تستاهلون يأهل تـــمـــيــر......؟

[راعي الرايــــه]

* تستاهلون يأهل تـــــمـــيــر،،،،،

الرايه البيضاء لكم يأهل تميـــــر
والطيب والنوماس تستاهلونـــــــه
تستاهلون المدح في كل تعبيـــــر
ونشيد بالطيب الي تفعلونــــــــــــه
صفوة رجال من رجال مناعيــــر
اختارو منزل العلا ينزلونـــــــــــــه
خويهم يلقا معزة وتقديـــــــــــــر
والا تقاعس بينهم يسندونـــــــــــه
بيوتهم مفتوحة للمخاطيــــــــــــر
والباب ماهي عادة يقفلونــــــــــــه
شيبانهم متحمله للمخاسيــــــــــر
والمال لا جا واجبه يرخصونـــــــه
وشبابهم على المراجل مغاويــــر
طموحهم حتى القمر ياصلونــــــــه
وليا حضرو عندك وجيه مسافيـر
أمر وما تامر به ينفذونـــــــــــــــه
يوم الجناح مبلل الريش مايطيــر
صارو لنا فزعه ونخوه وعونـــــه
يوم الليالي لاقحات معاشيـــــــــر
قامو لنا في كل مايملكونــــــــــــه
عاشرتهم مدة ولاشفت تقصيـــــر
ورجالهم يعطيك حتى عيونــــــــه
أدعي لهم مع كل الأبواب تيسيــر
واللي زرعوا ياعلهم يحصدونـــه
عسى مراويح السحاب المباكيـــر
لصار فوق تمير تمطر مزونـــــه
تمطر على دار ذكرناه بالخيـــــــر
عشنا بها ماقد شفنا الهونــــــــــه
يكسي اراضيها النفل والنواويـــر
والفقع قدام بيوتهم يلقطونـــــــــه
يكسي تمـير وكل شبر من سديــر
والمملكة يضفي على أربع ركونه
انهي كلامي بذكر من يرزق الطير
وصلوا على اللي امته يتبعونـــــــه
،،،،،،،،،،،،،،،،،،،،،،،،،،،،،،،،،،،،،،،،
شـــــعر الشاعـــر / ســليمـــان الهـــــويدي ( رحمه الله

[هادي]

تسلم يمينك راعي الرايه اللي سطرت فيها هذي الابيات الجميله

والشكر للشاعر سليمان الهويدي رحمة الله عليه
القصيد يبقى وصاحبه تحت الارض مدفون

جزيت بالخير يالهويدي *** سطرت شعر للعرب منقول


سلام

[ولدعنبر]

صح لسانك ولسان شاعرها

ويعطيك العافيه على نقلها لنا

ولا تحرمنا من مشاركاتك

الي مثل كذا وربي يسلمك

[راعي الرايــــه]

هذا أقل شي نقدمه لكم ياحبايي والله يقدرني على الأحسن والأجمل وصدقوني أنكم تستاهلون وهذا والله ماهو حقكم يا أهل تمير ومنتدى تمير ولكم تحياتي ،،،،

والله لو اني عند التمارى عزوبي ،،،،،،، إن كان ما أمسي ليلة ماتعشيت
متحاوشين تمير سبعة دروبــــــي ،،،،،،، مامنهم اللي قال للضيف مليـت