا على اتصال مستمر بوالدها

ولكم تحياتي