وش نزل لاريام وكلودا الشمالي ؟؟

[السنافي]

شاعرا ً قام يتوجد في كلامه = ويتعجب وش جرى فالوقت تالي
قال وين المرجله وين الشهامه= راحت الايام بزحول الرجالي
مابقى غير النطيحه والفدامه = الشباب اللي تربى بالدلالي
لو يلبس له على وجهه لثامه = كان لا شفته تصوت له تعالي
تحسب انه بنت من زود الرخامه = ويتمكيج لو حصل ولد الحلالي
يحسب انه عيب لو يلبس عمامه = حط طربوشه على راسه ومالي
رح وناظرهم على طعس الثمامه= تدري ان الناس واطيها الهبالي
الشباب اليوم حده واهتمامه = وش نزل لاريام وكلودا الشمالي
ضايعا ً ومضيعه شلة خمامه = ما حسب للمقبلات من الليالي
دام ابوه موسده ريش النعامه = موتر وجوال وفي جيبه ريالي
ماعليه من النقيده والملامه = لو يماشي له من الناس الحثالي
وقتنا هذا تغير في نظامه = والشباب اليوم ماخذها تسالي
ازحف وتنحف ويالله السلامه = جيلا ً مكربن عساهم للزوالي
التطور ما فهمنا وش مرامه = نحسبه في الجنز وفي لبس البدالي
عندنا التقليد صار اكبر علامه= ضاعت الطاسه نحسب المر حالي
الغراب اللي يبي مشي الحمامه= ضيّع الثنتين ألا ياهملالي
ياجماعه لا تضيعنا الغشامه = لا تضيعنا خنازير الضلالي
ياجماعه مابقى غير الكرامه= كان راحت فالبسوا سود الشيالي
عزام الخريف

[عز الخوي]

صح لسان الشاعر عزام الخريف

قصيدة جزله

[المتحـ2007ـد]

دام ابــوه مـوسـده ريــش النعـامـه *موتـر وجـوال وفـي جيبـه ريـالـي
ماعلـيـه مـــن النـقـيـده والـمـلامـه * لو يماشـي لـه مـن النـاس الحثالـي


صح لسانك وتسلم يا شاعر تمير

[الطيار]

السلام عليكم . . . ..



صح الله لسانك



قصيده في وفتها



الطيــــــــــــار

[عاشق الازرق]

السنافي والشعر الجزل لا يفترقان ،،
اقتنصت المعنى الأثقل والأجمل لتضعه لنا في قالب شعري لا يقل ثقلا ولا جمالا...
مزيدا من الروائع ايها الرائع !!

[الجنوبي 2000]

ياجمـاعـه مابـقـى غـيـر الكـرامـه

كان راحت فالبسوا سـود الشيالـي

صح لسانك ياابو عبدالله

مشكور اخوي السنافي على هذا القيده الرائعة جدا وما قصرت يالغالي

[مرعب النفوس]

اخووووووووووووووي الغالي السنافي لك الف الف الف الف الف مليون

على هذا النقل المميز

قصيدة جميلة ومن رجل شاعر متمكن الله يوفقه للخير

تحياتي للجميــــــــــــــــــــــــع.................مرع ب النفوس

[هلالي محارب]

صح لسانك شاعر تمير الاول ليس له منازع عزام بن عبدالله الخريف قصيدة رائعة.

اخوك/ هلالي محارب.

[السنافي]

أشكر جميع الاخوان كلا ً باسمه اللي شرفوني بمرورهم وتعليقهم

وابشروا بالخير ان شاء الله

[مخاوي ظفار]

ودي اموت اليوم وأعيش باكر!!
وأشوف منهو بعد موت فقدني!!
ومنهو حملني لين ذيك المقابر!!
وأشكر انا كل من كرمني ودفنني!!
شخص تعنالي حتى ولو هو مسافر!!
شخص قريب وللأســــــف ماذكـــرنني!!
ومنـــهو يـــرتب غـــرفتـــــي والــدفاتـــر!!
وان شاف صـــــورة لي صـــاح وحضننــي!!


منقولـــــة
اخوكم مخــــــاوي ظفــــــار (الوحيــــــــد)

[الدبلوماسي]

صح لسانك يا السنافي على هذه الرائعه والتي تحكي واقع شبابنا هذا اليوم

تغيب ولكنك عندما تحضر تأخذ كل الأماكن

[عز الطلب]

خشمك يالسنافي،،
عز الله انها قصيدة مليانة !!
صح لسانك وبيض الله وجهك...

[أبو سعود]

صح السانك يالسنافي قصيدة ممتازة و معبرة لواقع موجود .

[السنافي]

الدبلوماسي

عز الطلب

ابو سعود

صحت ابدانكم والله يبيض وجيهكم ومروركم وتعليقكم شرف اعتز فيه

الله لا يهينكم ..........

[فتى تمير]

صح لسان صح لسان >>>>>>>>>>>>>>>>>>>>>>>>>>>>>>>>

[السنافي]

صح بدنك يافتى تمير

واشكرك على المرور والتعليق

تقبل تحياتي

[تميراوي الرياض]

ياجمـاعـه مابـقـى غـيـر الكـرامـه
كان راحت فالبسوا سـود الشيالـي

قمة انت في الشعر اخي الغالي عزام وكم اتمنى لقياك بعد طول غياب

[رفيع المقام]

السنافي
:
:
اسم لامع بـ منتديات تمير
فـ اذا اردنا الابداع نجده بـ متصفحك

فـ لله درك
على هذه الابيات التي تسطر من ذهب
على شباب اليوم

فـ صح لسانك يالغالي
ولاهنت على ماتسطره من ابداع

وعساك عـ القوة دوم


محبك:
رفيع المقام

[السنافي]

القمه هو حضورك اخوي تميراوي الرياض

وان ماتلاقينا في الدنيا الله يجمعنا بك في دار كرامته أمين

[السنافي]

رفيع المقام على اسمك

صح بدنك ويشرفني تواجدك

والله يقويك اتمنى ان نرى مشاركاتك على صفحات ساحه الشعر

[ابو مشعل]

صح لسانك يالسنافي
وما قصرررررررررررررررت
يالغااااااااااااااااااالي

[حمدتو]

تسلم يمين الناقل والقائل
صورة مع التحية لبعض شباب اليوم
تسلم والله يالسنافي
وعسى ينجي عيالنا وعيال ربعنا واللي يعزون علينا
وألا شباب اليوم عسى الله يخلف على الأمة

[السنافي]

صح بدنك يابو اثير

وياهلا بك وشكرا على المرور والحضور الدائم

[السنافي]

وانت سالم وغانم ياحمدتو

الله يستر على عيالنا والله الهادي

شاكر لك هذا الحضور

[راعي الوسيعة]

صح لـــسانك

وتــــــسلم يمينـــــك ياأبن العـــم

[السنافي]

صح بدنك ياراعي الوسيعه

وشرفني مرورك الطيب

[ولي العهد]

الغـراب اللـي يبـي مشـي الحمامـه
............ضــيّــع الثـنـتـيـن ألا يـاهـمـلالــي
ياجـمـاعـه لا تضيـعـنـا الغـشـامـه
............لا تضيـعـنـا خـنـازيـر الـضـلالـي
ياجمـاعـه مابـقـى غـيـر الكـرامـه
............كان راحت فالبسـوا سـود الشيالـي


صح لسانك يالسنافي،،،،،،،


والقصيده في غايه الروعه.....



ولــــ العهد ـــــــي

[شموخ أنثى .ღ.}]

قصيدة قوووووية جدااا وجزلة

صح لسانك اخوووووووي الشاعر

وماشاء الله كل اهل تمير اهل شعر

[الشمالي]

صح لسان شاعرنا الكبير ابو عبداللة والقصيدة رائعة عسى ان يستفيد منها شباب اليوم نسال اللة لنا ولهم الهداية وجميع المسلمين ودائمن شاعر متآلق اللة يعطيك العافية

[العضيد]

صح لسانك يالسنافي ،،،،،،،،،،،،


وبيض الله وجهك،،،،،،،،،،،،،،،،،،،