ياطيب حظي كان انا حلم دنياك ياللي تقول اني أمانك وخوفك ’’]

[سُلاَفْ القَصِيدْ]

,’

ياطيب حظي كان انا حلم دنياك
ياللي تقول اني أمانك وخوفك

تحبني؟ ..أدري حكالي محياك
رعشة يدينك وارتباكة حروفك

ياللي الوفا هو بعض أصغر مزاياك
حملي ثقيل ووافياتٍ كتوفك

تشيل همي دوم كنّي أنا اياك
صارت ظروفي مو ظروفي ..ظروفك

إن جيت ابحكي عن بهاك وسجاياك
كيف اوفي أخلاقك وباهر وصوفك

وان جيت الاقي لك خطايا خطاياك
أطيب قلوب الخلق ساكن بجوفك

وشلون ما احبك وهذي سواياك؟!
وشلون ما أهديك عمري فكفوفك

ياقلب قلبي وش حياتي بلياك
تسلم عيوني دامها هي تشوفك ..


’’] http://shaqra3.net/vb/images/smilies/2.gif

[للغايب عذر]

تحبني؟ ..أدري حكالي محياك
رعشة يدينك وارتباكة حروفك


هنا خلص الشاعر كل حروف القصيدة و كتب كل شي في كلمتين .. للابداع شاعر و للذوق راقية

كل الشكر اختي الراقية

[ملامح صادقه]

ابيات مميزه كتميزك ايتها الجميله

ابدعتي بانتقاءك الرائع والجمييل

[سُلاَفْ القَصِيدْ]

تحبني؟ ..أدري حكالي محياك
رعشة يدينك وارتباكة حروفك


هنا خلص الشاعر كل حروف القصيدة و كتب كل شي في كلمتين .. للابداع شاعر و للذوق راقية

كل الشكر اختي الراقية
والشكر لك اخي للغايب عذر ع حضورك الجمييل
لاحرمني الله من هــ الحضور ..

[سُلاَفْ القَصِيدْ]

ابيات مميزه كتميزك ايتها الجميله

ابدعتي بانتقاءك الرائع والجمييل
ياهلا فيك حبيبتي منوره بحضورك الغالي ...