حدوني على ركب الغمارة وأنا أبغي فوق

[النادر]

القصيدة لها اكثر من قصه لكن الصحيح والعهده على الراوي هذا واحد يحب له وحده والوحده
هذي راكبه فوق صندوق السياره وهو نزلوه في الغماره غصب عنه وهاضت مشاعره بهالقصيدة

أنا في العشي ذبيت في عالي الصاعوق
تخلف هواجيسي وكني على ملة

أنا هاضني لين أودع القلب فيه فتوق
خلوج ولدها عقب فرقاه مختلة

بعد هاضني لعب الحمامة مع الغرنوق
على كل غصن ترفع الصوت وتشله

ليا شفت طيرٍ يكسر الحوم قمت أتوق
أباري لطير الجو وأسير في ظله

أنا لازم أرسل كتاب مع ماثوق
مع الطارش ابن حمود يوصله عبدالله

فيا زوع قلبي زوع طير طليق سبوق
شهر في خضيرا الجو يكفخ ورا ظله

حدوني على ركب الغمارة وأنا أبغي فوق
أبي مقدم الصندوق وإلا على السلة

معي دفتر الرخصة وأنا ما عرفت أسوق
ولا جيـت أبشري موتر ما ورد كله

وإذا صبوا لي الفنجال الأول وماله ذوق
أبي ثاني الفنجال من صافي الدلة

أقلط على الضيفة وأنا شفي المفهوق
أبي قسمي اللي راعي البيت يفطـن له

وأنا لا تذكرته يهايف بي الطاروق
جبرني على الروحات صوبة وأنا أدله

هني واحد ماهوب عاشق ولا معشوق
ولا يشحنه فرقا ولا البعد عن خله

[سُلاَفْ القَصِيدْ]

وأنا لا تذكرته يهايف بي الطاروق
جبرني على الروحات صوبة وأنا أدله

هني واحد ماهوب عاشق ولا معشوق
ولا يشحنه فرقا ولا البعد عن خله
.
.
الله ع جمال آلآبيات ..
اختيار جميل آخي النادر دائما تتحفنا بكل ماهو جميل .. تسسلم آلآيادي ..

[النادر]

وأنا لا تذكرته يهايف بي الطاروق
جبرني على الروحات صوبة وأنا أدله

هني واحد ماهوب عاشق ولا معشوق
ولا يشحنه فرقا ولا البعد عن خله
.
.
الله ع جمال آلآبيات ..
اختيار جميل آخي النادر دائما تتحفنا بكل ماهو جميل .. تسسلم آلآيادي ..

حياك الله سلاف وشكرا لحضورك
وتعديل على القصه حسب رواية الوالده الله يطول بعمرها ان هالشخص حب له وحده
وراح يخطبها من اهلها ورفضو يعطونها البنت هذي وحدوه على الكبيرة وعشان كذا كتب القصه
والبيت هذا يشرح المعنى
وإذا صبوا لي الفنجال الأول وماله ذوق
أبي ثاني الفنجال من صافي الدلة
وعافاك ربي على المتابعه