هاضــني بــرق تـلالا يوم لاحـك

[ابوريان]

يا صباح الخير يسعد لي صباحك &&& من شعاع الـنور في وجهك يبيني

ما عـرفـتـك يـوم لفـيتي وشـاحك &&& حد عـيـنك واضـح في وسـط عيني

من تبسمتي اشوف السن ضاحك &&& يا عـسى مـن ضحـكـته قلـب يليني

هاضــني بـرق تــلالا يـوم لاحــك &&& نـوض بـراق لـمع فـوق الـجـبـيني

واكتفيت بصورة تعـكس شـعاعك &&& عـلـهـا تــبري جــروح فـي كـنـيـني

ما عرفت اليوم جـدك من مزاحك &&& يـوم بـانـت لــي عـلـومك اعـذريني

ارحـمي قـلـب تعـلق فـي ريـاحـك &&& واسـتـشـف بـعطر وردك يا ضنيني

يا عـسى ربـي يـردك في مـراحك &&& أفــرح بـشـوفـك تــرد الـروح فيني

قـلت بعـد الـيوم يكفـيـني سماحك &&& ما غــلطـت بقــولــتي لك سامحيني


شــعــــــــر ابــــــــو ريـــــــان

[قناص]

يا عـسى ربـي يـردك في مـراحك &&& أفــرح بـشـوفـك تــرد الـروح فيني

قـلت بعـد الـيوم يكفـيـني سماحك &&& ما غــلطـت بقــولــتي لك سامحيني

ابو القصيد
والله كثر المدح والكلام ماعد يكفي ولا يعطيك حقك يابو ريان لاكن سامجنا على القصور
hamad

[نقا هشال]

ابوريان

صح لسانك

[ابوريان]

HAMAD صدقني هدفي الوحيد المشاركة معكم وتقديم ما لدي من قصائد امل ان تحوز على رضاكم 0

راعي تمير ما عليك زود يا الغالي 0

[ابوريان]

ام توتو الغريبة ان اسمك ضمن الردود لكن مشاركتك غير موجودة بالموضوع هل المشكلة من السيرفر الجديد

[هادي]

الله اكبر عليك

وش هالكلام الزين

وش نجازيك به يا ابو القصيد

وحنا نعتذر لك عن الخطا اللي صار وسامحنا


اخوك هادي



سلام

[راعي الرايــــه]

صح لسانك يا أخوي وآلف آلف آلف شكر على هذا الأداء المتميز
وأتمنى المزيد ولك تحياتي ،،،،،،