][ أثر الغلا يأثر على حال راعيه حاولت اكابر واتناساه واشتقت

[سُلاَفْ القَصِيدْ]

https://pbs.twimg.com/ext_tw_video_thumb/895788653049516038/pu/img/3N0ZqRsdk7IREHEt.jpg:small

,.

مال الصدف حزه وموعد وتنبيه
مجيها ماله مكانً .. ولا وقت .!

جات وجرت كنها تسوق المشاريه
وانا احتملت من المجي فوق ماطقت .!

مكتوب لاكن لـ الصدف عدت وجيه
اما ضحيه حظ .. ولا توفقت .!

مرتني الصدفه طريق مناجيه
كم مرتٍ غربت دونه وشرقت .!

شفته ولا صدقت عينٍ تراعيه
اللين فز القلب دونه وصدقت .!

دنقت خوف من العرب تلتفت فيه
ليته يحس بوجعتي يوم دنقت .!

شرعت جرحٍ داعي الشوق مبنيه
ياليتني ماوقتْ فيه .. وتحققت .!

عيفني بجرحه ولاعفت طاريه
طبت وتسامحت وتجاوزت واعتقت .!

ماعفت جرحٍ من يمينه وانا اغليه
الا وانا داري بوقعه .. الا وقتْ .!

ياحبني له خاطرٍ ... مايداريه
الله يسامح خاطري كل ما ضقت .!

أثر الغلا يثر على حال راعيه
حاولت اكابر واتناساه واشتقت .!

الوقت يكفل كل جرح ويداويه
الا الغلا جرحه اللي يبرا مع الوقت .!

ــــ
كل الود لكم

[للغايب عذر]

اختيار موفق اختي الراقية .. و كالعادة تميز وذوق رائع

شكرا لاختيارك

[سُلاَفْ القَصِيدْ]

اختيار موفق اختي الراقية .. و كالعادة تميز وذوق رائع

شكرا لاختيارك
أسعدني حضورك الراقي وأطلالتك الجميله
لاحرمنا الله تواجدك الدائم والرائع ..