في الصميم
04 / 10 / 2006, 06 : 03 AM
قالـت الله لايهينـك أنـت خابرنـي بدويـة =ماأحب اللي يمسس غترتـه ويضبـط عقالـه
انـا ودي ببـدوي(ن) يمشـي بدمـه حميـة =لاتعـزوا بالقبيلـه كلهـم صـاروا عيـالـه
البدوا غالين عندي لو حصـل منهـم خطيـه =الولد فيهم يساوي شيـخ ٍ بجاهـه ومالـه
قلت انـا انعـم وأكـرم ماكذبتـي ياأجوديـه =سجـل التاريـخ عنهـم البطولـه والجمالـه
لكـن الله لايهيـنـك لاتناسـيـن البقـيـه =الحضر رجالهم ياوسع صدره وطـول بالـه
في المواقف انشديني مايتخلـى عـن خويـه =لافزع ماعاد يدري مـن وراه ومـن قبالـه
وضيفهم يبشـر بعـزه والوفـا والمقدريـه =كل واحد يسبـق الثانـي ولا نـدري بحالـه
قالت اكبر عيب فينـي يالحضـر النرجسيـه =ماأظن احـد ٍ بيغنينـي بطبعـه أو جمالـه
انا احـب اللـي زهابـه حاجتيـن وبندقيـه =يفتخر بالذود ويسرح كل يوم ٍ فـي حلالـه
وان لفاه الضيف شاف الفرق شاف الناس حيه =بدوي(ن) صوت نجره اطرب الطرقي وعنا له
قلت انا ليه اختلقتي فـرق وسويتـي قضيـه =الكبر لله والمؤمـن ضعيـف بـراس مالـه
يابدويه الجروح اللـي مـن اسبابـك نديـه =والخفوق اللي تحرى جيتك يامـا جـرا لـه
والعيون اللي تمنت شوفتـك صـارت شقيـه =والفراق اللي بليـا ذنـب يذبحنـي رحالـه
قالـت الله لايعاقبنـي انـا بنـتٍ بريـه =من السوالف كلها والحب وين اللي وفـى لـه
ياولـد لاتحسـب انـي جاهلـه والا غبـيـة =الهوى ماهو كذا والحـب انـا مابـي مجالـه
انا اخوي لياقال اخو فلانه عرفت اني بدويـة =تجتمع روس العرب له من يمينه ومن شمالـه
الشاعر/بند الرشود
انـا ودي ببـدوي(ن) يمشـي بدمـه حميـة =لاتعـزوا بالقبيلـه كلهـم صـاروا عيـالـه
البدوا غالين عندي لو حصـل منهـم خطيـه =الولد فيهم يساوي شيـخ ٍ بجاهـه ومالـه
قلت انـا انعـم وأكـرم ماكذبتـي ياأجوديـه =سجـل التاريـخ عنهـم البطولـه والجمالـه
لكـن الله لايهيـنـك لاتناسـيـن البقـيـه =الحضر رجالهم ياوسع صدره وطـول بالـه
في المواقف انشديني مايتخلـى عـن خويـه =لافزع ماعاد يدري مـن وراه ومـن قبالـه
وضيفهم يبشـر بعـزه والوفـا والمقدريـه =كل واحد يسبـق الثانـي ولا نـدري بحالـه
قالت اكبر عيب فينـي يالحضـر النرجسيـه =ماأظن احـد ٍ بيغنينـي بطبعـه أو جمالـه
انا احـب اللـي زهابـه حاجتيـن وبندقيـه =يفتخر بالذود ويسرح كل يوم ٍ فـي حلالـه
وان لفاه الضيف شاف الفرق شاف الناس حيه =بدوي(ن) صوت نجره اطرب الطرقي وعنا له
قلت انا ليه اختلقتي فـرق وسويتـي قضيـه =الكبر لله والمؤمـن ضعيـف بـراس مالـه
يابدويه الجروح اللـي مـن اسبابـك نديـه =والخفوق اللي تحرى جيتك يامـا جـرا لـه
والعيون اللي تمنت شوفتـك صـارت شقيـه =والفراق اللي بليـا ذنـب يذبحنـي رحالـه
قالـت الله لايعاقبنـي انـا بنـتٍ بريـه =من السوالف كلها والحب وين اللي وفـى لـه
ياولـد لاتحسـب انـي جاهلـه والا غبـيـة =الهوى ماهو كذا والحـب انـا مابـي مجالـه
انا اخوي لياقال اخو فلانه عرفت اني بدويـة =تجتمع روس العرب له من يمينه ومن شمالـه
الشاعر/بند الرشود