يا قلب

[ولدعنبر]

يا قلب تستاهل على كثر ما جـاك
................... ذوق الجفا من صاحبـك والمذلـه

كم قلـت لـك ياقلـب يامانهينـاك
...................عساك يا قلب الشقى بألـف علـه

خليتنـي يـا قلـب لعبـه لهـذاك
.....................الصاحب الـي بـاع حبـك وتلـه

لو كان حبك صدق ما كان يعصاك
...................حتى كلامي ناعس الطـرف ملـه

مالد في جرحك ولاهمـه رضـاك
.................وأقفى ولكن الشقـي فـي محلـه

مسكين يا قلبـي تجـرع خطايـاك
................اشرب مرار الحب واليـأس كلـه

اشرب عذاب اللي هقيتـه بيمنـاك
...............الصاحب اللي داس قـدرك وذلـه

انا عزيـز النفـس كلمـه تعـداك
................اقولها يـا قلـب والحـزن خلـه

من بـاع ودك ثـم قفـى وخـلاك
................ خله بدربـه وأنـت دربـك تدلـه

وان عاد يطلبك العفـو ويترجـاك
................ هـذي وصيتـي يـا قلبـي وقلـه

قله ترى ما عاد أبي حب شـرواك
........... فطمت قلبي عن هوى اللـي يذلـه

دنياي ما سارت على كيف دنيـاك
............ جرحي كبير وخل جرحي على الله

خلاص قلبي عاف حبك وطريـاك
...............أقولهـا عبـر ألنـت والمجـلـة

وأعاهدك في كل ما قلت لك جـاك
............... يـوم الغـلا منتـه بكفـو تشلـه


مـــــنـــــقـــــول

[UMTUTU]

تسلمووووووووو على النقل الجميل

اختيارك حلو مثلك


والله اذواقكم يا اهل الشعر زينه بالحيل


تحياتي لكم

ام توتو

[راعي الرايــــه]

صح لسانك ولسان الشاعر ويعطيك الف عافيه على الأختيار الحلو .

وصدق من قال /

من لا يحطك راس ماله وهو حي ........ سلم عليه وبلغه بموت الأحساس

تحياتي لك ،،،،،

[هادي]

تسلم يا ولد عنبر على هذي القصيده وعلى حسن اختيارك لها

شكلك راعي ذوووووووووق في الاختيار واحاسيسك قريبه من احاسيسنا

تنق لنا كل زين وجبه


سلام

[هبوب الشمال]

تسلم اخوي ولد عنبر

كلمات جميلة ومعبرة

شكرا لك على حسن الاختيار

وتحياتي لك

هبوب الشمال

[ولدعنبر]

مشكورين على مروركم على مشاركتي

وتسجيل أعجابكم بها

ولاهانت ايديكم على ماتكتبونة من كلام

جميل كما تعودنا منكم

وتقبلوا خالص احترامي

أخوكم

ولدعنبر