المتحـ2007ـد
16 / 03 / 2007, 51 : 10 PM
السلام عليكم ورحمة الله وبركاته
يالله بنـو للرعـد بــه زلازيــل
.............ينشي من القبله صـدوق خيالـه
قصيدة الشاعر القدير ابراهيم بن جعيثن .. الله يرحمه
يالله بنـو للرعـد بــه زلازيــل
...........ينشي من القبلـه صـدوق خيالـه
ينشي الضحى وهواسود كنـه الليـل
............لابرق به مثل الضـوى اشتعالـه
من واحد ما هـوب منـان وبخيـل
................رب كريـم وكـل حـي يسالـه
سيل يعم سدير مـن غيـر تفصيـل
...........عقب اربعين الحول يذكر كمالـه
يحـده الغـاط والزلفـي مشامـيـل
.............وابا ذريه والوطـي مـن سهالـه
وياطى الرويضه والحريـق مقابيـل
............وابا السروج وما انحدر من قبالـه
ووراط يحيـا بـه حـلال مهازيـل
.......حيث هو اللي ينطح السيل جالـه
والى انحدر يضفي على العوده السيل
................وتميـر ومجـزل تمـلا اهجالـه
يمطر على حرمه حقـوق مخاييـل
........يشبع به الحرفي وراعي العمالـه
يعـل وادي المجمعـه للمطافـيـل
.............وابـا الميـاه علاوتـه والسفالـه
يمطر على هدب الغروس المظاليـل
..........يحير سيله في النخـل والحيالـه
ووادي الفقي زين البساتيـن ونخيـل
....في القيض يسقي صافي من زلاله
كدادهم كنـه علـى ساحـل النيـل
.............تسمـن معاويـده ويكثـر ريالـه
يرجع سديـر ويكثـرن المحاصيـل
...........تلقى به التاجـر ينمـي حلالـه
وان جا الضعيف بارد الكف ومعيـل
.......يمشي على الرجلين ماله ازمالـه
قليل شوف يشتكي مـن ردا الحيـل
........ما له حلال ويستحي مـن ظلالـه
جـار لسمحيـن الوجيـه المناويـل
..........اهل سدير اهل السخـا والجزالـه
ربـع يسلونـه بـزيـن التعالـيـل
..............وكل يوسـع خاطـره بالنزالـه
يروح وركابه تهـادى مـن الشيـل
.........من شاف حاله قال يا كثـر مالـه
رجالهـم لـو مالـه إلا المعامـيـل
..........لابد مـع ضيفـه يسـوي جمالـه
يستاهلون المـدح جيـل بعـد جيـل
.........واللي يماريهم فهـو مـن اهبالـه
يا كثر ما مدحوا ويامـا بهـم قيـل
........للضيف راعي سدير خله إلحالـه
هشيـن بشيـن عـدال عـن الميـل
........سمحين وبضده لراعي الجهالـه
اقول شوف العين ما هـو دهاويـل
.........ما جيب لي نقل بخـط الرسالـه
وباقي العرب تلقى رجـال مشاكيـل
..............لابـد للبـارود يبـقـى حثـالـه
وصلاة ربي عـد رمـل الغراميـل
......على النبي سيـد الكـلام وكمالـه
يالله بنـو للرعـد بــه زلازيــل
.............ينشي من القبله صـدوق خيالـه
قصيدة الشاعر القدير ابراهيم بن جعيثن .. الله يرحمه
يالله بنـو للرعـد بــه زلازيــل
...........ينشي من القبلـه صـدوق خيالـه
ينشي الضحى وهواسود كنـه الليـل
............لابرق به مثل الضـوى اشتعالـه
من واحد ما هـوب منـان وبخيـل
................رب كريـم وكـل حـي يسالـه
سيل يعم سدير مـن غيـر تفصيـل
...........عقب اربعين الحول يذكر كمالـه
يحـده الغـاط والزلفـي مشامـيـل
.............وابا ذريه والوطـي مـن سهالـه
وياطى الرويضه والحريـق مقابيـل
............وابا السروج وما انحدر من قبالـه
ووراط يحيـا بـه حـلال مهازيـل
.......حيث هو اللي ينطح السيل جالـه
والى انحدر يضفي على العوده السيل
................وتميـر ومجـزل تمـلا اهجالـه
يمطر على حرمه حقـوق مخاييـل
........يشبع به الحرفي وراعي العمالـه
يعـل وادي المجمعـه للمطافـيـل
.............وابـا الميـاه علاوتـه والسفالـه
يمطر على هدب الغروس المظاليـل
..........يحير سيله في النخـل والحيالـه
ووادي الفقي زين البساتيـن ونخيـل
....في القيض يسقي صافي من زلاله
كدادهم كنـه علـى ساحـل النيـل
.............تسمـن معاويـده ويكثـر ريالـه
يرجع سديـر ويكثـرن المحاصيـل
...........تلقى به التاجـر ينمـي حلالـه
وان جا الضعيف بارد الكف ومعيـل
.......يمشي على الرجلين ماله ازمالـه
قليل شوف يشتكي مـن ردا الحيـل
........ما له حلال ويستحي مـن ظلالـه
جـار لسمحيـن الوجيـه المناويـل
..........اهل سدير اهل السخـا والجزالـه
ربـع يسلونـه بـزيـن التعالـيـل
..............وكل يوسـع خاطـره بالنزالـه
يروح وركابه تهـادى مـن الشيـل
.........من شاف حاله قال يا كثـر مالـه
رجالهـم لـو مالـه إلا المعامـيـل
..........لابد مـع ضيفـه يسـوي جمالـه
يستاهلون المـدح جيـل بعـد جيـل
.........واللي يماريهم فهـو مـن اهبالـه
يا كثر ما مدحوا ويامـا بهـم قيـل
........للضيف راعي سدير خله إلحالـه
هشيـن بشيـن عـدال عـن الميـل
........سمحين وبضده لراعي الجهالـه
اقول شوف العين ما هـو دهاويـل
.........ما جيب لي نقل بخـط الرسالـه
وباقي العرب تلقى رجـال مشاكيـل
..............لابـد للبـارود يبـقـى حثـالـه
وصلاة ربي عـد رمـل الغراميـل
......على النبي سيـد الكـلام وكمالـه