(سارة)

[في الصميم]

ياقلب كم لك وانـت مـن حـال فـي حـال =من شفت (سارة) وانت حالتك حاله
أنـــا مـعــك حـلــوة ونظـراتـي هـبــال =بـس الغـرام الصعـب مـالـك ومـالـه
ذي عنـدهـا لـكـزس وسـايـق وجـــوال =وأنـا كـورولا .. لا وبإسـم الوكـالـه
سـواقـهـا فـــي ذمـتــي يـاكــل أثــقــال =كلّه عضل شف كيف يرفع شمالـه!!
تـعـوّذ مــن إبلـيـس ذي دونـهـا رجــال =وأنــا مكـسّـر خـــل مـنــك الهـبـالـه
تـسـكـن بـفـلّـة ماتجـيـلـك عـلــى بـــال =شغل أجنحة .. ماهو مقلّـط وصالـه
مصـروفـهـا يـكـفـي ثـمـانـيـن رجّــــال =ياشيـخ أبـوهـا مــادرى كــم حـلالـه
حتـى أمهـا ياصاحـبـي حـرمـة أعـمـال =واخوانهـا .. كـلٍ غنـي فـي مجـالـه
إعـقـل يـبـو .. بيحـلّـهـا ألـــف حـــلال =أنــا أطـلــب الله وادّعـيــه وأسـالــه
إسهـر وفـل حـجـاج نبـضـك وإذا طــال =فيك السهر .. ارقـد مثـل منـت دالـه
وش غيّرك ! .. قد كانت أوضاعنا عال =لارحم أبو (روبي) على (البرتقالـه)
خـلّــوك لـلـحـسـرة والآمــــال حــمّــال =حتـى غديـت بداخـل الـصـدر عـالـه
حتـى هلـي مــن شافـنـي منـهـم قــال =لا يـابــري حـالــي ويـاوجـدنـا لـــه
ياقـلـب تـكـفـى وش مـعــك والتـخـبّـال=إلعـن ابليـس وكــب مـنـك الخبـالـه

[الرحال999]

حتى هلـي مـن شافنـي منهـم قـال=لا يابـري حالـي وياوجـدنـا لــه
ياقلـب تكفـى وش معـك والتخبّـال=إلعـن ابليـس وكـب منـك الخبالـه


مشكور اخوي في الصميم على القصيد

فلك جزيل الشكر

[الجنوبي 2000]

صح لسانك ومشكور على هذا القصيده الرائعة منك يا الغلاي