مخاوي سدير
24 / 06 / 2006, 35 : 01 PM
جلسه بين عشاويين << مكثرره قعده مع العجز
--------------------------------------------------------------------------------
السلام عليكم ورحمة الله وبركاته
:
يالله حيهم كلن باسمه
:
مبطيييين عنكم من زماان بس خلااص عطلت واخيراً يعني ابشروا برزة الفيس
عندي كم سالفه وكالعاده من جدي والله اعلم ان كان صادق والا يهك علي هذا على حسب ضميره هو مالي دخل
:
إن كيد الرجال عظيم
يقولون إن كان في واحد عنده محل وكاتب على المحل من برا " إن كيد الرجال عظيم "
جت وحده مرت من عند المحل وقرت الكلام ودخلت للمحل وقالت للرجال ليش كاتب على محلك كذا ؟؟
قال معرووف ان الرجال كيده أقوى من الحرمه وسكتها بكم كلمه
قالت طيب اسمع انت متزوج ؟
قال : لاء
قالت : طيب انا وحده توني صغيره وبنت حموله وانت رجال منعم عليك الله بكل شيء
فوش رايك تاخذني؟؟ " هنا الراوي الي هو جدي شك يقول مدري هي ورته وجهها او لا "
المهم ان الرجال وافق قالت له اسمع ترا ان رحت بيقولك ابوي اني معاقه واني مااسمع ولا اشوف وولا اتكلم
واذا قالك تبيها قل ما يخالف ابيها بالي فيها
قال الرجال طيب ..
وراح وخطب بنت الناس وقاله ابوها ترا البنت ماتشوف قال ما يخالف طيب ماتسمع قال ميخالف
ياابن الحلال مقعده والا مصر انه ياخذها
قال ابوها خلااص أجل على بركة الله
ويوم اعرس عليها والا ان البنت صدق معاقه وولا تدري وين ربي حاطها فيه
توهق الرجال وقعد بها مايقدر يرجع البنت بيت اهلها وهي بنت ناس اجاويد وينقدون عليه الناس انه ماخذها كذا بس
ولا عرف وش يسوي
المهم راح الرجال لمحله وهو ضايقن صدره وصار من يصبح لين يمسي وهو بذا المحل من ضيقت الصدر
ويوم من الايام جته الحرمه الي جت بأول القصه وقالت هااه ياابو فلان وش اخبارك عقب العرس
قال : توهقت ومدري وش اسوي بس ليش سويتي فيني كذا
قالت : شف انا الي دخلتك بذا المشكله وانا الي بطلعلك منها بس على شرط
قال : الي تبين بس فكيني من ذا السالفه
قالت : تمسح الي كاتبه على باب محلك عشان تعرف ان الحريم كيدهم اعلى من الرجال
وقالت له اسمع عقب ما يرجعون الناس من الصلاة ابيك تروح تقعد عند باب الشيخ " ابو البنت "
وتقعد ترب الدلال ( يعني تحكها وتلمعها ) واذا قالك شيء قله كذا وكذا وكذا ..
وراح الرجال بعد الصلاة وقعد عن باب النسيب وقام يرب بذا الدلال ويوم شافه قاله وش تسوين يافلان
قال: مثل ماانت شايف
قال : لا مايصير تسوي كذا انت ماخذ بنتي وش تبين الناس يقولون
قال : هذي شغله ابوي وجداني قبلي ولااقدر اخليها
قال : ياابن الحلال يمين يساار ماافي قال اقولك طلق بنتي بس
وطلقها
:
يادليم قل هلا
هذا تقدر تقول مثل او مقوله صارت مشهور تضرب للي مهوب كفون للشيء الي هو فيه او يسويه << فهمتوا شيء
وقصته هي ان كان في واحد صار له منصب ما وعنده عبد اسمه دليم ومن كثر ماهو شايفن نفسه ومهوب كفوا للمنصب الي هو فيه
ان حتى اذا دخل عليه احد يتعيجز يرحب فيه ويقول ميد عبده يادليم قل هلا
(( هذي برواية جدي بس شكيت بسالفته وقلت بدور عنها وطلعت لي ذا السالفه كامله ولا ادري عن صحتها ))
يقولون ان السالفه صارت بين واحدن يقاله حسـين بن دعســان الدويش المطيري
وابن شعلان .. وكان ابن شعلان يعيش عيشه خاصه ومتعود على انه ما يرد السلام على الي سلم عليه ويوكل رده
لواحد من اخوياه اسمه دليم ويقول " يادليم قل هلا " الين ماصارت هذي سجيته مع الي مايعرفه والي يشوفه انه اقل منزله
وكان حسين بن دعسان الدويش على خلاف مع قبيلته فراح لمضارب بن شعلان يقعد عندهم كم يوم
ويوم راح بن دعســـان عندعلى بن شـعلان وسلم عليه قال بن شـــعلان كالعـــاده (( يادليم قله هلا ))
ومعلوم ان بن دعسـان من قبيلة عزيزة وتغلب عليها عزة النفس وهي قبيلة مطيــــر فما اعجبه الكلام
وأنشد يقول :
ياليتنـي ما جـيت خــازن ســــلامـه
اما نهجــت يســـار والا على يميـــن
امـا على الجــــربا مســـفح يـدامـه
والا لخــو بتــلا صعــوط المجــانين
من ذاق ركـب الكــور عاف المسـامـه
ومن رافق الدوشـــان عاف الشــعاليـن
والله اعلم
:
عاد مادام ان الموضوع انحااق ابووه ماتدري هو امثال والا قصص والا اشعار بعميها بذا النهايه
قصة الشاعر والذيب
كان الشاعر صقر النصافى-رحمه الله واسع الخيال فتخيل يوم انه صادق ذيب وقام يسولف معه ويسأله عن محبوبته ويرد على لسان الذيب فكانت هذي القصيده الرائعه
الشاعر:
يا ذيب وش علّمك تهيض السانى ××× بعواك يوم ان المخاليق غافين.
الذيب:
انا بلايه قو جوع حدانى ××× الليل قمرا والضوارى فواطين.
الشاعر:
ياذيب حسّك فى منامى شعانى ××× لولا الحيا جاوبت صوتك بصوتين.
الذيب:
عزى لمن مثلى جداه اقنبانى ××× ماله جدا والناس ما هم بمعطين.
الشاعر:
ياذيب ياللى بالخلا ما تدانى ××× ما شفت لى حول الثميله ابويتين .
الذيب:
مريت لى بيتين يا مودمانى ××× عنها شمال وفى ظبطها مقيمين .
الشاعر:
ياذيب ما قاربتهم باختلانى ××× يا كود تبخص فى فريق اريش العين.
الذيب:
انا الذى من شاف زولى نحانى ××× ما احرزت اجيهم خابر غيبهم شين.
الشاعر:
يا ذيب ما عينت صافى الثمانى ××× عند الغنم والاّ يرد البعارين.
الذيب:
انا ما اعرف الصاحب المرحبانى ××× والناس واجد والعذارى مزايين.
الشاعر:
ما رّيته ياذيب عوده ليانى ××× والنور بين اقذيلته والحجاجين .
الذيب:
هذاك انا قبل امس شفته وجانى ××× من كثر دمعه محفى محجر العين .
الشاعر :
الله يوفقك الشياه السمانى ××× من مال كرهين الوجيه البخيلين .
اخوكم / مخـ سديراوي
--------------------------------------------------------------------------------
السلام عليكم ورحمة الله وبركاته
:
يالله حيهم كلن باسمه
:
مبطيييين عنكم من زماان بس خلااص عطلت واخيراً يعني ابشروا برزة الفيس
عندي كم سالفه وكالعاده من جدي والله اعلم ان كان صادق والا يهك علي هذا على حسب ضميره هو مالي دخل
:
إن كيد الرجال عظيم
يقولون إن كان في واحد عنده محل وكاتب على المحل من برا " إن كيد الرجال عظيم "
جت وحده مرت من عند المحل وقرت الكلام ودخلت للمحل وقالت للرجال ليش كاتب على محلك كذا ؟؟
قال معرووف ان الرجال كيده أقوى من الحرمه وسكتها بكم كلمه
قالت طيب اسمع انت متزوج ؟
قال : لاء
قالت : طيب انا وحده توني صغيره وبنت حموله وانت رجال منعم عليك الله بكل شيء
فوش رايك تاخذني؟؟ " هنا الراوي الي هو جدي شك يقول مدري هي ورته وجهها او لا "
المهم ان الرجال وافق قالت له اسمع ترا ان رحت بيقولك ابوي اني معاقه واني مااسمع ولا اشوف وولا اتكلم
واذا قالك تبيها قل ما يخالف ابيها بالي فيها
قال الرجال طيب ..
وراح وخطب بنت الناس وقاله ابوها ترا البنت ماتشوف قال ما يخالف طيب ماتسمع قال ميخالف
ياابن الحلال مقعده والا مصر انه ياخذها
قال ابوها خلااص أجل على بركة الله
ويوم اعرس عليها والا ان البنت صدق معاقه وولا تدري وين ربي حاطها فيه
توهق الرجال وقعد بها مايقدر يرجع البنت بيت اهلها وهي بنت ناس اجاويد وينقدون عليه الناس انه ماخذها كذا بس
ولا عرف وش يسوي
المهم راح الرجال لمحله وهو ضايقن صدره وصار من يصبح لين يمسي وهو بذا المحل من ضيقت الصدر
ويوم من الايام جته الحرمه الي جت بأول القصه وقالت هااه ياابو فلان وش اخبارك عقب العرس
قال : توهقت ومدري وش اسوي بس ليش سويتي فيني كذا
قالت : شف انا الي دخلتك بذا المشكله وانا الي بطلعلك منها بس على شرط
قال : الي تبين بس فكيني من ذا السالفه
قالت : تمسح الي كاتبه على باب محلك عشان تعرف ان الحريم كيدهم اعلى من الرجال
وقالت له اسمع عقب ما يرجعون الناس من الصلاة ابيك تروح تقعد عند باب الشيخ " ابو البنت "
وتقعد ترب الدلال ( يعني تحكها وتلمعها ) واذا قالك شيء قله كذا وكذا وكذا ..
وراح الرجال بعد الصلاة وقعد عن باب النسيب وقام يرب بذا الدلال ويوم شافه قاله وش تسوين يافلان
قال: مثل ماانت شايف
قال : لا مايصير تسوي كذا انت ماخذ بنتي وش تبين الناس يقولون
قال : هذي شغله ابوي وجداني قبلي ولااقدر اخليها
قال : ياابن الحلال يمين يساار ماافي قال اقولك طلق بنتي بس
وطلقها
:
يادليم قل هلا
هذا تقدر تقول مثل او مقوله صارت مشهور تضرب للي مهوب كفون للشيء الي هو فيه او يسويه << فهمتوا شيء
وقصته هي ان كان في واحد صار له منصب ما وعنده عبد اسمه دليم ومن كثر ماهو شايفن نفسه ومهوب كفوا للمنصب الي هو فيه
ان حتى اذا دخل عليه احد يتعيجز يرحب فيه ويقول ميد عبده يادليم قل هلا
(( هذي برواية جدي بس شكيت بسالفته وقلت بدور عنها وطلعت لي ذا السالفه كامله ولا ادري عن صحتها ))
يقولون ان السالفه صارت بين واحدن يقاله حسـين بن دعســان الدويش المطيري
وابن شعلان .. وكان ابن شعلان يعيش عيشه خاصه ومتعود على انه ما يرد السلام على الي سلم عليه ويوكل رده
لواحد من اخوياه اسمه دليم ويقول " يادليم قل هلا " الين ماصارت هذي سجيته مع الي مايعرفه والي يشوفه انه اقل منزله
وكان حسين بن دعسان الدويش على خلاف مع قبيلته فراح لمضارب بن شعلان يقعد عندهم كم يوم
ويوم راح بن دعســـان عندعلى بن شـعلان وسلم عليه قال بن شـــعلان كالعـــاده (( يادليم قله هلا ))
ومعلوم ان بن دعسـان من قبيلة عزيزة وتغلب عليها عزة النفس وهي قبيلة مطيــــر فما اعجبه الكلام
وأنشد يقول :
ياليتنـي ما جـيت خــازن ســــلامـه
اما نهجــت يســـار والا على يميـــن
امـا على الجــــربا مســـفح يـدامـه
والا لخــو بتــلا صعــوط المجــانين
من ذاق ركـب الكــور عاف المسـامـه
ومن رافق الدوشـــان عاف الشــعاليـن
والله اعلم
:
عاد مادام ان الموضوع انحااق ابووه ماتدري هو امثال والا قصص والا اشعار بعميها بذا النهايه
قصة الشاعر والذيب
كان الشاعر صقر النصافى-رحمه الله واسع الخيال فتخيل يوم انه صادق ذيب وقام يسولف معه ويسأله عن محبوبته ويرد على لسان الذيب فكانت هذي القصيده الرائعه
الشاعر:
يا ذيب وش علّمك تهيض السانى ××× بعواك يوم ان المخاليق غافين.
الذيب:
انا بلايه قو جوع حدانى ××× الليل قمرا والضوارى فواطين.
الشاعر:
ياذيب حسّك فى منامى شعانى ××× لولا الحيا جاوبت صوتك بصوتين.
الذيب:
عزى لمن مثلى جداه اقنبانى ××× ماله جدا والناس ما هم بمعطين.
الشاعر:
ياذيب ياللى بالخلا ما تدانى ××× ما شفت لى حول الثميله ابويتين .
الذيب:
مريت لى بيتين يا مودمانى ××× عنها شمال وفى ظبطها مقيمين .
الشاعر:
ياذيب ما قاربتهم باختلانى ××× يا كود تبخص فى فريق اريش العين.
الذيب:
انا الذى من شاف زولى نحانى ××× ما احرزت اجيهم خابر غيبهم شين.
الشاعر:
يا ذيب ما عينت صافى الثمانى ××× عند الغنم والاّ يرد البعارين.
الذيب:
انا ما اعرف الصاحب المرحبانى ××× والناس واجد والعذارى مزايين.
الشاعر:
ما رّيته ياذيب عوده ليانى ××× والنور بين اقذيلته والحجاجين .
الذيب:
هذاك انا قبل امس شفته وجانى ××× من كثر دمعه محفى محجر العين .
الشاعر :
الله يوفقك الشياه السمانى ××× من مال كرهين الوجيه البخيلين .
اخوكم / مخـ سديراوي