تغافل خاطري شوقاً من السجه يجيه اجفال ,,

[سُلاَفْ القَصِيدْ]

.,



تغافل خاطري شوقاً من السجه يجيه اجفال
وأنا رغم أني أخافه من الوحشة تلقيته


يجوز أنه نفذ صبري ولا لي حيلتن واحتال
أو أن ودي ب طاريه ومشتاق وتباطيته


أحبه وأدري انه حبه مثل ماهو وانا لا زال
أكـابد مابقـى منه على شيئاً تمـنيته


شعوري له لاهو يكتب ولا يقراء ولا ينقال
عجز فيه القصيد وفكره المعنى وقافيته


دعيته وانقطع صوتي وانا ادعي يا خلي البال
ترا صوت الوله يأخذ من المشتاق عافيته


تعال أفرد لك آضلوعي مكان ومنزل ومدهال
وأخذ كل الشعور اللي جمعته لك وخليته


لا تركلني على حسب الظروف ورنه الجوال
وانا مافيه شيئاً ما تحايلته وسويته


ولا تلحقني دهر زرعاً تركت أرضه جفاء وإهمال
مادام أنك الوحيد اللي في يدك الماء ولا أسقيته


عفاك الله من وجدي عسا يعفيك لبس الشال
من اللي خلف لبس الشال لا أظهرته ولا أخفيته


وعفاك الله من المنحر لا شع به البياض وعال
ومن ظلمه سواد اللي على الامتان هليته


كبر عينك وصغر شفاك وطول العنق أبو سلسال
وخصراً من ظماره كآنك لا اشبعته ولا أرويته


عذاب أشفوف وحرقه جوف ضيقه صدر ونكست حال
جزاء من وقف لشوفك على الدرب وتعديته


يقولون الرجل المشتاق يبني الوصل مهما طال
وأنا أقول الرجاء لا طاولة مده هدم بيته


,.
https://safeshare.tv/x/jasQBJiE3jo (https://safeshare.tv/x/jasQBJiE3jo)

لــ الشاعر .. حمدان المري ❤

[» اِلـَوَفْآءْ بـِنْـتْ]

الله الله على جمالَ حمدانْ وقصيده ،
كلَ الشكرَ ي الغالية ..!
لاهنتِ

[سُلاَفْ القَصِيدْ]

الله الله على جمالَ حمدانْ وقصيده ،
كلَ الشكرَ ي الغالية ..!
لاهنتِ
والشكر لك على حضورك الغالي ياغاليه ..
ويــآهلآ فيك ..

[ملامح صادقه]

الله الله ع جمال القصيد

ابدعتي بانتقاءك المميز

دائماً ذواقه في اختيارك ياقلبي

[سُلاَفْ القَصِيدْ]

الله الله ع جمال القصيد

ابدعتي بانتقاءك المميز

دائماً ذواقه في اختيارك ياقلبي
الجمال حضورك الغالي
الله لايحرمني هالحضور الجميل كجمال روووحك الطيبه ..