.صوتك اللي بقالي من ليالينا [ عاد لو غاب صوتك ويش يبقالي ♥ ]

[سُلاَفْ القَصِيدْ]

ـــــــ

صوتك اللي بقالي من ليالينا
...............عاد لو غاب صوتك ويش يبقالي

صوتك الموج والمجداف والمينا
................صوتك الناس لوني في خلا خالي

صوتك الذكريات اللي اتدفينا
.................كل ماهل شفت العيد يبدالي

صوتك بعيد مثل البعد يطوينا
.................صوتك اغليه ... صوتك يابعد حالي

من غروب الكلام لشرق اسامينا
....................ياحبيبه وصوتك عندي الغالي

سولفي ... لعنبو هــمٍ يبكينا
..................انت اقصى مدى الهقوات والتالي

مالها حد شرهتنا وامانينا
..................والمسافات قشرى مالها والي

يقبل الليل لامرفأ ولامينا
...............عاد لو غاب صوتك ويش يبقالي

♥

[النادر]

صوتك بعيد مثل البعد يطوينا
.................صوتك اغليه ... صوتك يابعد حالي

من غروب الكلام لشرق اسامينا
....................ياحبيبه وصوتك عندي الغالي

عافاك الله اختي الراقيه اختيار جميل وماقصرتي

[ملامح صادقه]

.صوتك الذكريات اللي اتدفينا
.................كل ماهل شفت العيد يبدالي

صوتك بعيد مثل البعد يطوينا
.................صوتك اغليه ... صوتك يابعد حالي


ابيات في قمة الجمال

اختيار مميز وذذوق رفيع

ماننحرم من ذوقك راقيتنا الرائعه