ابيات في منتدى تمير من الشاعر الوردي لاتفوتكم

[هبوب الشمال]

سلام الله على ام توتوعدد ماهل همـــــــــــــالي *** وباقة ورد مهدية لغلا جتها من الــــــــــــوردي
اشوف المنتدى مرتب صحيح بمستوى عــالي *** به السودا خفيفة دم وتعمل دايم بجــــــــــــــدي
وهادي والهبوب اللي جميع اثنينهم غـــــــــالي *** انا منيب متحفظ وبينت الكم الســـــــــــــــــــــدي
انا في منتدى لتمير دايم لو بلحــــــــــــــــــــالي *** اشوف اخبارواقراها واسجل كل ما عنــــــــــدي
مدام ان به رسايل للشباب تريح البــــــــــــالي *** عسى الله يحرس أحبابي من أهل الكيد والحسدي

ويعتذر عن ذكر البقيه لعدم علمه بهم والاسماء التي ذكرها هي ما طرق سمعه لها من خلال الاحاديث الجانبية من خلال جلساته معنا وهو يعتذر عن البقية وسيعدكم بكل ما هو جديد

للشاعر حمد المغامس ( الخطامة )

وننتظر الردود عليها

وفالكم طيب
هبوب الشمال

[السودا]

ما يستفاد من الموضوع :

واحد : انكم دايم تحشون في :
1. ام توتو
2.الغلا
3. السودا
اثنين : ان اعضاء الحشحشه وتقطيع الجلد هم
1. هبوب الشمال
2. هادي
ثلاثه : ان ام توتو عطوها هديه سلامات (يعني حتسي لا تفرحين)
اربعه: ان غلا هي المستفيد الوحيد من القصيده طلعت لها بخمطه ورد :D

لا .. الصراحه سلم لي على الوردي وقله صح لسانك

وانا لو جادت قريحتي ابرد عليه (( لا عاد هو متحمسن بالحيل قاعد يحتريتس تردين عليه ))

[راعي الرايــــه]

صح لسانك يالوردي وتسلم هبوب الشمال من جد جلست ضحك علي رد السودا لما بغيت أموت وشكلها صادقه في كل كلمه قالتها الف شكر للجميع .....

تحياتي لكم ،،،،،

[ابوريان]

تسلم يا الهبوب وسلم لي كثير على الشاعر الوردي وقل له ابوريان يدعوك للانظمام الى منتدى تمير ويهديك تحياتة وصدوق الوعد على وعدة وارجو منك اخي العزيز هبوب الشمال ان توصل له هذة الابيات


سلام الله على الـوردي هلا بك طيب الفالي &&& هلا بالجود راع الطيب عريب الخال والجدي
عرفتك في ربوع سدير ولك بالقلب منزالي &&& وانا اهــدي لك تحياتي واشواقي على قـــدي
ولك أسم تعـلى فـوق صدح من شاهق عالي &&& الى من قالوا الوردي يضيع الشعر في ردي
رسمت بشعرك البسمة زمان اول ومن تالي &&& ونبيك تزورنا بتمير ويصبح شعرنا جـدي

[هبوب الشمال]

السودا ة هين امسحى خشتك لين يكلمك

هذا مو هب مخفة مثل بعض البط ولا القطاوة وعلى فكر العصفور بردان مايطلع من عشة فى الشتاء خخخخخخ

الف شكر على مرورك ياهلا وغلا

[هبوب الشمال]

اخوى راعى الراية رايتك بيضا
ياهلا وغلا الف شكر على حضورك وتسلم

[هبوب الشمال]

ابو ريان يسلمو ويسلم عليك الشاعر الوردى

كلمتة جوال ونقلت مشاعرك لة وقريت علية القصيد ويقول ابشر بالرد

[هادي]

وين وين وين

والله صرنا مهمين ويكتوب عنا بالقصيد


الف الف الف الف شكر لكم كلكم للوردي كاتب القصيدة وهبوب الشمال والسودا وراعي الرايه وابو ريان

لكم خالص تحياتي وهذا الشعر والا بلاش

والله انكم اتحفتوا الساحة ونشطتوها وخليتوها تشتغل صح

وعلى قولي الاول
ما يصح الا الصحيح


سلام

[هبوب الشمال]

وحضورك شعلل الساحة اخوى هادى تسلم