ضيف جديد يبي يسئل عن روضة نورة :)

[ssass]

السلام عليكم ورحمة الله وبركاته
كيف حالكم ياهلنا وربعنا الله
احب اهني نفسي واهنيكم على هالخير وهالمنتزهات الطبيعية الرائعة في بلدكم الغالي
اول وقبل كل شي اسجل اعجابي في هذا المنتدى والقائمين عليه
وثانيا اسجل إعجابي الشديد بالخريطة الملونة الرااااااااااااااااااااااااائعة للتمير


http://www.tumaer.com/vb/attachment.php?attachmentid=273&d=1077653625


قريت موضوعات في منتداكم عن روضة نورة ،،،

والكل والله يمدح فيها الروضة قصدي ..

* ممكن لوتكرمتم تدلوني بوصف دقيق لروضة نورة تكفا،،،
* وممكن كمان بعض الصور الحديثة عن روضة نورة تكفا،،،
*وممكن اذا فيه روضات غير روضة نورة او اقرب منها تكفا،،،
* ياليت لو فيه شقق مفروشة قريبة من المنتزهات للعوائل تكفا ترى تكفا ،،، :5:
لو يقرا الموضوع الدكتور غسان راعي شاعر المليون كان يقول : كصيدتك اشبه ماتكون بمقال في جريدة :2:
المقادير ..
((عائلة * سيارة مش دبل * بدون قارمن * معي بس خريطة تمير الملونة حقتكم :11: ))
والشكر مقدما للجمع على الجهود الرائعة
ولكم تحياتي

[الرحال999]

ياهلا بأخوي العزيز ssass نورت المنتدى

كانك مار مدينة تمير قبل كل شئ تقهو معنا ثم نوديك للي تبي

الوصف إذا كنت بالمدينة وكنت على الشارع العام ومتجه شمالاً

في مفرق بين البلدية والنادي يمين طريق مزفلت حوالي 7كيلو امسك الخط

لين يتوقف عند مزرعة الفيصلية في قبل المزرعة طريق ممهد على اليسار امسك الخط

يطلعك لريضان منها روضة محيسن وشعيب مليح والمفيض وروضة الحقاقة ويطلعك على روضة نورة

++++++++

بالنسبة للشقق فيه شقق بالديرة بتمير زينة ومرتبه

+++++++++++++++++++++

ولو كان معك قارمن كان عطيناك الأحداثيات ازين وافضل لك


وبالتوفيق اخوي ssass

[ssass]

تسلم والله اخوي الرحال
ماقصرت والله
الله يخليك ذخر ،،،
والله الاحداثيات نزلتهم من منتداكم الغالي
وياليت فيه صور للروضة
ولدي بعض الاستفسارات لوتكرمتو
انا معي سياره صفيره هل الطريق معبد والا صحراوي وكم مسافة الطريق الصحراوي
مافي طريق لروضة نورة معبد نهائي
مافي مناطق غير روضة نورة الطريق كله معبد
والخريطة فيها طريقة ممهد الى ام رجوم هل فيه روضات على طريق ام رجوم
ولكم خالص التحية والتقدير

[الرحال999]

ياهلا ssass

بالنسبة للمسافة حوالي 20 كيلو لروضة الحقاقة ونورة ماتبعد عن الحقاقة شئ

يعني حوالي 22كيلو لنورة كله طريق معبد

جنب الخط مرة مافيه إلا ريضان هليل

لكن بعد ماتطلع من مبايض فيه بحدود 3كيلو روضة القصر وعلى اليسار روضة مغامس


لكن قبل ماتطلع من البر ركب على الصغيرة كفرات بالون ولا عليك.

[نايف العز]

روضة نورة .. طريق ممسوح ياصلهـا .. تمشي معه السيارات الصغيرهـ ..

ويالغالي .. أنت وش تبي ؟؟ .. ونحن نلبي .. الشقق موجودة شقق الحبيش ..
لكن في الديرة تمير .. ما فيه شقق في البر ؟؟!!! ..

وأي مساعدة .. أخرى .. نحن حاضرين ..

[L O R D]

هلا اخوي منور يالغالي


زي ماقال لك اخوي الرحال الطريق ترووح معه السيارة الصغيرة

كثير سيارات صغيرة موجوده بالمناطق اللي ذكرة

وأما بالنسبه للشقق بتمير فهي شقق الحبيش مقابله لمستشفى تمير والمستشفى يالغالي

مقابل البنك الرجحي بالجهه المقابله فيه طريق يمكن ميه متر شمال هناك الشقق اللي تنفع لك

[ssass]

الاخوة الاعزاء
الرحال999
M5awi Tumair
مغاط جابر

مادري انا اسعد بما افدتوني ام بحضوركم وتشريفكم

كل الشكر لكم وفيتم وكفيتم

ماقول الا بيض الله وجيهكم

ولكم تحياتي