[صباح الغلا ] المنقي من الشك والتزوير [صباح الوفا ] ياروح روحن معذبها

[سُلاَفْ القَصِيدْ]

ـــ
,

صباح الغلآ المنقي من الشك والتزوير
صباح الوفا ياروح روحـن معذبها

غرامك وجور الوقت والبعد والتفكير
بَ دنيا العنا كيف اتحاشا مخالبها

اطرش لك اشواقي مع الشكر والتقدير
لو ان بسمة فوادي عنا الوقت ناهبها

ومع اشواق قلبي شعر ماخانه التعبير
بيـوته مثل ماجات ماني مرتبهاا ..

تهلل علي في ساَع ماجات بالتقطيـر
وانا صوب صدر الصدر واقف واقربها

واحمل عليها الشوق والعذر والتبرير
مـعَ ونةً من قاعـة القلب جاذبهاا ..

معَ عبـرةً فالحلق ما عينت تحـريـر
حجزها الحيا فالحلق والعين تسحبها

تنحنحت ما ابغيها تواصل مسيرالسير
لكن شوقي الماخوذ للعين رآح ابها

وجمت بها عيني مثل ما تجم البيـر
لذكراك ياللي عيـن خلك معاقبهاا .

خيالك علي مع كل شبة صباح ايغير
وذكراك لا جا الليل جتني ركايبهاا

خيالك مَ هـو بالطـب لكنه التـخديـر
وذكـراك طـرد رقاد عيني مطالبها

فلا مَ صبح مثل العـرب طيّب وبخير
ولاممسي مثل العـرب من سبايبها

اليا جاتك اشوااقي ترى تحتها تحذير
دخيلك اتحسبـهاا وتحسب عواقبهاا

تراني مقصر وأعترف بانقطاعي غير
[ تحمل اتجازيني إلى زآن مظربهاَ ]
ــــــ
الشاعر محمد بن حمد بن فطيس

[أبـوحـمـد]

خيالك علي مع كل شبة صباح ايغير
وذكراك لا جا الليل جتني ركايبها

قصيده جميله وذوق عالي
شكرا يالراقيه

[صمتــي ذبحنــي]

قصيده رائعه
تسلمين راقيتنا
لاهنتي ي الغلا ❤🍂

[للغايب عذر]

تهلل علي في ساَع ماجات بالتقطيـر
وانا صوب صدر الصدر واقف واقربها


ابدع الشاعر و خط كلمات شاعرية باحساس عالي و هذا لا يستغرب من احد مبدعي الشعر

ان كانت القصيدة قمة فالذوق الذي اختارها ذوق عالي .. الراقية شكرا لها الحس الجميل

[سُلاَفْ القَصِيدْ]

خيالك علي مع كل شبة صباح ايغير
وذكراك لا جا الليل جتني ركايبها

قصيده جميله وذوق عالي
شكرا يالراقيه

العفو ابوحمد .. وياهلا فيك وبحضورك منورنا اليوم ودووم ..
لآخلآ ولآعدم ..

[سُلاَفْ القَصِيدْ]

قصيده رائعه
تسلمين راقيتنا
لاهنتي ي الغلا ❤🍂
الله يسسلمك ويسعدك حبيبتي
منورتنا بحضورك الراقي لآعدمنا هالحضور الجمييل ..

[سُلاَفْ القَصِيدْ]

تهلل علي في ساَع ماجات بالتقطيـر
وانا صوب صدر الصدر واقف واقربها


ابدع الشاعر و خط كلمات شاعرية باحساس عالي و هذا لا يستغرب من احد مبدعي الشعر

ان كانت القصيدة قمة فالذوق الذي اختارها ذوق عالي .. الراقية شكرا لها الحس الجميل
الذووق انت منبعه .. شآكره لك هذا الحضور الجمييل
لآتحرمنا تواجدك ومتابعتك ودمت لنا ودام حضورك ..

[النادر]

عافاك الله اختيار رائع وذوق اروع
ابن فطيس قامة شعرية كبيره
ماقصرتي وبنتظار الجديد

[سُلاَفْ القَصِيدْ]

عافاك الله اختيار رائع وذوق اروع
ابن فطيس قامة شعرية كبيره
ماقصرتي وبنتظار الجديد

حياك الله اخي النادر منور بحضورك وتواجدك
وياهلا فيك ..