انا ومدينة تمير

[سحايب صيف]

تحيه معطره مبعوووووووثه من قلب صافي لاهل الكرم والجود اهل تمير الكرااااااااام

اكيد جالسين تفكروووووووووون وش عندها هذي

اصبرو علي بقولكم وش عندي لا تستعجلون علي وتاكلوني بقشوووووووري

حبيت اقولكم اني يوم الخميس اللي طاف كنت عندكم في تمير


وتفرجت على المنطقه حقتكم ورحت لم منتزه كله ماااااااااااااااااااي وهو على ماعتقد روضة الخشم ولو تغيرون اسمها بس

وبصراحه طبيعتكم حلوه وتشرح الصدر والخاطر وارضكم مره نظيفه حيل مو مثل الثمامه ياحسره علينا كانها مقمه مو كنا ساكنين

برياض بس يالله اسمه بر وعلى قولت المثل العوض ولا القطيعه

واكثر شي عجبني تمير مره رايقه مدينة كيوووووووووووت خلابه تفتح النفس


واكيد ناسها زيها ...

وكنت اتمنى اني عامله حسابي وجايبه كاميرا عشان التقط الصور بس الله ماكتب خيرها بغيرها


المهم ماعلينا ...


ندش بالموضوع

وهو اني اتمنى ان المنتدى يكون نسخه طبق الاصل من هالمدينه الرائعه ...


وانه يعكس لنا شخصية اهل تمير بسجيتهم الحلوه والمعروفه عنهم والتي لا يختلف عليها ثنين !

وكل هالكلام وهاللفه ...


عشان ابي منكم انكم تمثلون مدينتكم اجمل تمثيل ...

ولكم من قلبي اجمل التحايا واعذبها

:28:

[L O R D]

وانا اقووووووول الديرة يوم الخميس منووووووووره بزيادة



عاد بصراحه وش رايك بديرتنا هع هع هع حلووووووووه صح >>>>> وانا اقووول ذاك اليوم زحمه بالديرة هع هع هع اثاريه انتم مسويين زحمة امززززززززززززح لاتصدقيين


زارتنا البركة اختي سحايب صيف والديرة ديرتكم هع هع حلوه الديرة ديرتكم اقصد البيت بيتكم



وعاد كل ماطرى تكشتون بالبر تعالوا عندنا لاتروحووون الثمامه احسن واهدأ واجمل

[ALJAWAL]

يسلموووو سحايب صيف على كلماتك الجميله وتمير فيها اماكن كثيرة حلوووة احسن
من روضه ام خشم

[سحايب صيف]

.
.
.

مغاط جابر


لو اعرف بيتكم كان نصيتك وخليتك تذبح لنا حاشي

.
.

لكن الجيات أكثر وانا أختك


.

بس حط اشارت ارشاديه عشان توصلنا الى الهدف وهو باب منزلكم الموقر

.

الجوال
.
.

بصراحه اجوائكم لايعلى عليها واذا فيه اجمل من هالروضه عز الله راح نكثر من جياتنا

.

.

شاكره لكم مروركم الطيب
.

دمتم بخير ودام عزكم

[المتحـ2007ـد]

يا هلا ويا مسهلا بك يا سحايب صيف ومنتدى تمير مثل ديرتنا لكن لا يخلوا المنتدى من المتطفلين اللي يحبون المشاكل وطبعاً هم من براء الديره يشبها ويمسشي وعلى مقال المثل ( يئتل الأتيل ويمشي في قنزتوه )

[سحايب صيف]

المتحــــد

.
.

المهلي مايولي

.

.


واتمنى من كل قلبي ان المنتدى يكون صوره طبق الاصل من المدينه


.

.


شاكره لك مرورك الطيب يالطيب


.
.

[L O R D]

.
.
.
مغاط جابر
لو اعرف بيتكم كان نصيتك وخليتك تذبح لنا حاشي
.
.
لكن الجيات أكثر وانا أختك
.
بس حط اشارت ارشاديه عشان توصلنا الى الهدف وهو باب منزلكم الموقر
.
الجوال
.
.
بصراحه اجوائكم لايعلى عليها واذا فيه اجمل من هالروضه عز الله راح نكثر من جياتنا
.
.
شاكره لكم مروركم الطيب
.
دمتم بخير ودام عزكم



الحاشيء مايكفي وانا اخوكي

قعووود مو حاشي هع هع هع<<<مايفرق بينهن


حياكم الله اختي واي خدمة موجوديين تحت امركم

[مخاوي تمير]

ماشاء الله تبارك الله
الاخت الفاضلة شاهدت تمير
وقد اعجبت بها ... فثقي ان المدينه واهلها
يملكون الحب والغيره والتعاون في كل الامور
وحيالك الله في مدينتك وبيتك الثاني
وهذه الساعة المباركة التي تعرفتي عن قرب
لهذه المدينة الجميلة ....

[سحايب صيف]

من قال يحيا طال عمرك


وهذا شي مو غريب على اهل تمير اهل الكرم والجود


.

.

مغاط جابر

.

.


شكرا لعودتك مره اخرى


تحياتي

[سحايب صيف]

يسعد مساك اخوي مخاوي تمير


افتخر بزيارتي لمدينتكم الرائعه والتي سعدت كثيراً بالوقت اللي قضيته فيها برغم انه كان قصير جداً لكن يكفيني فخراً اني رأيت المدينه التي أسرني منتداها بحبه


شاكره لك تواجدك

[توأم الجود]

حياك الله اختي سحايب صيف في تمير و في منتداها ؛ اللي هو منتداك ؛ فمن باب اولى تمير مدينتك

المنتدى سيكون الافضل و الاجمل و الحمد لله انه وان فقد بعض المقومات فقد اكتسب اخرى

مره اخرى ؛ نقول تمير منوره بوجودك

تحياتي

[الجنوبي 2000]

هلا والله بسحايب ليش ما علمتينا خليت الوالده تستقبلك هلابك والله

يقلون انك جايه تناظرين الابل هنا وش عندك خخخخخخخخخخخخ

واقول روضة الخشم الذبان واجد فيها ههههههه


المهم حياك ربي وتخبرين البقر سارحه خخخخخخ


اجل روضة ام خشم ههههههههه يا ام خشم

سحايب ابو اثير دافن ضروسك هناك ههههه

[قلب الاسد]

شكلك يالجنوبي غرزت هنا ... ولا بعد ستة اسطر !!!

اتمنى انك تغرز في مشاركات الربع .... وما تبخل عليهم بكم سطر !!!

اوه نسيت سحايب صيف جايه لتمير ... ماشاء الله زياره مباركه ..

عساك يأختي شفت جامع الديره اللي بغينا صورته ...

ورحت تجيبين صورة جامع الديره اللي في الرياض ...

تراي بعير مأنسى ....!!!

[سحايب صيف]

توأم الجود


شاكره لك مرورك اخوي والديره منوره بأهلها

والله يديم عليكم نعمة الامان

\

هههههههههههههههههههههه

الجنوبي

الله يسعدك ان شاء الله

بصراحه مابغيت اكلف عليك انت والوالده

عشان كذا حبيت اجي بسكااااااااااااااات

وبخصووووص اسم الروضه مدري عنكم انتم واساميكم اللي مدري كيف جاية وعلى العموم انا اسفه اذا قلت الاسم بالغلط اجل اسمها روضة الخشـــم والله من الخشوووووووووووووووم

على فكره ابشرك حصلت سنوني والعنوووووه كلها عشان ابحث عنها والحمد الله الله ماضيع تعبي .

وابشرك بعد الابل بخير وعافيه مع هالربيع اللي يشرح الخاطر وماوصيك عليهم بين فتره وفتره مر عليها يالجنوبي وشيك على صحتها ولو ادى الامر الا اهمال بقرك الزم ماعلينا نياقنا ....


\


قلب الاسد

افا بس ماهقيتك انك توقف على الوحده وبعدين مستكثر علي ست اسطر كتبها لي الجنوبي مكان هذا العشم ولاتنسى انا في هالمنتدى اخووووووه ولا تجمعنا سوى الاخوه الصادقه والطاهره
وصف النيه واترك الغيره عنك يااااااادب كسرة بخاطري بردك تهي تهي تهي أخس عليك يوااااد!!!!


بخصوص الجامع الديره مانتبهت بس اللي اذكره اول مادخلت شفت مسجد كبير مره اعجبني كثيررر


وهم بعد عندكم شلالا مره حلو وجلساتكم اللي اقبال الشلال مره حلوه يعني بصريح العبااااااره مدينتكم راااايقه الله يهنيكم فيها
.
.
.

الجنوبي \ قلب الاسد


اتمنى انكم تمثلوووووووون ديرتكم بروحكم الحلووووووووووووه وهذا العشم فيكم


دمتم بخير ودام تواصلكم بهذا الجمال والعذوبه

[مرعب النفوس]

http://smiles.al-wed.com/smiles/60/7094.gif


يا أختي الغالية ((ســـــــــحــــايــــب صــيــف))


أختي لقد مدحتي تمير وأهله وهم البين أنهم يستأهلون كل خير
وش ذا الصدفة الحلوة يعني يوم الخميس كان مسوي خير وجامعنا مع بعض ونحن لاندري ياخسارة كان عزمناكم وتغدينا وأياكم سوي لا أننا كنا في الروضة متغدين نحن وربع من أهل تمير الطيبة
أنتبهي المرة الجاية أعطينا رسالة تخبرينا فيها لكي نقوم بفرش الأرض بالورد ونرشها بماء االزعفران والريحان.
.



http://www.lail-alsahara.com/smileys/da3awya/94.gif
لكِ ارق وأعذب تحية من اخيكِ في الله......................مرعب النفوس

[سحايب صيف]

ههههههههههههههههههههههههه


يامرعب النفوس



عاد تدري كأني شفتك اول مادخلت الروضه مدري قلبي قال يابنت شوفي ذااااااااااااك تراه مرعب النفوس ...


المهم ماحصل الا الخير ياالطيب


وابشر اذا كررت الزياره راح ابلغ جميع من في المنتدى عشان تسون وكب لاستقبالي << صاحبة سمو ملكي على غفله


بس ترى اذا ماسويتم استقبال يليق فيني ولا ترى بزعل


.

.

أهــــل تمــــير , ومـــدينة تــــمير , ومنتدى تمير


.

.


غالين علي


.

.

عشان كذا

.

.

اتمنى ان الصوره والانطباع اللي صورته في مخيلتي انه مايتغير

وان شاء الله من الاجمل الى الاطيب الى الافضل



تحياتي لمرورك اخي الكريم

[SA136AD]

ما شاء الله سحايب صيف شرفت تمير بزياره ماني مصدق

حياك الله اختي سحايب فتمير هي مدينتك الثانية وبيتنا هو بيتك الثاني

ياليت تعيدين الزياره وتشرفين تمير بزياراتك المباركه

بس ياليت زيارتك كانت قبل في وقت الربيع والخضار الزين كان تنفتح نفسك لتمير أكثر

بس ماعليه حتى يوم الخميس كان الجو رائع خصوصاً بعد امطار الاسبوع الماضي

وبالنسبه لأهل تمير فهم على ماهم عليه ما راح يتغير فيهم شيء إلا إلى الافضل بأذن الله

تقبل تحيه معطره مني
سعد

[سحايب صيف]

سعد

الله يعطيك العافيه على هالمرور الرائع اخوي


وان الله كتب لي راح ازورها ليما اشبع منها


والله يديم عز تمير واهل تمير ومنتدى تمير



تحياتي لك يالطيب

[ابو مشعل]

اهااااااااا
سحايب صيف في تمير
وانا اقول ليش الديره منورررررره
0
0
0
0
0
0
0
0
0
00
0
ويوم جيتي طفت
0
0
هههههههههه
امزح
ياهلا بك في بيتك الثاني وان شاء الله انكم ارتحتوا فيها
وترى فيه اماكن احلى من الروضه بكثير
ان شاء الله المره الثانيه تكون احلى من الاولى
ويا هلا وسهلا
وكويس لقيتي ضروسك
تراهن عند باب الروضه
ههههههه

[سحايب صيف]

ابو اثير


تمير منوره بك وبأهلها يالطيب


وشاكره لك مرورك

[الطيف الأزرق]

حياك الله أختي سحايب صيف نورتي الديرة
وبالنسبة لقلب الأسد أرجو إنك ما تواخذيه الحبيب خذيه على قد نيته
ترى قلب الأسد طيب مررررررررررررررة ومشكلته اللي في قلبه على لسانه ولكِ التحايا العطرة
أخوكِ الطيف الأزرق

[سحايب صيف]

الطيف الازرق


الله يعطيك العافيه على مرورك

والديره منوره فيك وباأهلها الطيبه


دمت بخير