قصيدة ياسر التويجري الرائعه في برنامج شاعر المليون

[تميراوي الرياض]

قصيدة ياسر التويجري الرائعه في برنامج شاعر المليون

--------------------------------------------------------------------------------

السلام عليكم ورحمة الله وبركاته

بدون مقدمات اتمنى لكم قراءة ممتعه مع رائعة الشاعر العبقري ياسر التويجري في برنامج شاعر المليون .


&&&&&&&&&&&&&&&&&&&&&&&&&

ولدت ساطي ومتغطرس وأحب الخصام
============ ولا أعترف في إدارة طبع والا مدير

أوجدت نفسي من اللاشي والانعدام
============ نبذت فالمجتمع لاني صريح وفقير

ماكان تفكيري الا كيف أخطف السنام
============ والحمد لله خطفت اليوم كل البعير

إن لم يكن مركزي بالصف الاول أمام
============ ماعاد تفرق معي لو كنت قبل الاخير

الله أكبر ولله البقاء والداوم
============ وهو الاله الأوحد وهو السميع البصير

أخذت من مدرسة أحمد عليه السلام
============ ما لا خذيته من مخاوى وزير وأمير

وأخذت من تجربة عبدالعزيز الامام
============ وش يصنع العلم لا خاواه سيف شطير

واخذت من فلسفة هتلرعدم اللالتزام
============ وكسبت نفسي وريحت القلق والضمير

وابشرك حالتي دايم على ما يرام
============ من ركعتين الفجر الين بعد الاخير

صحيح عندي تحفظ على بعض الانام
============ مثل معمر وابو مازن وتوني بلير

لكن انا ما احب اقلل الاحترام
============ واذهب ضحية طموح الغرب وانا صغير

قومية المسلمين اللي عليها الكلام
============ راحت معا خالد وعمرو وعلي والزبير

الله ولا ذل والتخوين والانهزام
============ ياعابدين العروش الوضع جدا خطير

يابو خلف كيف حالك عل حالك تمام
============ انسى القصيدة وهات علوم اخوي الكبير

شيخ عرفته وتقريبا لي اربع اعوام
============ يومني اجيه لا جاير ولا مستجير

يشوقني له نشوق الوسم عقب الحيام
============ في صفرة جوها ماهو بفية هدير

الشيخ ابو خالد محمد عداه الملام
============ اللي يصير من الاصرارمالايصير

حد الثماله اعزه لا علي الحرام
============ اني احبه وحبٍ لودرابه يطير

يطير مثل الوحش لاضف ريشه وحام
============ وحول على الذايره بالجو مثل المغير

ان الملوك اذا اعطوك حب وغرام
============ خلوك من سائر الخدام يعني خفير

الا انت يا راعي التقدير والاهتمام
============ ياللي رحمت الصغير وشلت هم الكسير

اذا البلاط الامير والكنب والرخام
============ له شاعر يدهله في صبح والا عصير

فانا دهلت الثريا والقمر والغمام
============ وحولت اداهم طرف مشلحك مالي خشير

كفرت بالناقصه والغدر والانتقام
============ وامنت بانك حزامي بالنهار العسير

من لايقدر ثباتك مع عكاك الزحام
============ ماهوب والله مقدر ويش معاني جرير

ياراس عيطا يمسك البدء قبل الختام
============ يالنادر اللي على صيد المكارم شهير

يالمهدي المنتظر بالحاجتين الجسام
============ المادة المسكته والاخذ بيد الضرير

ياسيدي ودي افهق لك ضلوع العظام
============ واعطيك شي بصدري وانت رجل خبير

انا تراني اعاني نوب من انفصام
============ يوثرعلى البرمجة في راسي المستدير

واصير احس اني البارود والا الحسام
============ في ساحة الشعر من تبوك لاقصى عسير

مما يسبب لبعض اعدائي الاحتدام
============ اللي يحسبون قرض الشعر مثل الشعير

والشعر وان كانه المقصود باول مقام
============ فالله يرحم ابو الطيب ويرحم زهير

روح التنافس وحب الشيخ والانضمام
============ ماهي بتعني لدى الكثرة نهاية مصير

والشاعر اللي معه عزوة خوال وعمام
============ تفداه وايل وترقب مستعدة مطير

والله فلا ينقهروالا يضيق ويضام
============ لاجاء اللززوالملاقى والقبس والنذير

وجمع الدراهم ماهي باكبر طموح الغلام
============ اللي جمع من قلوب الناس شي كثير

من حبني رغم تفويتي له الانخدام
============ واللي كرهني فهذا شخص ملعون صير

دام المعارك صغيره ماعلينا لزام
============ ينوب عن سيفي البتار اصغرجفير

قرات فيما قراته من بلوغ المرام
============ اللي ترك شي لله عاضه الله بخير

منقوووووول

[L O R D]

مشكور تميراوي الرياض


وننتظر جديدك


مغاط جابر

[توأم الجود]

حياك الله اخوي تميراوي الرياض و مشكور على هذه المشاركة و هذا الموضوع ؛
لا يختلف احدا منا على ان ياسر التويجري شاعر على مستوى عالي من الشعر ؛ لكن ؛؛؛؛
تمعن معي :
أوجدت نفسي من اللاشي والانعدام
======================
وايضا عندما تطرق للمهدي المنتظر
======================
في البيت الاول سبق لاحد الشعراء العرب ( الكبار ) ان جاء ببيت مشابه له تماما و على ما اظن ( ان لم تخني الذاكره ) انه قد تم تكفيره على هذا الكلام ؛
اما في تطرقه للمهدي المنتظر ؛ فالمهدي المنتظر يعتبر ( اسما علم ) فقد عرف ؛ و ليس ( نكره ) فيعمم فلذلك لا يجب التطرق له على اساس انه اسم عموم و لايجوز ان ياتي به الشاعر في هذا المكان فالاسم علم و له مكانته الخاصة
---------------------------------------
لا اعتقد ان الشاعر قد قصد هذه المعاني التي تؤخذ من قصيدته فهو ابن الاسلام لكنه قد يكون جهل منه ؛ و قد يكون اراد ان يقول ان شعره ابرزه في الساحة لكنه خانه التعبير فوقع في غلطه يجب ان يعلن فيها الندم و التوبه
تحياتي

[سحايب صيف]

تسلم يمينك اخووي


وياسر التويجري شاعر قوي له مكانته في الساحه الشعريه


صح السانه ابو محمد ويستاهل التصفيق له وبقوووووووه


وخاصه على بيته هذا ...

والشاعر اللي معه عزوة خوال وعمام

============ تفداه وايل وترقب مستعدة مطير

صح السانه مليون ونعم فيك يالبناخي

وصراحه انا شفت بعض المواقع لقبوه بألقاب مخزيه مثل

الشاعر المتسول \ والطرار

وكل هذا بسبب جرأته وذكائه

متناسين بأنهم جميعاً يتسابقون من اجل كسب المليون

لكن على قولت المثل الرازق بالسماء والحاسد بالارض

تحياتي

[الرحال999]

تسلم اخوي تميراوي الرياض على النقل المميز

لك كل الشكر والتقدير

دمت بخير وفي أتم صحة وعافية

[ملك روما]

ماشاءالله عليك ..أختيار موفق بارك الله فيك ..


صح لسان الشاعر ..


تحياتي لك ..


أخذت من مدرسة أحمد عليه السلام
============ ما لا خذيته من مخاوى وزير وأمير

[عاشق العالمي]

تسلم اخوي تميراوي الرياض على هذة المشاركة المميزة

[المتحـ2007ـد]

مشكور اخوي تميراوي الرياض على النقل الراااااااااااائع

[الجنوبي 2000]

مشكور اخوي الغالي تميراوي الرياض على هذا الموضوع ويعطيك الف عافية

قومية المسلمين اللي عليها الكلام
============ راحت معا خالد وعمرو وعلي والزبير

الله ولا ذل والتخوين والانهزام
============ ياعابدين العروش الوضع جدا خطير

[تميراوي الرياض]

مشكور اخوي الغالي مغاط جابر على مرورك ومشاركتك
0000000000000000000000000000000000

[تميراوي الرياض]

هلا بالغالي توأم الجود مرورك وتعقيبك محل تقدير واحترام

000000000000000000000000000000000000000

[تميراوي الرياض]

اختى سحايب صيف صدقتى فيما قلتي وانا اوفقك الرأي 100/100
00000000000000000000000000000000000000

[تميراوي الرياض]

مشكور اخوي الرحال على مرورك ومشاركتك
000000000000000000000000000

[الطيف الأزرق]

قصيدة راااائعة والشاعر ياسر عرف وله الكثير من القصائد
التي تؤيد شاعريته وقد سطع نجمه في مدة وجيزة

[تميراوي الرياض]

مشكور اخو ي ملك روما على مرورك ومشاركتك
00000000000000000000000000000000000000