كيف تنصب خيمة لوحدك

[المعاصر]

كيف انصب الخيمة لوحدي ؟؟
سؤال دايم على بالي ..

إذا ما كان معك احد أو اضطريت تطق الخيمة وانت لحالك أو كان معك تنابلة الواحد مايشيل الشوكة من رجله وتبي تنعمهم وتخيم لهم أو معك بزرانك إن كان عندك بزران وتبي تكشت بهم وتطق الخيمة ...... وش تسوي ؟؟

طبعا الخيام فيها الصغير والوسط والكبير ..

الكبير قد يكون من الصعب جدا ان تنصبها لوحدك ..

والصغيره من السهل نصبها ..

والوسط ممكن نصبها لكن ببعض الصعوبة - حسب تصوري - والطريقة كالآتي :

1- افرش الخيمة على الأرض واجعلها مشدودة الزوايا قدر الإمكان - طبعا بدون رواقات - .

2- مدد الحبال وطق الأطناب على بعد مترين إلى مترين ونصف من الخيمة أو حسب حجم الخيمة وطول الحبال ( والمسافة ممكن تعرفها بالتجربة والقياس إذا كانت الخيمة منصوبة تناظر كم بعد الطنب عن الرواق وتحفظه ) ثم اربط الحبال بالأطناب بدون شد يعني خذ احتياط رفع الخيمة بدون الرواق ( وممكن ايضا تعرف ذلك بالقياس إذا كانت الخيمة منصوبة بحيث إنك تقيس طول الحبل من مربطه بالخيمة إلى مربطه بالطنب ) .

3- احفر مكان العمود أو الأعمدة قدر شبر تقريبا والخيمة مازالت مفروشة على الأرض .

4- ابدا برفع الخيمة ووضع العمود وإذا رأيت لزوم شد الحبل فشده أو ارخه .

5- إذا قامت الخيمة على العمدان يبقى الرواق .. الآن ارخ الحبال شوي وركب الرواق ثم شد الخيمة على الآخر ..

هذي طريقة نظرية ماجربتها انا لكن خطرت ببالي .. وسلامتكم

منقول


المعاصر
حائل

[اتيكا]

طريقه حلوة وسهله النصب الخيمه

والله يعطيك العافيه أخوي المعاصر على هالنقل الجميل

والحقيقه أنه قرب الخروج لتنزة والطلعات بعد نهايه الأختبارات

والناس محتاجين لمثل هذة المواضيع المفيدة


وتقبل التحيه

[المعاصر]

الف شكر لك اخوي اتيكا

وهذا اقل شي يمكن اقدمه لكم


المعاصر
حائل

[المعاصر]

للرفع لعل الله ينفع به

المعاصر
حائل

[هادي]

جزيت خيراً

والموضوع مهم للغايه

وانت اوفيت بالشرح المفيد

وربي ما يحرمك الاجر ولا الثواب

سلام

[المعاصر]

مشكور اخوي هادي

وحنا بخدمكتم


المعاصر
حائل