احذر من اللي لازعل ينكر الطيب

[النادر]

احذر من اللي لازعل ينكر الطيب
جنب مخاواته وجنب حياته

انا خذيت من الزمن والتجاريب
ان الخوي لاخان توجع عصاته .

وش لك بخوه كل ابوها عذاريب !
لاتامنه لو شفت ضحكت شفاته

البعد ماهو عيب تدري وش العيب ؟
انك معه بالعيب تسوي سواته !

لاحتاجلك جالك ولا احتجته يغيب
وليا نصيته صد وابعد مباته

من لايعدك بالغلا والمكاسيب
عيب عليك تلاحقه من غلاته !

ماشره على غيري ولا لي مطاليب
وكنيت عن درب الردى والشماته

انا وفيت لشخص خلاني غريب !
والله ماخلا سوى ذكرياته

مانتظر طيبه ولا ودي يطيب
ماحتجت له وانا السبب في نجاته !

ماقصد احد واللي فهم عقله يصيب
هذي وصاة اللي ترك لك وصاته

[» اِلـَوَفْآءْ بـِنْـتْ]

الله الله ،
دايماً أختيارتكَ تحاكي الواقعَ .. أبياتَ منْ ذهب .. !
تسلمَ يّمناكَ يّ الطيب ،

[سُلاَفْ القَصِيدْ]

آبدآع .. كلمات من ذهب .. صــح لسآن شاعرها
اهنيك آخي النادر ع الذوق في الانتقآء .. الله لآيحرمنا هالحضور ..

[النادر]

الله الله ،
دايماً أختيارتكَ تحاكي الواقعَ .. أبياتَ منْ ذهب .. !
تسلمَ يّمناكَ يّ الطيب ،

الله يسلمك ويسعدك شكرا لحضورك الجميل

[النادر]

آبدآع .. كلمات من ذهب .. صــح لسآن شاعرها
اهنيك آخي النادر ع الذوق في الانتقآء .. الله لآيحرمنا هالحضور ..

شكرا لحضورك والذوق تفاعلك وتواجدك الدائم