روح القمر
15 / 01 / 2004, 58 : 03 PM
مساء/صباح الخير كلكم
الموضوع بدون مقدمات ولا بهارات
أيام زمان كنا نتجمع أنا وعيال الحارة(الحي)يقالك فسرها المهم ونلعب العبه الشعبية اللي هي الكورة في ساحة المواقف للمسجد الجامع الارضيه زفلت والشلة ما يعرفون النعال(تكرمون) إلا للمدرسة
حافين رجلين سوووووووووود وشطوب الرجلين يدخل فيها البرصي ... وأنا معروف بالطفاقه اطفق واحد في الدنيا ياااااماااااا كسرت فريقي وأنا على بالي الفريق الثاني (يقالك فاهم أصول العبه) من طفاقتي ابشوت الكوره اللي ما بعد لمستها إلا برى الملعب <ملعوب عليه يلحق كور> المهم أشوت الزفلت أو الزفت ألين ما بقا لي في رجلي الثنتين إلا ظفر واحد الله يحفضه وباقي أصابعي صلعان ..... لا والطقم فنيلة علاق مكتوب رقم 10 <على باله بيليه > وفي يوم الخميس متعودين نلعب الصبح وأنا اللي أقوم من النوم كني مقروص والبس الطقم وآخذ الكوره وركض للساحة يقالك أبسخن قبل المباراة لا يجيني شد أو تمزق <ريض على الإصابات> ويوم وصلت ولا هذي الدورية ويوقفون عندي .....خير إن شاء الله وش عندك هنيا هاااااه .... قلت أبالعب كوره وأنا أتنافض نزل علي واحد منهم ويعطيني كف حلاقه ويرجفني واجيك زاحف على راس خشمي على الأرض بيني وبينكم استحيت خفت واحد من أهل الحاره يشوفني ويفضحني وقال العسكري سكرنا أنقلع لبيتكم ولا أبسجنك وارررررركض للبيت وادخل واذكر كورتي أم ريالين طاحت مني يوم طحت على خشمي بس مقدر أجيبها ها لحين وأناظر الساعة ولا الساعة ثلاث ونص ما بعد أذنت الديكه ولا اخفي عليكم الموضوع بالي مع كورتي وشلون ابتدرب بدونها وشلون بنكسب الكاس(كاس نيدو قصدي) ومن الخوف ما قدرت أروح اصلي الفجر متوزي وجت الساعة سبع موعد الجمعة((موب صلاة الجمعة قصدي التجمع يعني)) وطلعت اتمغط يعنني توي قايم لا يدري احد ..ولا واحد من العيال يناقز ويقول حلالي بلالي لقيت كوره في الشارع <الحين وش أقول له علشان ارجع كورتي ولا معي فلوس علشان اشتري غيرها> لمحت له وقلت والله أني فاقد كورتي قال رح دورها قلت للتأكيد أخاف إنها هذي رد علي كثر منها (يعني مهوب مصدقني) الله يخلف علي راحت الكوره المهم تجمعو العيال وبدينا نلعب وسنتر سعيدان كرت الفريق الرابح وشاتها واحد ظفر وطبت الكوره عند الجيران وقالو العيال يا لله دحيم دورك (مخفه) وأنا اللي اطمر وانزل من الجدار أحس بشي يشدني بقوه لين جيت على وجهي وأناظر ولا أم الجيران وأبوهم قاعدين يفطرون ولا كأن شي صار شكلهم زاهلين الموضوع (متوكلين على احد) والتفت واشهق ذيك الشهقة شفت ولدهم المهبول جثة فيل الله لا يوريكم مكروه فيني ... ولا في عزيز عليكم واسمع العيال يقولون هاه ما لقيتا الكوره وهو يتلني بعلاقات الفنيله وأحاول افلت منه بس على مين يا عم ويبدا يصفق بي على الجدران وخذ يا صراخ يوم هجدو العيال وقعدو يتسمعون.... الملعن... ويشيلني ويلفط بي لا ويبي يطب علي زي! سنوكا! <مصارع مشهور بطباته> ويفرشني كنه يفرش سجاده ويمشي فوقي يوم توسطني حسيت بشي كنه ماء جعله للحصبة <دعوة عجز> مهبول ما عليه شرهه وامه تقول بعدي وليدي كذا نسوي بالحرامي( الظاهر يدربونه علي) وأبوه يقول بعدي أبوي لؤي هه يوم سمعت اسمه ناضر ته شوي وطرشت مهوب من الدبغ من التناسق بين الاسم وراعيه ...والله الفاضي... وقلت في نفسي يحليلك يا الدوريه كف وأنت ماشي واتصل أبوه على الشرطة قلت جا الفرج ثلاث دقايق ولاهم عند الباب .... 911 .... وفتحو الباب والعيال يناضرون من بعيد بس مهوب مره ملقف وولدهم المهبول شايلني كني دجاجه مكبوب عليها ماً باااارد(هذي التفيخة حقت أسيرة الزمن) وأتقاطر (....) يوم شافني العسكري قال أنت من قرادة الحظ عرفني ما كفاك الكف حق الفجر وينطلني ولدهم في الصندوق كنه ناطل زباله يوم دروت العيال وأنا التفت على اللي معه الكوره قلت هات الكوره ذبها من بعيد قلت العوض ولا القطيعه والتفت على المهبول وخذ الكوره وشقها راح العوض ما بقا إلا القطيعه..... يوم مشت الدوريه وأنا تأخذني الهواجيس وتجيبني ضاع الحلم <حلم الاحتراف> كنت مخطط احترف في نادي المجزل وأعلنت اعتزالي <<مصدق عمره >>
ونستفيد من هذي القصة انك ما تنط عند الجيران مهما كان السبب واحترام الجار
وسلامتكم ....
هالمرة عااااااااد مافيها سحبات;)
الموضوع بدون مقدمات ولا بهارات
أيام زمان كنا نتجمع أنا وعيال الحارة(الحي)يقالك فسرها المهم ونلعب العبه الشعبية اللي هي الكورة في ساحة المواقف للمسجد الجامع الارضيه زفلت والشلة ما يعرفون النعال(تكرمون) إلا للمدرسة
حافين رجلين سوووووووووود وشطوب الرجلين يدخل فيها البرصي ... وأنا معروف بالطفاقه اطفق واحد في الدنيا ياااااماااااا كسرت فريقي وأنا على بالي الفريق الثاني (يقالك فاهم أصول العبه) من طفاقتي ابشوت الكوره اللي ما بعد لمستها إلا برى الملعب <ملعوب عليه يلحق كور> المهم أشوت الزفلت أو الزفت ألين ما بقا لي في رجلي الثنتين إلا ظفر واحد الله يحفضه وباقي أصابعي صلعان ..... لا والطقم فنيلة علاق مكتوب رقم 10 <على باله بيليه > وفي يوم الخميس متعودين نلعب الصبح وأنا اللي أقوم من النوم كني مقروص والبس الطقم وآخذ الكوره وركض للساحة يقالك أبسخن قبل المباراة لا يجيني شد أو تمزق <ريض على الإصابات> ويوم وصلت ولا هذي الدورية ويوقفون عندي .....خير إن شاء الله وش عندك هنيا هاااااه .... قلت أبالعب كوره وأنا أتنافض نزل علي واحد منهم ويعطيني كف حلاقه ويرجفني واجيك زاحف على راس خشمي على الأرض بيني وبينكم استحيت خفت واحد من أهل الحاره يشوفني ويفضحني وقال العسكري سكرنا أنقلع لبيتكم ولا أبسجنك وارررررركض للبيت وادخل واذكر كورتي أم ريالين طاحت مني يوم طحت على خشمي بس مقدر أجيبها ها لحين وأناظر الساعة ولا الساعة ثلاث ونص ما بعد أذنت الديكه ولا اخفي عليكم الموضوع بالي مع كورتي وشلون ابتدرب بدونها وشلون بنكسب الكاس(كاس نيدو قصدي) ومن الخوف ما قدرت أروح اصلي الفجر متوزي وجت الساعة سبع موعد الجمعة((موب صلاة الجمعة قصدي التجمع يعني)) وطلعت اتمغط يعنني توي قايم لا يدري احد ..ولا واحد من العيال يناقز ويقول حلالي بلالي لقيت كوره في الشارع <الحين وش أقول له علشان ارجع كورتي ولا معي فلوس علشان اشتري غيرها> لمحت له وقلت والله أني فاقد كورتي قال رح دورها قلت للتأكيد أخاف إنها هذي رد علي كثر منها (يعني مهوب مصدقني) الله يخلف علي راحت الكوره المهم تجمعو العيال وبدينا نلعب وسنتر سعيدان كرت الفريق الرابح وشاتها واحد ظفر وطبت الكوره عند الجيران وقالو العيال يا لله دحيم دورك (مخفه) وأنا اللي اطمر وانزل من الجدار أحس بشي يشدني بقوه لين جيت على وجهي وأناظر ولا أم الجيران وأبوهم قاعدين يفطرون ولا كأن شي صار شكلهم زاهلين الموضوع (متوكلين على احد) والتفت واشهق ذيك الشهقة شفت ولدهم المهبول جثة فيل الله لا يوريكم مكروه فيني ... ولا في عزيز عليكم واسمع العيال يقولون هاه ما لقيتا الكوره وهو يتلني بعلاقات الفنيله وأحاول افلت منه بس على مين يا عم ويبدا يصفق بي على الجدران وخذ يا صراخ يوم هجدو العيال وقعدو يتسمعون.... الملعن... ويشيلني ويلفط بي لا ويبي يطب علي زي! سنوكا! <مصارع مشهور بطباته> ويفرشني كنه يفرش سجاده ويمشي فوقي يوم توسطني حسيت بشي كنه ماء جعله للحصبة <دعوة عجز> مهبول ما عليه شرهه وامه تقول بعدي وليدي كذا نسوي بالحرامي( الظاهر يدربونه علي) وأبوه يقول بعدي أبوي لؤي هه يوم سمعت اسمه ناضر ته شوي وطرشت مهوب من الدبغ من التناسق بين الاسم وراعيه ...والله الفاضي... وقلت في نفسي يحليلك يا الدوريه كف وأنت ماشي واتصل أبوه على الشرطة قلت جا الفرج ثلاث دقايق ولاهم عند الباب .... 911 .... وفتحو الباب والعيال يناضرون من بعيد بس مهوب مره ملقف وولدهم المهبول شايلني كني دجاجه مكبوب عليها ماً باااارد(هذي التفيخة حقت أسيرة الزمن) وأتقاطر (....) يوم شافني العسكري قال أنت من قرادة الحظ عرفني ما كفاك الكف حق الفجر وينطلني ولدهم في الصندوق كنه ناطل زباله يوم دروت العيال وأنا التفت على اللي معه الكوره قلت هات الكوره ذبها من بعيد قلت العوض ولا القطيعه والتفت على المهبول وخذ الكوره وشقها راح العوض ما بقا إلا القطيعه..... يوم مشت الدوريه وأنا تأخذني الهواجيس وتجيبني ضاع الحلم <حلم الاحتراف> كنت مخطط احترف في نادي المجزل وأعلنت اعتزالي <<مصدق عمره >>
ونستفيد من هذي القصة انك ما تنط عند الجيران مهما كان السبب واحترام الجار
وسلامتكم ....
هالمرة عااااااااد مافيها سحبات;)