كلام في كلام......

[في الصميم]

البارحه في يوم عشرة يناير ......................ثارت على الراس المحمك ثواير ..

حاولت اغير بالزمان المغاير .......................ولا حصل لي شي غير اللذي صار ..

الله يعزك ياقضية فلسطين .........................من اربعينك الين سبعه وستين ..

ومن اولك الين بكره وبعدين .......................لولاك كان تضيع نشرات الاخبار ..

حنا عرب نعم عرب يا أوروبا .........................ماعندنا الا جبن ولا مربا ,,

والشخص منا لاتبين تغبا .........................وهذي سياسه للهدو قبل الاعصار ..

سيوفنا وقت الملاقا شطيره .....................يعني على ماقيل مثل الشطيره ..

وهذا دليل(ن) مع نقاء السريره ......................والله يجيب الخير ويطيح الامطار ..

سلام يابوش الابن يالمبدى ........................ياللي على كل المبادي تعدى ..

طيب ...ولو نعم ربعي تردى .................................وقدامنا جله وقدامنا نار ..

ياكندليسه رايس اهلن وسهلين ......................يام الجمال اللي يهز السلاطين ..

عنجك ذبح له فوق خمسة ملايين ....................هذي ضحايا والضحايا بك كثار ..

فخامت الرئيس حسني مبارك ..........................يحفظ جزء عم وينسى تبارك ..

وأكبر دليل انه يقود المعارك ................................مو اقفه لاجات حزات الاخطار ..

القاهرة بلد حظاري وبطران ..................................فيها البنات انواع واشكال والوان ..

من هارديز الين ميدان لبنان ...........................وأحسن بنات اللي يجن طرق وصغار ..

ورموشهن شبرين وعيونهن سود ......................وأنعم من الديباج وأرهف من العود ..

لباس من حلوى وحجان وخدود ..................كسلات في الممشى وفي الغنج شطار ..

أنا هناك يمكن قبل أربع اعوام .........................رحت اتمشى عند هامات الاهرام ..

وركبت مع تكسي وقدام قدام .................................حتى تعدينا بقاله ودوار ..

وجينا وأثر فيها خيولٍ عربيات ............................أجدادها قد شاركت في الغزوات ..

ايجارها يمكن باربع جنيهات ..................................وزود صفر ولاتدقق بالاسعار ..

أخذت لي خيلٍ وكرباج وأقفيت ........................يعني على قولة عنيت وتمشيت ..

وياليتني مع المقادير ماجيت ................................لا رأيت اللي يهستر بالانظار ..

فيه البنات يسابقن الرياجيل ..............................اللي عليهم ضيقات البناطيل ..

فوق الخيول يجاذبن المواويل ..............................مهار لكن فوق قبات الامهار ..

غازلت لي وحده ولاعبرتني ................................حلوه وفيها من ملامح برتني ..

وأقفيت اشيل الهم من فوق متني .....................عقب ماقالت لي حيوان وحمار ..

وأنا مانيب انسان واطي وسافل ...........................أنا من اللي يحكمون القوافل ..

أحيان مكفول(ن) وأحيان كافل ...........................أكره ماشوف الظلم والذل والعار ..

أبترك الموضوع وأدخل بموضوع ..............................دام ان صوتي عند الاجواد مسموع

نبينا محمد ولاهوب ياسوع .................................المصطفى الهادي شفيعٍ للابرار ..

لو انتحر صدام من قبل ينهان ....................................وخلى المشاكل كلها فوق برزان ..

مكان مصخر به قدم كل الاعيان ................................عزيز قومن ذل بيدين الاقدار ..

سبيس تون ان كان في الناس حيره.........................أفضل بواجد من قناة الجزيره

تضحك الورعان بوقت الظهيره ...............................وهذي تبكينا اليا جت الاخبار ..

ختامها مدري وش اقول ولكن ................................ماحب انا أسمع اغنية الاماكن ..

من ثقل همن بين الاضلاع ساكن .........................الله يحرول ساق رجلي عن النار

[عذب القوافي]

هذي قصيدة ياسر التويجري في مصر و اللي طردوه بسببها لانه بصراحة استخف دمه و قام يتكلم و يحط على مصر الشقيق دون احترام كما هي عادته متكبر و متغطرس اجل يوصف الرئيس حسني باخس الاوصاف ثم يتفاخر في نفس القصيدة انه مغازل بنت و ماعطته وجه
مشكور اخوي في الصميم ان بينت لنا القصيدة الكامله لهذا المستهتر

[الجنوبي 2000]

مرحبا اخوي مهند ومشكور على القصيده وهذا ياسر التويجري في لقاء له يقول انا ما احب البنات ولا اوطنهم والحين يقول اغازلهم يعني كلام متناقض منه

هذا مغرور ويحب نفسه

اخوي مهند لا تزعل انا اعبر عن الشاعر ومشكور على جهودك معنا في المنتدى

[الجنوبي 2000]

مرحبا اخوي مهند ومشكور على القصيده وهذا ياسر التويجري في لقاء له يقول انا ما احب البنات ولا اوطنهم والحين يقول اغازلهم يعني كلام متناقض منه
هذا مغرور ويحب نفسه
اخوي مهند لا تزعل انا اعبر عن الشاعر ومشكور على جهودك معنا في المنتدى

[في الصميم]

الجنوي انت في عقلك والا تمزح...............
................ اللي هذا المشرفين مالك عتب على الاعضاء